Šov milionija manuša mulje andi koronavirus – so phenela i Biblija?

Premalo odova so phenela i Svetsko zdravstveno organizacija, đi ko 23. maj 2022. berš 6,27 milionija manuša mulje sebepi i pandemija COVID-19. Ama, ko 5. maj 2022. berš, ko vestija vaćerđe so i Svetsko zdravstveno organizacija proceninđa so odova broj tano but pobaro. Oj phenđa so ko 2020. hem ko 2021. berš „o ukupno broj ando manuša kola direktno ja indirektno mulje andi pandemija kotar koronavirus tano oko 14,9 milionija.“ Da li ki Biblija pisini diso ando akala pharipa?

Ki Biblija pisini so ka oven bare pandemije

•  O Isus phenđa so ka oven epidemije ja „zarazna nabormipa“ ko period kova i Biblija vićini „poslednja dive“ (Luka 21:11; 2. Timoteju 3:1; Contemporary English Version).

Avdije ispunini pe odova so o Isus phenđa. Ako mangeja te đane pobuter, čitin o članko „Šta je znak ’poslednjih dana‘ ili ’vremena kraja‘?“

I Biblija dela amen uteha

•  „O Devel andi svako uteha. . . tešini amen ki svako amari nevolja“ (2. Korinćanima 1:3, 4).

Bute manušen kola našalđe nekas kas manglje utešinđa odova so pisini ki Biblija. Ako mangeja te đane pobuter, čitin o članko „Kako se izboriti s tugom — šta već sada možete učiniti“ hem „Prava uteha za one koji tuguju.“

I Biblija vaćeri andi šukar budućnost

•  „Nek avel to Kraljevstvo. Nek ovel ti volja, sar ko nebo, ađahar hem ki phuv“ (Matej 6:10).

Pana hari ka avel e „Devleso Kraljevstvo“ hem tegani „nijekh manuš ki phuv na ka phenel: ’Nabormo hijum‘ “ (Marko 1:14, 15; Isaija 33:24). Dikh o video Soj tano e Devleso Kraljevstvo? ako mangeja te đane pobuter andi akija nebesko vladavina hem so oj ka ćerel.

Pana but buća šaj te sikljove andi Biblija. Koro late šaj te arakhe mudra savetija hem šukar obećanja kola šaj but te pomožinen tuće hem te porodicaće.