Sose avdije o mariba hem ponodri ovena?

O GREH

O Devel stvorinđa e prvo manušen, e Adame hem e Eva, premali pi slika (Postanak 1:27). Odova značini so on hine len o osobine kola o Devel isi le, a ov tano Devel ando mir hem mangipe (1. Korinćanima 14:33; 1. Jovanova 4:8). Ama, o Adam hem i Eva na šunđe e Devle hem grešinđe. Sebepi odova, sare amen hijam grešna hem meraja (Rimljanima 5:12). Odolese, but putija isi amen lošna mislija hem odova ćhivela amen te ćera lošna buća (Postanak 6:5; Marko 7:21, 22).

O MANUŠIKANE VLASTIJA

O Devel na stvorinđa e manušen te vladinen. Ki Biblija pisini: „O manuš našti te upravini ni pe korakonencar“ (Jeremija 10:23). Odolese, o manušikane vlastija našti potpuno te ciden o mariba hem o nasilje.

O BENG HEM OLESE DEMONIJA

I Biblija mothovi so „celo sveto tano ko e Lošnonese vasta“ (1. Jovanova 5:19). Odova „Lošno“ tano o Satana, o Beng, aso kova i Biblija phenela so mudari e manušen (Jovan 8:44). Ov hem avera lošna anđelija, kola tane penđarde sar demonija, ćhivena e manušen te oven nasilna hem te počminen o mariba (Otkrivenje 12:9, 12).