So ka kerel e Devleskoro Carstvo bašo amaro sastipe?

„Adava so o KOVID-19 poviše nane vonredno sostojba ko celo sveto na značinela kaj o sastipe e manušengoro ko celo sveto nane te ovel ki opasnost... Keda ka pojavinel pe javer pandemija — a ka pojavinel pe — mora te ova spremna“ (D-r Tedros Adanom Gebrejesus, generaleno direktori ki Svetsko zdravstveno organizacija, 22 maj 2023 berš).

Sar posledica tari pandemija KOVID-19 but manuša isi len problemija ple fizičko hem mentalno sastipaja. Dali o vlade hem o zdravstvena institucie šaj te rešinen adala problemija? Ka oven li spremna baši javer pandemija?

I Biblija kerela lafi baši jekh vlada so ka obezbedinel zdravstveno griža koja so valjani e manušenge. Oj vakerela kaj „o nebesno Devel ka vazdel carstvo“, javere lafencar ka kerel jekh vlada (Daniel 2:44). Keda ka vladinel adava carstvo, „nijekh so živinela ki phuv nane te vakerel: ‘Nasvalo sium‘“ (Isaija 33:24). Sekole manuše ka ovel le šukar sastipe hem ka ovel pherdo ternikane silaja (Jov 33:25).