Кала тути кадя найдраго, кай на камэлпэ тэ жувэс
САС тути варикала кадя ԥарэс, кай на камэласпэ тэ жувэс? Тоди ту можэш тэ полэс, со сас по ди кай и Адриана. Вой вся и время фартэ пэрэжывала и на аштярэлас нисаво лашимос. Кай и Адриана насвалимос, пэ саво ԥэнэн депрессия.
Ай акэ со сас кай о Каору анда Япония, савэсти прижыляпэ тэ диқэл пала насвалэ ԥурэ родителя. Во росԥэнэн: «Дэкала пэ бути сас кадя ԥарэс, кай на сас зор. Манди на камэласпэ тэ хав и мэ нэ моӷ тэ совав. Мэ гиндосаравас, кай тэ улав вся када мандэ вижала кати тоди, кала мэ става пэр пэстэ и вас».
О Оебоде анда Нигерия ԥэнэн: «Манди вся и время сас кадя ԥарэс, кай и ясва жанас екжэнэ пэстар. Важ када мэ родавас, сар вся када тэ улав». Драго, кай о Оебоде, и Адриана и о Каору на умардэ пэс. Но варикай 800 000 мануш кажно бэрш умарэн корко пэс.
КАЙ ТЭ РОДЭС ПОМОЩЬ
Май часто умарэн корко пэс и мурш, важ кода кай лэнди лажаво тэ мангэн помощь. О Иисусо ԥэндя, кай лэ насвалэнди трэбуй о врачо (Луки 5:31). Пожалуйста, манг помощь, если тутэ дэкала исин гиндоря, кай тэ умарэс пэс. Андэ када нинай нисо лажаво. Бутэнди поможысардэ и врачоря. О Оебоде, и Адриана и о Каору жылэ кай и врачоря, и акана лэнди ашэля пэ бутэстэ май вушэро.
Кай тэ лечин кадэва насвалимос, о врачо можэт тэ випистрой драба или кай тэ ԥирэс кай о психиатро, ай можэт и кода, и авэр. Кадяжэ кацавэ манушэнди трэбуй, кай о ери и и друӷоря тэ подритярэн лэн, тэ шон сама лэн и тэ на холявэн. Само лашо друӷо, саво кати можэт тэ авэл, када о Дэл Иегова. Во дя амэнди андэ помощь пэско Алав, и Библия.
МОЖНО ЛИ ТЭ УЛАС О ԤАРИМОС ПЭ ВСЯ И ВРЕМЯ?
Кодэлэнди, кастэ депрессия, трэбуй бут время тэ лечинпэ, и лэнди трэбуй тэ присытён тэ жувэн па аврятэ. Но если ту лечиспэ кадэлэ насвалимастар, на бистэр, кай англэ авэла лашимос. Именно када важ о Оебоде фартэ бари помощь. Во ԥэнэн: «Мэ аштярав, кала авэла время, пала сави пистромэ андэ Исаия 33:24, кала ни ек мануш на ԥэнэна: „Мэ насвало“». Тут кадяжэ можэт тэ подритярэл о алав, саво дя о Дэл, пала «нэви ԥув», кай и «дук будэр на авэла». Андэ када ужал кадяжэ и дук и о ԥаримос, савэ андо ди (Откровение 21:1, 4). Ту никала на лэса тэ сэрэс кода, со сас. Прожала время и ту бистрэса вся када (Исаия 65:17).