И читателя пушэн

Андэ статья «Мэк тиро алав авэл свынто» андэ «Сторожэво башня» важ о июнё 2020 бэрш дэласпэ дума пала кода, кай лэ Иеговастэ исин право тэ правий и кай лэско алав свынто. Со амэ май драго лям тэ полас андэ кодэя статья?

Амэ уӷанглям, кай па чачимастэ исин ек со май важно спорно вопросо, саво влияет пэ всаворэ анӷелоря и мануша, — када кай тэ авэл свынто лэ Иеговаско алав. Ай кода, кай лэ Иеговастири правления со май лащи и авэна и мануша предани лэ Дэвлэсти чи най, — када дуй важни маменторя андэ кадэва спорно вопросо.

Васо амэ акана шас сама, кай нинай нисо май важно, чем лэ Иеговаско алав и кай во тэ авэл свынто? Роздиқам трин маменторя.

Пэрво, андо Эдэмско садо о Сатана хохадя пэ лэ Иеговаско алав. Через о вопросо, саво о Сатана задя ла Евати, во ԥэндя, кай о Иегова жадно и кай кода, со во камэл, кай тэ терэн о Адамо и Ева, нэсправедливо. Потом о Сатана ԥэндя совсем най кода, со ԥэндя о Иегова, и вистодя лэ Дэвлэс хохавнэса. Кадя во хохадя пэ лэ Иеговаско алав и ашэля Бэнг, со сыкавэл, кай «во хохавно» (Иоан. 8:44). Через кода, кай и Ева патяя лэстирэ хохаимасти, вой парашэля тэ кандэл лэ Дэвлэс и кадя жыля против лэстири правления (Быт. 3:1—6). Идоси о Сатана хохавэл пэ лэ Дэвлэско алав, и важ када и мануша гиндон пала Иегова най кадя, сар во исин па чачимастэ. Если о мануш патял андэ кадэва хохаимос, тоди, май ӥто всаворэстар, во на лэла тэ кандэл лэ Иеговас. Акэ васо лэ Дэвлэстирэ служытеля гиндон, кай о хохаимос пэ лэ Иеговаско алав — када само бари нэсправедливость. Ӷлавно, васо андэ люма кадя бут биды, — када кай хохавэн пэ лэ Иеговаско алав.

Дуйто, кай тэ авэл драго всаворэсти, со сас создано, о Иегова зашолапэ пала пэско алав и злэла пар лэстэ вся о хохаимос. Важ лэстэ када само ӷлавно. Акэ васо во ԥэндя: «Мэ стерава кадя, кай тэ уӷанэн, кай мэ Свынто Дэл» (Иез. 36:23). О Иисусо тожэ драго сыкадя, пала со́ спэрва трэбуй тэ мангэнпэ всаворэ предани лэ Иеговастирэ служытеля: «Мэк тиро алав авэл свынто» (Матф. 6:9). Андэ Библия най еқвар пистромэ, сар дэ важно тэ терас, кай лэ Иеговаско алав тэ авэл свынто. Акэ кати дэсавэ примероря. «Отдэн лэ Иеговасти и слава, сави ашэл лэско алав» (1 Лет. 16:29; Пс. 96:8). «Хвалин андэ дили лэско ашунгло алав» (Пс. 66:2). «Лава тэ прославляю тут вечно» (Пс. 86:12). Ек анда случаёря, кала о Иегова екжэно дэлас дума па нэбо, сас андо Иерусалимско храмо. Котэ о Иисусо мангля: «Дадэ, прославь тиро алав». Пэ када о Иегова ԥэндя: «Мэ прославил и инке прославлю» (Иоан. 12:28)a.

Трито, лэ Иеговаско замысло фартэ связано лэстирэ алавэса. Погиндосарам, со авэла посли кода, сар прожала и тысячелетнё лэ Христостири правления, ай и мануша виритярэна и послиднё испытания. Со андэ кодэя время пала лэ Иеговаско алав лэна тэ гиндон и анӷелоря и мануша? Кай тэ уӷанас о атвето, вспомним пала дуй маменторя андэ спорно вопросо пала кода, кай лэ Иеговаско алав тэ авэл свынто: авэна и мануша предани лэ Иеговасти чи най, ай кадяжэ, кай лэстири правления со май лащи. Трэбуй авэла лэ манушэнди тэ доԥэнэн, кай вонэ предани лэ Дэвлэсти? Най. Вонэ ашэна совершэни, ай и послиднё испытания прожала. Англэ лэндэ авэла вечно жызня. Трэбуй авэла тэ доԥэнэн, кай лэ Иеговастири правления со май лащи? Тожэ най. Андэ кодэя время всаворэ тварении по нэбо и пэ ԥув авэна сар ек ери и лэна радостяса тэ кандэн лэ Дэвлэс. Ай со тоди можно тэ ԥэнас пала лэ Иеговаско алав?

Каринг кодэя время всаворэ лэна тэ ӷанэн чачимос пала Иегова и па лэско алав авэла злино вся о хохаимос. Но лэ Иеговаско алав и май дур авэла само ӷлавно важ лэстирэ предани служытеля — и по нэбо, и пэ ԥув. Васо? Важ кода кай вонэ лэна тэ диқэн, сар о Иегова на парашэл тэ терэл удивительно дила. О Иисусо смирено пэрэдэла лэ Иеговасти вся и власть, и важ када о Дэл ашэла всаворэса важ всаворэ (1 Кор. 15:28). Посли када лэ манушэнди пэ ԥув дэна свобода, сави исин кай лэ Дэвлэстирэ бэяцэ (Рим. 8:21). О Иегова стерэла кода, со загиндосардя, — стидэла всаворэ анӷелонэн и лэ манушэн андэ ек баро дружно ери (Эф. 1:10).

Посли кода, сар вся када авэла, со авэла по ди кай лэ Иеговаско ери? Канешно, амэ всаворэ кадя жэ фартэ ласа тэ камас тэ хвалисарас райкано лэ Иеговаско алав. О псалмопевцо Давидо пистросардя: «Мэк хвалин лэ Дэвлэс лэ Иеговас, мэк хвалин лэско ашунгло алав вечно» (Пс. 72:18, 19). Вся и вечность о Иегова на парашэла тэ удивий амэн, и амэндэ всегда авэна фартэ бут причины тэ хвалисарас лэс важ лэстири дила.

Лэ Иеговаско алав бут со росԥэнэн пала лэстэ. Кала амэ гиндосарас пала лэ Дэвлэско алав, тоди вспоминаем пала лэстири любовь (1 Иоан. 4:8). Амэ всегда ласа тэ сэрас фартэ бари любовь, сави о Иегова сыкадя каринг амэндэ, кала создал амэн, потиндя важ амэндэ о выкупо и доԥэндя, кай лэстири правления со май лащи. Кадяжэ, амэ ласа и май дур тэ диқас пэр пэстэ лэстири фартэ бари любовь. Амэнди авэла приятно вся и вечность тэ пашувас каринг амаро небесно Дад и тэ хвалисарас лэско ашунгло алав (Пс. 73:28).