Адиносар и Библия кадя, кай када тэ анэн тути лашымос

1. Васо можно тэ ԥэнас, кай и Свынто Писания сас куч важ о Иисусо?

САР дэ приятно сас лэ манушэнди тэ ашунэн лэ Иисусос, кала во сытярэлас. Андэ дума во часто шолас сама пэ гиндоря анда Свынто Писания, савэ во сэрэлас. Интересно, кай пэрви алава, савэ о Иисусо ԥэндя посли крещения, ай кадяжэ послидни алава, савэ во ԥэндя англа пэстири смэрть — када сас гиндоря анда лэ Дэвлэско Алав (Втор. 8:3; Пс. 31:5; Луки 4:4; 23:46)b. Важ и трин епашэса бэрш, кала о Иисусо служыяс пэ ԥув, во часто адинояс лэ манушэнди и Свынто Писания, ай кадяжэ точно пэрэԥэнэнас и гиндоря андар латэ и объяснияс лэн (Матф. 5:17, 18, 21, 22, 27, 28; Луки 4:16—20).

2. Со поможысардя лэ Иисусости драго тэ уӷанэн и Свынто Писания? (Диқэн и картинка пэ обложка.)

² С децтва о Иисусо часто адинояс и ашунэлас кода, со пистромэ андэ лэ Дэвлэско Алав. Цэрэ во ашунэлас, сар и Мария и о Иосифо андэ пэстири дума ԥэнэнас и алава анда Писания (Втор. 6:6, 7)c. И канешно, кажно субота о Иисусо пэстирэ родителёнэнца ԥирэлас андэ ла собранияко цэр (Луки 4:16). Ай котэ во внимательно ашунэлас, кала заадинонас и гиндоря анда Писания. Прожыля время и о Иисусо ужэ моӷ тэ адиной ла екжэно. Блаӷодаря кадэлэсти во най кати драго уӷангля и Писания, но и полюбисардя ла и ля тэ жувэл кадя, сар котэ пистромэ. Например, сэрэн о случаё, кала лэ Иисусости сас 12 бэрш и во ашэляпэ андо храмо? И законикоря «удивинаспэ кодэлэсти, савэ атветоря во дэлас и сар дэ драго во вся полэлас» (Луки 2:46, 47, 52).

3. Со амэ роздиқаса андэ кадэя статья?

³ Амэ тожэ сможэм тэ уӷанас и тэ полюбисарас и Библия, если ласа часто ла тэ адиносарас. Но сар када тэ анэн амэнди инке май бут лашымос? Давайте роздиқаса, со о Иисусо ԥэндя важ и законикоря, фарисеёря, садукеёря и авэр мануша, савэ драго ӷанэнас лэ Моисеёско законо. Вонэ часто адинонас и Писания, но нисости на сытёнас. О Иисусо ԥэндя пала трин маменторя, пэ савэ лэнди трэбуй сас тэ шон сама. Када поможыя и амэнди. Если амэ ласа тэ приашундювас каринг лэндэ, тоди: 1) ласа инке май драго тэ полас кода, со адиносарас, 2) сытюваса тэ арақас инке май бут сомнак анда Библия и 3) домэкаса, кай и Свынто Писания инке май фартэ тэ влияет пар мэндэ.

АДИНОСАР, КАЙ ТЭ ПОЛЭС

4. Со амэ уӷанас анда Луки 10:25—29 пала кода, васо трэбуй тэ адиносарас лэ Дэвлэско Алав?

⁴ Амэнди трэбуй тэ полас кода, со адиносарас андэ Библия, кати тоди када анэна амэнди лашымос. Сэрэн лэ Иисусостири дума еқэ манушэса, саво драго ӷанэнас о законо. (Проадинон Луки 10:25—29.) Кала кодэва мурш пушля, со лэсти трэбуй тэ терэл, кай тэ получий и вечно жызня, о Иисусо шутя лэстири сама пэ кода, со пистромэ андэ лэ Дэвлэско Алав. Во ԥэндя: «Со пистромэ андо законо? Сар ту када полэс?» Кодэва мануш правильно атветил, кала пэрэԥэндя и гиндоря анда Писания пала любовь каринг о Дэл и каринг авэр мануша (Лев. 19:18; Втор. 6:5). Но шон сама, со во пушля потом: «Ай ко када авэр мануша?» Вижал, па чачимастэ во на полэлас, со адинояс. Важ када на ӷанэнас, сар тэ прилэл кодэва гиндо анда Свынто Писания андэ пэстири жызня.

5. Сар и молитва и кода, кай на грабиспэ, поможыя май драго тэ полэс, со адинос?

⁵ Амэ сможэм май драго тэ полас и Библия, если приласа кадэла советоря. Англа кода, сар тэ адинос, помангпэ. Кай тэ полас и Писания, амэнди трэбуй лэ Иеговастири помощь. Важ када амэ можэм тэ мангас лэстар о свынто духо, кай тэ на отвлекаемся. На грабисав, кала адинос — када поможыя тути май драго тэ полэс и Библия. Тути, возможно, чалёл тэ адинос вслух или тэ ашунэс аудио и тэ слидос, сар о ԥрал адиной и Библия. Кадя ту най кати диқэса о тексто, но и ашунэса кадэла алава. Тоди и гиндоря анда Свынто Писания пэ долӷонэстэ ашэнапэ андэ тиро ди и годи (Иис. Н. 1:8). Ай посли кода, сар ту проадиноса, мангпэ упалэ. Ԥэн наис лэ Иеговасти пала лэско подарко, и Библия, и манг, кай во тэ поможый тути тэ прилэс кода, со проадиносардян.

6. Сар и вопросоря и найбарэ записи поможына, кала адинос? (Кадяжэ диқэн и картинка.)

⁶ Акэ инке дуй полезни советоря. Задэ пэсти вопросоря пала кода, со адинос. Пуш пэстар: «Пала кастэ катэ пистромэ? Ко дэл дума? Каса во дэл дума и васо? Кай и кала када терэлпэ?» Кацавэ вопросоря поможына тути тэ додиқэс и ӷлавни гиндоря и кода, сар вонэ сжанпэ ек еқэса. Набут запистросар. Кала ту запистрос пэстирэ гиндоря, када поможый тути май драго лэн тэ полэс и тэ запомниш кода, со адинос. Ту можэш тэ запистрос важ пэстэ и вопросоря, кода, со уӷанглян, ӷлавни гиндоря и сар тэ прилэс лэн андэ пэстири жызня. Инке ту можэш просто тэ запистрос кода, со по ди. Блаӷодаря кадэлэсти и Библия ашэла важ тутэ, сар о письмо, саво о Иегова пистросардя лично тути.

7. Саво качество амэнди трэбуй, кала амэ адиносарас и Библия и васо? (Матфеё 24:15).

⁷ О Иисусо ԥэндя, кай если амэ камас тэ полас, со пистромэ андэ лэ Дэвлэско Алав, амэнди трэбуй проницательность. (Проадинон Матфеё 24:15.) Блаӷодаря лати амэ можэм тэ полас, сар и гиндоря сжанпэ ек еқэса и кода, андэр со вонэ на шонпэ. Ай инке вой поможый тэ полас кода, со спэрва на дицол. Кадяжэ, сар ԥэндя о Иисусо, и проницательность поможый амэнди тэ росполас и событии, савэ сыкавэн, кай исполнинпэ и библейски пророчества. Амэнди фартэ трэбуй кадэва качество, если амэ камас, кай амэнди тэ анэн лашымос кода, со амэ адиносарас андэ Библия.

8. Со поможый, кай тутэ тэ авэл проницательность, кала адинос и Библия?

⁸ О Иегова дэл пэстирэ служытелёнэнди и проницательность. Важ када андэ молитва манг лэстар, кай во тэ поможый, кай тутэ тэ авэл кадэва качество (Прит. 2:6). Сар ту можэш тэ терэс кадя, сар манглянпэ? Внимательно адиносар, шув сама, сар сжалпэ кода, со ту проадиносардян, кодэлэса, со ужэ ӷанэсас. Кай май драго тэ полэс и Библия, дик «Справочнико па публикацыи кай лэ Иеговастирэ свидетеля». Када поможый тути май драго тэ полэс и стихоря, савэ ту проадиносардян, и сар тэ прилэс лэн андэ жызня (Евр. 5:14). Если тутэ авэла проницательность, кала адинос и Библия, ту сможэш май драго ла тэ полэс.

АДИНОСАР, КАЙ ТЭ АРАҚЭС О СОМНАК АНДЭ БИБЛИЯ

9. Пэ саво важно чачимос на шонас сама и садукеёря?

⁹ И садукеёря драго ӷанэнас пэрви панч книжки андэ Еврейски Писании, но вонэ на шонас сама пэ важно лэ Дэвлэско чачимос, саво котэ сас. Например, вспомним, сар и садукеёря, кай тэ подлэн лэ Иисусос андэ дума, пушлэ лэстар пала воскресения. Пэ када во ԥэндя лэнди: «Хэба тумэ на адиносардэ андэ лэ Моисеёстири книӷа, сар о Дэл ԥэндя лэсти паша кусто, саво ԥаболас: „Мэ Дэл лэ Авраамоско, Дэл лэ Исаакоско и Дэл лэ Иаковоско“?» (Мар. 12:18, 26). Хоть и садукеёря, канешно, бут разоря адинонас кадэла алава, но лэ Иисусоско вопросо сыкадя, кай вонэ ԥандавэнас и яқа пэ кода, сости сытярэлас и Писания пала воскресения (Мар. 12:27; Луки 20:38)d.

10. Пэр со трэбуй тэ шас сама, кала амэ адиносарас и Библия?

¹⁰ Сости амэ анда када сытювас? Кала амэ адиносарас и Библия, амэнди трэбуй тэ авас внимательни каринг всаворэ гиндоря, савэ исин андо стихо или ӷлава. Трэбуй тэ шас сама най кати по ӷлавно чачимос, саво сразу дицол, но кадяжэ по чачимос и принцыпоря, савэ шонпэ по загарадо сомнак.

11. Сар 2 Тимофею 3:16, 17 поможыя амэнди тэ арақас сомнак андэ Библия?

¹¹ Сар тэ арақэс о сомнак андэ Библия? Диқам, со ԥэнэнпэ андэ 2 Тимофею 3:16, 17 (проадинон). Шон сама, кай «всаворэ алава андэ Писания... лашэ». Вонэ поможын: 1) тэ сытярэн, 2) тэ сыкавэн, со най кадя, 3) тэ парувэн и жызня и 4) тэ сытярэн, сар тэ ритярэн лэ Дэвлэско законо. Када поджал каринг всаворэ книжки андэ Библия, дажэ каринг кодэла, савэ ту адинос най кадя часто. Погиндосар, сости ту сытёс анда кода, со проадиносардян. Со ту уӷанэс пала Иегова, лэско замысло или пала лэстирэ принцыпоря? Ай сар и гиндоря анда Библия поможын тэ сыкавэн, со най кадя андэ амари жызня? Шув сама, сар вонэ поможын тэ полас каринг саво найлашымос амэн цырдэл, тэ отшас пэстар када и тэ ашаспэ верни лэ Иеговасти. Кадяжэ роздик, сар ту можэш тэ прилэс кадэла стихоря, кай тэ парувэс о нэправильно лэ манушэско гиндо, саво ашундян андэ служэния. Родэ андэ кадэла стихоря и алава, савэ сытярэн, сар тэ ритярэс лэ Дэвлэско законо. Вонэ поможына тути тэ гиндос кадяжэ, сар о Иегова. Если ту лэса тэ сэрэс пала кадэла штар советоря, ту виарақэса сомнак андэ Библия и када анэна тути лашымос.

ДОМЭК, КАЙ И БИБЛИЯ ТЭ ВЛИЯЕТ ПЭР ТУТЭ

12. Васо о Иисусо пушля кай и фарисеёря: «Хэба тумэ на адиносардэ?»

¹² Кадяжэ о Иисусо пушля и лэ фарисеёнэндар: «Хэба тумэ на адиносардэ?» Во задя кадэва вопросо, кай тэ сыкавэл, кай вонэ нэправильно полэнас и Писания (Матф. 12:1—7)e. Андэ кодэя дума и фарисеёря дошалярдэ лэ Иисусостирэ учениконэн, кай вонэ на ритярэн и субота. Пэ када во призындярдя лэнди дуй примероря анда Писания и точно пэрэԥэндя и алава, савэ пистросардя о пророко Осия. Кадя о Иисусо сыкадя, кай и фарисеёря на полэнас, васо о Дэл дя о законо пала субота, и через када на жалуинас аврэн. Васо и Библия нэ влияла пэ кадэла мурша? Важ кода кай вонэ сас ӷорди и долэнаспэ каринг кажно алав. Кацаво настроё на домэкэлас лэн тэ полэн кода, со адинон (Матф. 23:23; Иоан. 5:39, 40).

13. Саво амэндэ трэбуй тэ авэл настроё, кала адиносарас и Библия, и васо?

¹³ О Иисусо сытярэл амэн, саво трэбуй тэ авэл настроё, кала адиносарас и Библия. Если амэ на камас тэ шаспэ пэ фарисеёря, амэнди трэбуй смирения и тэ авас ӷотови тэ сытювас. Важно ковлэ одеса тэ прилас лэ Дэвлэстирэ алава (Иак. 1:21). Тоди вонэ ашэнапэ андэ амаро ди. И гиндоря анда Библия пала кода, кай жалуин анда оди, полэн и любин, лэна тэ влияют пар мэндэ кати тоди, кала амэндэ на авэла нэдовольно и ӷордо настроё.

14. Сар можно тэ полас, домэкас амэ, кай и Библия тэ влияет пар мэндэ чи най? (Кадяжэ диқэн и картинка.)

¹⁴ Пар со дицол, домэкас амэ, кай и Библия тэ влияет пар мэндэ? Када дицол па кода, сар амэ обжаспэ аврэнца. Если и фарисеёря тэ мэклоп лэ Дэвлэстирэ алава андэ пэско ди, тоди вонэ «на сындосардоп лэ найдошалэн» (Матф. 12:7). Па кода, сар диқас пэ авэр и обжаспэ лэнца, можно тэ полас, влияет и Библия пар мэндэ чи най. Например, пала со амэ дас дума: пала лашымос, саво исин андэ авэр мануша, или пала лэндирэ нэдостаткоря? Амэ жалуисарас анда оди и простисарас или нэдовольни и ритярас холи? Кацавэ вопросоря поможына тэ полас, домэкас амэ чи най, кай и Библия тэ влияет пэ амари годи, оди и пэ кода, сар пэс андярас (1 Тим. 4:12, 15; Евр. 4:12).

АДИНОСАР И БИБЛИЯ, КАЙ ТЭ АВЭС БАХТАЛО

15. Со сас андо ди кай о Иисусо каринг и Свынто Писания?

¹⁵ Важ о Иисусо сас куч и Свынто Писания. Андо Псалом 40:8 сас запистромэ пророчество пала кода, со лэстэ авэла андо ди: «О мэрно Дэл! Мэ виарақав радость, кала терав кода, со ту камэс, и тиро законо андэ мэрно ди». Важ када во сас бахтало, кала служыяс лэ Иеговасти, и во андэ вся лэс блаӷословияс. Амэ тожэ аваса бахталэ и амэндэ авэла лашымос лэ Дэвлэстар, если адиносарас и Библия и сытювас ла тэ любисарас (Пс. 1:1—3).

16. Со ту можэш тэ терэс, кай тэ адинос и Библия кадя, кай када тэ анэн тути май бут лашымос? (Диқэн и рамка «Лэ Иисусостирэ алава моӷут тэ поможын тути тэ полэс кода, со адинос».)

¹⁶ Мэк лэ Иисусостирэ алава и лэско примеро поможына амэнди тэ сытювас май драго тэ адиносарас и Библия. Амэндэ вижала май драго тэ полас и Свынто Писания, если ласа тэ мангаспэ, тэ на грабисавас, тэ задас пэсти вопросоря и тэ терас найбарэ записи. Кала амэ адиносарас и Библия, амэнди трэбуй тэ гиндосарас и тэ изучаем ла па амари литература. Андэ када амэнди поможыя и проницательность. Если амэ ласа тэ арақас о сомнак андэ Библия, тоди амэндэ вижала май драго ла тэ используем и дажэ кодэла стихоря, савэ най кадя часто адиносарасас. Кала амэ правильно диқас пэ кадэя книӷа лэ Иеговастар, тоди амэ домэкаса, кай вой тэ влияет пар мэндэ. Давайте приласа андэ жызня и советоря анда кадэя статья. Тоди, кала ласа тэ адиносарас и Библия, када анэна амэнди инке май бут лашымос и амэ ашаса май пашэ каринг о Иегова (Пс. 119:17, 18; Иак. 4:8).