17. LEKCIJA

Ov jasno hem jednostavno

1. Korinćanima 14:9

SO TE ĆERE: Pomožin e manušenđe te haljon odova so vaćereja.

Proučin šukar o materijali. Šukar haljov i tema te šaj te objasnine la jasno hem te lafencar.
Koristin kratka rečenice hem jednostavna lafija. Tu šaj te koristine hem bare rečenice. Ama, bi ovela šukar o glavna tačke te vaćere kratko hem jasno.

Ma vaćer ando detaljija kola nane odobor važna, sose odova ka bunini e manušen. Isto ađahar, ma koristin phare lafija, nego vaćer sar so o manuša vaćerena svako dive.
Objasnin o lafija kola nane penđarutne. Ako šaj, ma koristin lafija kola o manuša na đanena. Ama, ako valjani te vaćere ando lafija kola nane but penđarutne, andi disavi osoba andi Biblija, ando mere kola koristinđe pe ko purano vreme ja ando disavo običaj, tegani objasnin odova.