СЫТЯР ЛЭ МАНУШЭН
УРОКО 11
Сытяр просто
Библейско принцыпо: «Если тумари дума ԥарэс тэ полэн, тоди сар варико уӷанэна, пала со тумэ ԥэнэн?» (1 Кр. 14:9).
Со терэлас о Иисусо
1. Дик ВИДЕО или адиносар Матфеё 6:25—27. Тоди погиндосар пала кацавэ вопросоря:
а) Саво примеро призындярдя о Иисусо, кай тэ сыкавэл, кай о Иегова заботийпэ пала мануша?
б) Хоть о Иисусо бут ӷанэнас пала птицы, васо во ԥэндя кати пала ек гиндо? Васо кадэва подходо сас лашо?
Сости амэ сытювас кай о Иисусо
2. Если тэ сытярас просто, лэ манушэсти авэла май вушэро тэ запомнит кода, со во уӷанэн. Кадяжэ, када поможыя, кай о чачимос тэ лэл лэс лэ одестар.
Тер кадя, сар о Иисусо
3. На дэ дума фартэ бут. На росԥэн сразу вся, со ӷанэс пала варисави тема. Фэдэр май бут шув сама пэ кода, со исин андэ книжка важ и изучения. Если задян вопросо, доаштярдюв о атвето. Если о изучающё на ӷанэн о атвето или ԥэнэн кода, со на сжалпэ ла Библияса, задэ лэсти инке вопросоря, кай тэ поможыс правильно вся тэ полэл. Сар кати о изучающё поля о ӷлавно гиндо, пэрэжа каринг авэр пункто.
4. Поможысар, кай о мануш тэ полэл, сар кода, со во ужэ ӷанэнас, сжалпэ кодэлэса, со во уӷангля акана. Например, англа кода, сар тэ розлэн и ӷлава пала воскресения, можно набут тэ вспомните, со о мануш ӷанэн пала кода, со терэлпэ лэ манушэнца, савэ мулинэ.
5. Дэ дума па примероря, но ав осторожно. Англа кода, сар тэ призындярэс варисаво примеро, погиндосар:
а) Просто кадэва примеро чи най?
б) Авэла лэ манушэсти вушэро лэс тэ полэл?
в) Со запомнит о изучающё — о ӷлавно гиндо или кати о примеро?