СТАТЬЯ, КАЙ ТЭ СЫТЮВАС 23
«Мэк тиро алав авэл свынто»
«Иегова, тиро алав [кода, сар тут ақарэн] пэ вся и вечность» (ПСАЛОМ 135:13).
ДИЛИ 12 Иегова Велико Царё
ПАЛА СО УӶАНАСА АНДА СТАТЬЯ?a
1, 2. Савэ гиндоря фартэ важни важ амэндэ?
ЛЭ ИЕГОВАСТИРЭ свидетелёнэнди чалёл тэ дэн дума пала важни вопросоря. Када, кай лэ Иеговастэ исин право тэ правий и кай лэско алав свынто. Но на трэбуй тэ гиндосарас, кай када дуй разни гиндоря.
2 Амэ полас, кай по лэ Дэвлэско алав трэбуй тэ на авэл нисаво хохаимос. Кадяжэ амэнди важно тэ росԥэнас, кай всаворэ тэ полэн, кай о Иегова со май лашо правителё. Кадэла дуй гиндоря фартэ важни важ амэндэ.
3. Со амэ полас пала лэ Дэвлэско алав?
3 Кала гиндосарас пала лэ Дэвлэско алав, пала Иегова, амэ гиндосарас пала лэстэ разнонэ ригэндар, ай кадяжэ пала лэстири правления. Важ када, кала амэ полас, кай трэбуй тэ злас о хохаимос, саво ԥэнэн по Иегова, амэ кадяжэ полас, кай лэ Иеговастири правления со май лащи. (Диқэн и рамка «Пала со амэ инке гиндосарас, кала дас дума пала свынто лэ Дэвлэско алав, Иегова?».)
4. а) Со ԥэнэнпэ андэ Псалом 135:13 пала лэ Дэвлэско алав, Иегова? б) Со амэ уӷанаса анда кадэя статья?
4 Кацаво алав, сар кай о Иегова, будэр никастэ нинай. (Адиносар Псалом 135:13b.) Васо алав Иегова кацаво особенно? Кала пэ лэско алав пэрво разо хохадэ? Со терэл о Иегова, кай и мануша тэ ӷанэн, кай во свынто Дэл? И сар амэ можэм тэ зашаспэ пала лэ Дэвлэско алав, пала Иегова? Уӷанам атветоря пэ кадэла вопросоря.
ВАСО КАЦАВО АЛАВ БУДЭР НИКАСТЭ НИНАЙ?
5. Со пушэн дэсавэ мануша, кала ашунэн, кай лэ Дэвлэско алав трэбуй тэ авэл свынто?
5 Анда ашунгли лэ Иисусостири молитва дицол, пала со амэ спэрва трэбуй тэ мангаспэ. Во ԥэндя: «Мангэнпэ кадя: „Амаро Дад по нэбо, мэк тиро алав авэл свынто“» (Матфея 6:9). И алава «авэл свынто» сыкавэн, кай трэбуй тэ терас кадя, кай тэ авэл вужо. И кала дума жал пала лэ Дэвлэско алав, варико можэт тэ пушэл: «Состэ тэ терас кадя, кай лэ Дэвлэско алав тэ авэл вужо, сар во и кадя свынто?» Кай тэ дас атвето пэ кадэва вопросо, трэбуй тэ полас, кай о алав, када най кати кода, сар варикас ақарэн.
6. Васо, сар ақарэн лэ манушэс, кадя важно?
6 Андэ Библия пистромэ: «Фэдэр пала мануш драго тэ дэн дума, чем тэ авэл барвало» (Притчи 22:1; Экклезиаст 7:1). Васо кадя важно, кай драго тэ дэн дума пала мануш, пала лэско алав? Кала гиндосарас пала кода, сар ақарэн лэ манушэс, амэндэ сразу авэл по гиндо, сар дэн дума пала лэстэ. О алав лэ манушэско, када найпросто, кала пистрон пэ бумажка, сар лэс ақарэн чи сар ԥэнэн лэско алав. Важ када важно най кода, сар кадэва алав пистройпэ чи ашундёл, ай кода, со гиндон и мануша, кала ԥэнэн кадэва алав.
7. Со терэн и мануша, кай пала Дэл тэ гиндон найдраго?
7 Кала и мануша хохавэн по Иегова, вонэ камэн тэ стерэн кадя, кай авэр тэ гиндон пала лэстэ найдраго. Тоди и мануша дошалярэн лэ Дэвлэс и хохавэн по Дэл, по Иегова. Пэрво разо када тердяпэ, кала о Дэл создал лэ манушэн. Погиндосарам, сости када амэн сытярэл.
САР ПЭРВО РАЗО ХОХАДЭ ПО ЛЭ ДЭВЛЭСКО АЛАВ?
8. Пала со ӷанэнас о Адамо и Ева? И савэ инке вопросоря амэ можэм тэ задас?
8 О Адамо и Ева ӷанэнас, кай лэ Дэвлэс ақарэн Иегова. Вонэ ӷанэнас ӷлавно чачимос пала лэстэ. Када, кай во Создателё, саво подарисардя лэнди и жызня, совершэно тила, лашо и райкано ҭан, кай тэ жувэн, ай кадяжэ дя райканэ хулас и ла хулая́ (Бытие 1:26—28; 2:18). Но сас важ лэндэ куч кода, со стердя о Иегова? Сас лэндэ андо ди чачуни любовь и блаӷодарность каринг о Иегова? Када вся дицэля, кала лэнца задя дума лэ Дэвлэско вороӷо.
9. а) Со, сар пистромэ андэ Бытие 2:16, 17 и 3:1—5, о Иегова ԥэндя лэ Адамости и ла Евати? б) Сар о Сатана пэрэбандярдя лэстирэ алава?
9 Адиносар Бытие 2:16, 17c, 3:1—5d. Через о сап о Сатана пушля ла Еватар: «Чаче о Дэл ԥэндя, кай тумэнди нащи тэ хан па всаворэ витки андо садо?» Андэ кадэва вопросо сас хохаимос пала Дэл, саво сас, сар ядо, через саво и Ева ля найдраго тэ гиндой пала Дэл. Но о Дэл ԥэндя лэ Адамости и ла Евати, кай вонэ моӷут тэ хан и плодоря па всаворэ витки, важ кода кай андо раё лэн барёнас фартэ бут, ай кати па ек нащи сас тэ хан! (Бытие 2:9). О Иегова фартэ бут со важ лэндэ стердя и приԥэндя лэнди тэ на хан кати па ек витка. Важ када, кала о Сатана када пушля, кадэлэса во пэрэбандярдя о чачимос. Во вистодя када кадя, кабута о Дэл гаравэл лэ манушэндар варисо важно. Файма, и Ева погиндосардя: «Ай со, если када чаче?»
10. Сар о Сатана хохадя по Дэвлэско алав, по Иегова и со анда када вижыля?
10 Андэ кодэя время и Ева инке гиндояс, кай кати кай о Иегова исин право тэ ԥэнэн, со лашо, ай со най. Вой ԥэндя лэ Сатанасти, со приԥэндя лэнди о Иегова. Инке вой ԥэндя, кай лати и лэ Адамости нащи дажэ тэ лэнпэ каринг и витка, сави сыкавэл, со лашимос, ай со найлашимос. И если вонэ на кандэна, тоди мэрэна. Пала када лэнди ԥэндя екжэно о Дэл. Но пэ када о Сатана ԥэндя: «Най, тумэ на мэрэна» (Бытие 3:2—4). Акана во ля тэ хохавэл по Дэл ворта. Во ля тэ ԥэнэн найчачимос по лэ Дэвлэско алав, по Иегова и кадэлэса во ԥэндя ла Евати, кай о Дэл хохавэл. Кадя о Сатана ашэля Хохавно. И Ева подяпэ лэ хохаимасти и патяя лэ Сатанасти, ай най лэ Иеговасти (1 Тимофею 2:14). Кодэлэстар вой приля, со май найлащи ришэния, тэ жал против кода, со приԥэндя лэнди о Дад. Вой зумадя о плодо, саво о Иегова приԥэндя тэ на хан, ай тоди дя лэс лэ Адамости (Бытие 3:6).
11. Со трэбуй сас тэ стерэн о Адамо и Ева?
11 Погиндон, со авелоп, если и Ева тэ ԥэндоп лэ Сатанасти па аврятэ. Ай со, сар вой тэ ԥэндоп кадя: «Мэ на ӷанав тут, но мэ ӷанав пэстирэ Дадэс, лэ Иеговас. Мэ любисарав и патяв лэсти. Сар ту можэш тэ ԥэнэс пала лэстэ варисо найлашо? Вижа!» Сар о Иегова авелоп лошало, если лэстири любимо щей тэ ԥэндоп кацавэ алава! (Притчи 27:11). Но и Ева и о Адамо на любинас лэ Иеговас и на камэнас тэ кандэн кати лэс. Вонэ ни ек лашо алав на ԥэндэ, кай тэ зашонпэ пала пэско Дад и пала лэско алав Иегова.
12. а) Сар о Сатана стердя кадя, кай и Ева тэ на допатял лэ Иеговасти? б) Со на стердэ о Адамо и Ева?
12 Сар амэ уӷанглям, о Сатана заля кодэлэстар, кай и Ева тэ на допатял лэ Иеговасти, кай во лашо Дад. О Адамо и Ева ашундэ, сар о Сатана наӷло хохавэл, но вонэ на зашутэпэ пала Иегова. Через када вонэ вушэро подритярдэ лэ Сатанас, кай тэ жан против пэско Дад. О Сатана терэл кадя жэ и адес. Во росԥэнэн бут хохаимос пала Дэл и хохавэл пэ лэско алав Иегова. И кала и мануша патян андэ кадэва хохаимос, вонэ на камэн тэ кандэн лэс и вушэро отԥэндёнпэ тэ жувэн па лэско законо.
О ИЕГОВА ЗЛЭЛ О ХОХАИМОС, САВО ԤЭНЭН ПЭР ЛЭСТЭ
13. Сар пала ӷлавно тема анда Библия пистромэ андэ Иезекииль 36:23?
13 Сар о Иегова диқэл по лэ Сатанаско хохаимос? Хэба во нисо на терэл? Терэл! Андэ вся и Библия пистройпэ пала кода, со терэл о Иегова, кай тэ злэл о хохаимос, саво ԥэнэн пэр лэстэ, саво сас ԥэндо андо садо Эдэмо (Бытие 3:15). Можно тэ ԥэнас, кай ӷлавно тема андэ Библия, када, кай о Иегова злэл о хохаимос, саво ԥэнэн пэр лэстэ и рий пэ ԥув и справедливость и кай тэ авэл мирно. Во стерэла када через о Царство, андэ саво правий лэско Шаво. Анда Библия амэ уӷанас, со терэл о Дэл, кай тэ злэл о хохаимос, саво ԥэнэн пэр лэстэ. (Адиносар Иезекииль 36:23e.)
14. Сар кодэлэса, сар андярдя пэс о Иегова, кала жылэ против лэстэ андо Эдэмо, во злэл о хохаимос, саво ԥэнэн пэр лэстэ?
14 О Сатана терэл вся, кай кода, со загиндосардя о Иегова, тэ на авэл. Но кай о Сатана нисо на вижал. Анда Библия амэ ӷанас, сар андярдя пэс о Иегова, кай тэ доԥэнэн, кай кацаво, сар во, будэр нинай. Во на грабийпэ тэ холявэл, терэл вся баря мудростяса и во справедливо. Инке во бутвар сыкавэлас пэско баро зор. Ай само ӷлавно, анда вся лэстири дила дицол лэстири бари любовь (1 Иоанна 4:8). Лэ Иеговасти андя фартэ бари дук кода, кай о Сатана и ко заля лэстири риг, жылэ против лэстэ (Псалом 78:40). Но о Иегова на парашэл тэ злэл о хохаимос, саво ԥэнэн пэр лэстэ.
Кала дэлас дума о Сатана ла Еваса, во хохадя по Иегова и во на парашэл када тэ терэл и акана (Диқэн и абзацоря 9, 10, 15.)h
15. Сар адес о Сатана хохавэл по Дэл и вижал лэстэ када?
15 О Сатана на парашэл тэ хохавэл по лэ Дэвлэско алав Иегова. Адес во обхохавэл лэ манушэн. Во терэл вся, кай и мануша тэ на патян, кай о Дэл Всемоӷущё, справедливо, мудро и любящё. Ай кадяжэ во терэл кадя, кай вонэ тэ патян, кай о Иегова най Создателё. Ай если и мануша патян, кай исин Дэл, тоди о Сатана шол кацаво гиндо, кай лэ Дэвлэстирэ законоря фартэ ԥарэ и найсправедливи. Во дажэ заставий лэ манушэн тэ патян, кай о Иегова жэстоко и мучий лэ манушэн андо адо. Кала вонэ патяна андэ кадэва хохаимос, тоди вонэ моӷут тэ одбандён лэ Иеговастар. Пока о Иегова на умарэла лэ Сатанас, во на парашэла тэ хохавэл по Иегова и тэ одындярэл лэстар со май бутэ манушэн, ай кадяжэ и тут. Вижала лэстэ када?
СО ТУ СТЕРЭСА, КАЙ ТЭ ЗАШОСПЭ ПАЛА ИЕГОВА?
16. Со тумэ можэте тэ стерэн, со на стердэ о Адамо и Ева?
16 О Иегова домэкля лэ ӷрешнонэ манушэн, кай вонэ тэ злэн о хохаимос, саво ԥэнэн пэр лэстэ. Тумэ можэте тэ стерэн кода, со на стердэ о Адамо и Ева. Адес и мануша, савэ на полэн лэ Иеговас, на стон патив пэр лэстэ. Ай тумэ можэте тэ зашонпэ пала Иегова и тэ росԥэнэн лэнди о чачимос, кай о Иегова справедливо, добро и любящё Дэл (Исаия 29:23). Тумэ можэте тэ сыкавэн, кай о Иегова тумаро правителё. И тумэ можэте тэ поможын лэ манушэнди тэ полэн, кай лэ Иеговастири правления со май лащи и кати вой можэт тэ анэн всаворэ манушэнди бах (Псалом 37:9, 37; 146:5, 6, 10).
17. Со терэлас о Иисусо, кай и мануша тэ ӷанэн о алав лэстирэ Дадэско?
17 Кала амэ зашаспэ пала Дэл, амэ терас сар о Иисусо (Иоанна 17:26). О Иисусо росԥэнэнас лэ манушэнди пала пэстирэ Дадэско алав и сытярэлас, саво па чачимастэ во. И фарисеёря сытярэнас, кай о Иегова фартэ строӷо, лэсти ԥарэс тэ уӷодис, кай лэсти пэ вся всаек и кай во жэстоко. Ай о Иисусо сытярэлас, кай лэско Дад полэл лэ манушэн, на грабийпэ тэ холявэл, любящё и камэл тэ простий. И инке о Иисусо вся и время андярэлас пэс точно кадя, сар лэско Дад (Иоанна 14:9).
18. Сар амэ злас о хохаимос, саво ԥэнэн по Дэл?
18 И амэ, сар и о Иисусо, можэм тэ росԥэнас лэ манушэнди пала Иегова, кай во любящё и добро. Кадя амэ злас о хохаимос, саво ԥэнэн по Дэл. Кадяжэ амэ терас када, кала поможысарас лэ манушэнди тэ полэн, кай о Иегова свынто. Инке амэ можэм тэ терас, сар о Иегова. И амэндэ када вижала, хоть амэ и найсовершэни (Эфесянам 5:1, 2). Через амарэ алава и амари дила и мануша диқэн, саво о Иегова па чачимастэ. Кала амэ зашаспэ пала Иегова, амэ поможысарас лэ манушэнди тэ уӷанэн о чачимос важ лэстэf. Инке кодэлэса, сар амэ пэс андярас, амэ доԥэнас, кай найсовершэни мануша моӷут тэ на парашэн тэ кандэн лэ Дэвлэс (Иов 27:5).
Амэ камас, кай кодэла, кас амэ сытярас па Библия, тэ полэн, кай о Иегова добро и любящё Дэл (Диқэн и абзацоря 18, 19.)i
19. Сар и алава анда Исаия 63:7 поможын тэ полас, сави амэндэ ӷлавно цэль, кала сытярас па Библия?
19 Сар инке амэ можэм тэ злас о хохаимос, саво ԥэнэн по Иегова? Кала амэ сытярас аврэн чачимасти анда Библия, амэ най еқвар шас сама пэ Иеговастири правления и пэ кода, кай лэстэ исин право тэ стол законоря па вся и Люма. И када драго, кай амэ кадя сытярас. Лэ манушэнди трэбуй тэ уӷанэн лэ Дэвлэстирэ законоря. Но амэнди трэбуй тэ поможысарас лэнди тэ сытён тэ любин лэ Иеговас и тэ на парашэн тэ кандэн лэс. Ай важ када трэбуй тэ шас сама пэ лашэ лэ Дэвлэстирэ качестворя и пэ кода, саво во па чачимастэ. (Адиносар Исаия 63:7g.) Тоди амэндэ вижала тэ поможысарас лэнди тэ полюбин лэ Иеговас и тэ закамэн май фартэ тэ кандэн лэс.
20. Пала со подаса дума андэ авэр статья?
20 Кодэлэса, сар амэ пэс андярас и сар сытярас аврэн, амэ терас, кай лэ Дэвлэско алав тэ авэл ашунгло. Кадяжэ кадэлэса амэ поможысарас лэ манушэнди тэ полюбин лэ Иеговас. Но сар тэ полав, ай мандэ вижал кадэлэса тэ прославляю лэ Иеговас? Пала када подаса дума андэ авэр статья.
ДИЛИ 2 Тиро алав Иегова
a Всаворэ мануша трэбуй тэ ӷанэн, кай кати кай о Иегова исин право тэ правий. И амэ нащи доаштярдювас, кала важ о Иегова парашэна тэ гиндон найдраго. Васо када важно и сар када поджал каринг амэндэ? Кала поласа атветоря пэ кадэла вопросоря, када поможыя, кай амари дружба лэ Иеговаса тэ авэл май лащи.
b Псалом 135:13: «Иегова, тиро алав [кода, сар тут ақарэн] пэ вся и вечность. Иегова, пала тутэ лэна тэ сэрэн всаворэ поколении».
c Бытие 2:16, 17: «И приԥэндя о Иегова Дэл лэ манушэсти: „Па всаворэ витки андо садо ха скати камэс. Кати на ха па витка, сави сыкавэл, со лашимос, ай со найлашимос. Важ кода кай андо дес, кала ту хаса пар латэ, мэрэса“».
d Бытие 3:1—5: «О сап сас само хытро анда всаворэ зверёря, савэ жувэн пэ мал, савэн создал о Дэл Иегова. О сап задя дума ла жувляса и пушля латар: „Чаче о Дэл ԥэндя, кай тумэнди нащи тэ хан па всаворэ витки андо садо?“ Пэ када и жувли ԥэндя лэ сапэсти: „И плодоря па витки андо садо амэнди можно тэ хас. Но пала плодоря па витка, сави машкар садо, о Дэл ԥэндя: ,На хан пар латэ, на лэнпэ каринг латэ, кай тумэ тэ на мэрэн‘“. Тоди о сап ԥэндя ла жувляти: „Най, тумэ на мэрэна. Ай инке о Дэл ӷанэн, кай андэ кодэва дес, кала тумэ хана пар латэ, тумарэ яқа ԥэрнадёнапэ и тумэ ашэна сар о Дэл, и лэна тэ ӷанэн, со лашимос, ай со найлашимос“».
e Иезекииль 36:23: «Мэ стерава кадя, кай тэ уӷанэн, кай мэ свынто Дэл. Тэ полэн и авэр народоря, кай мэ свынто Дэл, и народоря, машкар савэ тумэ на стонас патив пэр мандэ. И народоря уӷанэна, кай мэ Иегова, кала мэ сыкавава лэнди, кай мэ свынто Дэл,— ԥэнэн о Велико Ӷосподо о Иегова».
f Варикала андэ амари литература ԥэнэнаспэ, кай пала лэ Дэвлэско алав на трэбуй тэ зашаспэ. Васо? Важ кода кай нико на ԥэнэнас, кай лэстэ нинай право, кай лэс кадя тэ ақарэн. Но андо 2017 бэрш пэ ежэӷодно собрания росԥэнэнаспэ, кай паруделя кода, сар амэ поласас кадэва вопросо. Ко андярэлас и проӷрамма ԥэндя: «Если тэ ԥэнас просто, тоди катэ нинай нисо, если амэ мангаспэ, кай пала Дэл тэ зашонпэ, важ кода кай пала лэстэ трэбуй драго тэ дэн дума». (Диқэн и проӷрамма пала январё 2018 бэрш по сайто jw.org® андэ вкладка БИБЛИОТЕКА > JW BROADCASTING®.)
g Исаия 63:7: «Лава тэ дав дума пала кода, кай о Иегова на парашэл тэ любий. Лава тэ прославляю лэ Иеговас пала вся, со о Иегова стердя важ амэндэ. Пала бут лашимос, саво во стердя важ о Израилё, важ кода кай во жалуий анда вся оди и на парашэл фартэ тэ любий».
h ПЭ КАРТИНКА. О Сатана хохадя по Дэл, кала ԥэндя ла Евати, кай о Дэл хохавно. Най ек вико о Сатана росԥэнэн о хохаимос пала Дэл, кай во жэстоко и кай во нэ создал лэ манушэн.
i ПЭ КАРТИНКА. О ԥрал сытярэл па Библия и шол сама пэ кода, саво о Иегова.