Sar te počmina razgovorija traktatencar

Taro januari 2018 berš, ki naslovno strana taro Amaro životo hem služba — listija spremibaske isi predlogija bašo razgovor. Siem sine pottiknime te kera e manušencar lafi, a na samo te nudina lenge literatura. Te šaj te prilagodina amaro pristap, ko sostanok šaj sine te dikha videoklipija ko kola sine sikavdo sar te počmina razgovor samo e Biblijaja. Dali akava značinela kaj na valjani te koristina literatura keda propovedinaja taro kher ko kher? Na! Na primer, o traktatija šaj te pomožinen amenge te počmina te kera lafi e stanarea. Keda koristinaja traktati, šaj te koristina akava pristap:

1. Čitin o pučiba hem o odgovorija soj dende ki prvo strana.

2. Sikav o biblisko odgovor so arakhljola ko stiho upre ki 2 strana. Ako e stanare isi le vreme, čitin nesave informacie taro traktati hem keren lafi baši lende.

3. Nudin o traktati e stanareske, hem pottiknin le te čitinel keda ka ovel le vreme.

4. Angleder te dža tuke, sikav leske o pučibe ki posledno strana ko delo „Razmislin“, hem dogovorinen tumen te dikhen zaedno o odgovor javer puti.

Palem keda ka posetine le, dikhen zaedno o odgovor hem mukh javer pučibe bašo kova so ka keren lafi javer puti. Šaj te birine nesavo pučibe tari amari internet-stranica ili tari publikacija koja soj dendi ki posledno strana taro traktati. Keda ka ovel prilika, nudin i brošura Šukar haberi taro Devel! ili nesavi javer publikacija proučibaske.