Šov milionja manuša mule taro KOVID — So vakerela i Biblija bašo adava?

Sprema i Svetsko zdravstveno organizacija (SZO) dži ko 23 maj 2022 berš, 6,27 milionja manuša mule taro KOVID-19. Ama, ko jekh izveštaj taro 5 maj 2022 berš, i SZO vakergja kaj verojatno o broj taro adala so mule taro akava nasvalipe tano but pobaro. Oj vakergja kaj ko 2020 hem 2021 berš, „otprilika 14,9 milionja manuša mule taro KOVID-19 ili taro leskere posledice“. Dali i Biblija vakerela nešto bašo asavke tragedie?

Ki Biblija pišinela kaj ka oven pandemie

•  O Isus vakergja kaj ka oven zarazna nasvalipa ko vreme kova so i Biblija vikinela le „posledna dive“ (Luka 21:11; 2. Timotej 3:1).

E Isuseskere lafija ispolninena pe avdive. Te šaj te doznajne poviše, čitin i statija „Od kade znaeme deka živeeme vo ’poslednite denovi‘?“

I Biblija dela uteha

•  „O Devel sekole utehakoro... dela amen uteha ki sekoja amari nevolja“ (2. Korinkjanite 1:3, 4).

But džene so mulo nekoj taro lengere mangle arakhle uteha ki Biblija. Te šaj te doznajne poviše, čitin o statie „Kako da ja podneseš tagata — što možeš da napraviš“ hem „Najdobrata pomoš za užalenite“.

I Biblija vakerela kova tano o trajno rešenie

•  „Te avel tlo Carstvo. Te ovel tli volja, sar ko nebo agjaar ki phuv“ (Matej 6:10).

Panda hari „e Devleskoro Carstvo“ ka kerel nešto te šaj nijekh manuš so živinela ki phuv te na vakerel: „Nasvalo sium“ (Marko 1:14, 15; Isaija 33:24). Dikh o videoklipi Soj e Devleskoro Carstvo? te šaj te doznajne poviše baši adaja nebesno vlada hem so ka kerel ki idnina.

Kaninaja tut te sikljove poviše bašo adava so vakerela i Biblija. Agjaar tu hem tli familija ka ovel tumen korist taro mudra sovetija hem šuže vetuvanja soj pišime ki late.