13. LEKCIJA

Objasnin sose tano odova so vaćereja šukar averenđe

Poslovice 3:21

SO TE ĆERE: Pomožin e manušenđe te haljon sar odova so vaćereja utičini ko olengo životi hem sar šaj te ćeren odova so sikljona.

Razmislin e manušendar. Razmislin sose tano šukar te šunen odova so vaćereja hem so kotar odova posebno ka pomožini len.
Đi vaćereja, objasnin e manušenđe so valjani te ćeren. Kotar početko ando to govor, svako manuš valjani te mislini: „Akava tano maje.“ Đi vaćereja ando glavna mislija, mothov sar šaj o manuša te primeninen odova so sikljona. Vaćer jasno hem konkretno.

Ked objasnineja sar šaj te primeninen pe e biblijake načelija, ćer odova mangipaja hem mothov saosećanje. Ma ćer o manuša te osetinen pe krivo, nego zorjaćer olengo mangipe hem olengi vera ko Jehova. Ov uverimo so olengo vilo ka podstaknini len te ćeren odova soj tano ispravno hem te šunen o savetija ando to govor.