7 DELO
Koj sine o Isus?
O Jehova bičhalgja e Isuse ki Phuv (1. Jovanovo 4:9)
Ako mangaja te radujna e Jehova, amen valjani te šuna leskere čhave. Angleder te kerel e Adame, o Jehova kergja pe čhave ko nebo sar jekh but mokjno angeli.
Palo nesavo vreme, o Jehova bičhalgja le ki Phuv te ovel bijamo ko Vitleem tari jekh čhaj, i Marija. Leskoro anav sine Isus (Jovan 6:38).
Sar manuš ki Phuv, o Isus najšukar sikavgja e Jehovaskere osobine. Ov sine šukar, ljubezno hem sarinenge sine lokho te keren lea lafi. Ov hrabro vakerela sine e javerenge o čačipe bašo Jehova.
O Isus kergja šukar bukja ama mrzinena le sine (1. Petrovo 2:21-24)
O Isus isto agjaar sasljarela sine nasvalen hem vazdela sine nesaven so mule.
O religiozna vodačija mrzinena sine e Isuse adaleske so ov vakerela sine kaj adava so sikavena tano hovavno hem kaj lošno postapinena.
O religiozna vodačija čhivgje e Rimjanen te maren e Isuse hem te mudaren le.