Лэ Христостирэ учениконэн ӷатярэн па любовь

1. Со чалёл бутэ манушэнди, кала вонэ пэрво разо авэн пэ собрания? (Диқэн кадяжэ и картинка.)

ПРЕЦТАВЬТЕ ерес, саво пэрво разо авеля андо Зало Царства. Лэнди фартэ чалеля, сар лэн анда вся оди шутэ сама. Вонэ диқлэ, кай андэ собрания всаворэ любин ек еқэс. Па дром и хулаи ԥэндя лэ хуласти: «И свидетеля най кацавэ, сар всаворэ. Манди котэ чалеля».

2. Васо дэсавэ парашэлэ тэ служын лэ Иеговасти?

² Кацави любовь, сави исин андэ христианско собрания, будэр никай пэ ԥув на арақэса. Канешно лэ Иеговастирэ свидетеля тожэ нэсовершэни (1 Иоан. 1:8). Важ када со май драго амэ уӷанас лэ ԥралэн и лэ ԥэян, со май бут амэ диқас лэндирэ ошыбки (Рим. 3:23). Но дэсавэ кадя фартэ шон сама пэ аврэндирэ нэдостаткоря, кай парашэлэ тэ служын лэ Иеговасти.

3. Пар со ӷатярэн лэ Христостирэ учениконэн? (Иоанна 13:34, 35).

³ Давайте упалэ шаса сама по ӷлавно стихо андэ кадэя статья. (Проадинон Иоанна 13:34, 35.) Пар со ӷатярэн, ко чачунэ лэ Христостирэ ученикоря? Па кода, кай вонэ любин ек еқэс, ай най па кода кай вонэ идеальни. Кадяжэ шон сама, кай о Иисусо на ԥэндя: «Тумэ ӷатярэна, кай тумэ мэрнэ ученикоря». Во ԥэндя: «Всаворэ ӷатярэна, кай тумэ мэрнэ ученикоря». Кадя во сыкадя, кай най кати лэстирэ ученикоря, но и мануша, савэ най андэ христианско собрания, лэна тэ ӷатярэн лэстирэ учениконэн па кода, кай вонэ любин ек еқэс па чачимастэ.

4. Со дэсавэ мануша камэн тэ уӷанэн пала чачунэ христианоря?

⁴ И мануша, савэ на служын лэ Иеговасти моӷут тэ пушэн: «Сар и любовь поможый тэ полэн, ко чачунэ лэ Христостирэ ученикоря? Сар о Иисусо сыкавэлас и любовь каринг и апосталоря? И сар амэ можэм адес тэ терас сар о Иисусо?» Авелоп драго, если лэ Иеговастирэ свидетеля тожэ тэ погиндон пала кадэла вопросоря. Када поможыя амэнди инке май фартэ тэ любисарас лэ ԥралэн и лэ ԥэян, особено кала диқас лэндирэ нэдостаткоря (Эф. 5:2).

ВАСО ЛЭ ИИСУСОСТИРЭ УЧЕНИКОНЭН ӶАТЯРЭН ПА ЛЮБОВЬ?

5. Объяснин, со камля тэ ԥэнэн о Иисусо, сар запистромэ андэ Иоанна 15:12, 13.

⁵ О Иисусо драго сыкадя, кай лэстирэ ученикоря лэна фартэ тэ любин ек еқэс. (Проадинон Иоанна 15:12, 13.) Шон сама, со во лэнди ԥэндя: «Любин ек еқэс, сар мэ любисарав тумэн». Со кадэлэса о Иисусо камля тэ ԥэнэн? Во ԥэндя пэстирэ учениконэнди, кай лэндэ тэ авэл кацави любовь, через сави вонэ авэна ӷотови тэ жан пэ жэртвы. Через кацави любовь о христианино ӷотово тэ отдэл и жызня важ пэско ԥрал или ԥэй, если када трэбуйb.

6. Пэскати дэ важно и любовь, сар ԥэнэнпэ андэ Библия?

⁶ Андэ Библия бут со ԥэнэнпэ пала любовь. Бут мануша наизусть ӷанэн кадэла стихоря анда Библия: «О Дэл исин любовь» (1 Иоан. 4:8); «Любин лэ манушэн, сар корко пэс» (Матф. 22:39); «И любовь простий бут ӷрехоря» (1 Пет. 4:8); «И любовь авэла вся и время» (1 Кор. 13:8). Кадэла и авэр стихоря анда Библия, сыкавэн пэскати дэ важно, кай амэ тэ сытювас тэ любисарас.

7. Васо о Сатана никала нэ сможэт тэ стерэл, кай и мануша па чачимастэ тэ любин ек еқэс?

⁷ Бут мануша загиндонпэ, сар тэ арақэн и чачуни вера. Вонэ нащи лэн андо шэро: «Всаворэ веры ԥэнэн, кай лэндэ о чачимос, но кажно сытярэл пала Дэл па пэстирятэ». Кай о Сатана вижыля тэ замарэл лэ манушэнди о шэро и во стердя фартэ бут хохавнэ веры. Но во нэ можэт тэ стидэл па вся и ԥув баро христианско ери, саво любий ек еқэс. Када можэт тэ стерэл кати о Иегова. И када понятно васо. Важ кода кай кати лэстар жал и чачуни любовь. Кати кодэлэндэ, кастэ исин лэ Иеговаско свынто духо и лэстири блаӷословения, вонэ моӷут па чачимастэ тэ любин ек еқэс (1 Иоан. 4:7). Акэ васо о Иисусо ԥэндя, кай лэстирэ учениконэн ӷатярэна па кода, кай машкар лэндэ исин чачуни любовь.

8, 9. Сар парудёл о гиндо бутэ манушэндэ, савэ диқэн, сар лэ Иеговастирэ служытеля любин ек еқэс?

⁸ Сар и ԥэндя о Иисусо, бут мануша ӷатярэна лэстирэ учениконэн па чачуни любовь, сави исин машкар лэндэ. Например, о ԥрал И́ено вспоминает пэско пэрво канӷрэсо, саво прожалас рядом паша лэско цэр. До канӷрэсо во сас пэ кодэва стадионо, кай прожалас и спортивно иӷра. Во ԥэнэн: «Сави дэ бари разница! И Свидетеля сас пативалэ и драго утидэ, лэндирэ бэяцэ драго пэс андярэнас». Инке о И́ено ԥэнэн: «Но само ӷлавно дицолас, кай кадэла мануша бахталэ. Манди када фартэ на хутилэлас! Мэ нисо нэ запомнил, со сас по канӷрэсо, зато, сар андярэнас пэс и Свидетеля, када запэля манди андо ди»c. Да, амэ андярас пэс кадя, важ кода кай па чачимастэ любисарас ек еқэс. И через када и ԥрала и ԥэя обжанпэ ек еқэса драго и пативалэс.

⁹ Кай о ԥрал Джоно сас кацаво жэ по ди, кала во ля тэ ԥирэл пэ христианско собрания. Во ԥэнэн: «Мэ фартэ удивисайлэм, пэскати вонэ дэ лашэ мануша. Вонэ здэнаспэ манди свынти. И через кода, кай вонэ па чачимастэ любин ек еқэс, мэ полэм, кай арақлэм и чачуни вера»d. Кацавэ случаёря сыкавэн, кай лэ Иеговастирэ служытеля — чачунэ христианоря.

10. Кала амэндэ исин лащи возможность тэ сыкавас и христианско любовь? (Диқэн кадяжэ и сноска.)

¹⁰ Сар ԥэнэнаспэ май упрэ андэ статья, и ԥрала и ԥэя нэсовершэни. Дэкала вонэ моӷут тэ ԥэнэн или тэ терэн варисо, со амэнди на чалёла (Иак. 3:2)e. Андэ кацавэ маменторя амэндэ исин розлащи возможность тэ сыкавас диласа и алавэнца, кай амэ лэн любисарас. Сости андэ када амэ можэм тэ сытювас лэ Иисусостар? (Иоан. 13:15).

САР О ИИСУСО СЫКАВЭЛАС И ЛЮБОВЬ КАРИНГ И АПОСТАЛОРЯ?

11. Сар найдраго андярдэ пэс о Иаково и о Иоано? (Диқэн кадяжэ и картинка.)

¹¹ О Иисусо на аштярэлас, кай лэстирэ ученикоря авэна совершэни. Во лэн любияс и важ када поможыяс лэнди тэ парудёнпэ, кай о Иегова тэ авэл лэнца довольно. Еқвар и апосталоря о Иаково и о Иоано бишалдэ каринг о Иисусо пэстиря да, кай вой лэстар тэ мангэл важ лэндэ почотно ҭан андэ лэ Дэвлэско Царство (Матф. 20:20, 21). Кода, со стердэ о Иаково и о Иоано, сыкадя, кай вонэ ӷорди и камэн тэ авэн май лашэ аврэндар (Прит. 16:18).

12. Васо можно тэ ԥэнас, кай най кати о Иаково и о Иоано андярдэ пэс найдраго? Росԥэнэн.

¹² Но андэ кадэя ситуацыя андярдэ пэс найдраго най кати о Иаково и о Иоано. Шон сама, со стердэ авэр апосталоря: «Кала авэр 10 ученикоря ашундэ када, вонэ росхоляйлэ пэ кодэла дуй ԥрала» (Матф. 20:24). Можно прецтавить, сар ӷрубо вонэ дэнас дума лэ Иаковоса и лэ Ионоса. Можэт авэр апосталоря ԥэнэнас кадэлэ ԥралэнди: «Важ сави бах, тумэ мангэн особи ҭана андэ лэ Дэвлэско Царство? Най кати тумэ терэнас бут дила лэ Иисусоса. Амэ кадяжэ достойни тэ залас лашо ҭан!» Савэ бы алава и апосталоря тэ на ԥэнэн, андэ кодэва маменто вонэ домэклэ, кай лэндири ԥралицко любовь тэ ашэл май слабо.

13. Сар андярэлас пэс о Иисусо, кала и апосталоря шылинаспэ? (Матфеё 20:25—28).

¹³ Ай сар андэ кадэя ситуацыя андярдя пэс о Иисусо? Во на ля тэ холявэл. Во на ԥэндя, кай виарақэла пэсти май лашэ апосталонэн, савэ на авэна ӷорди и савэ всегда любина ек еқэс. О Иисусо терпеливо дэлас дума кадэлэ муршэнца, савэндэ сас искренё ди. (Проадинон Матфеё 20:25—28.) Во на парашэлас лэн тэ любий, хоть када сас най пэрво и най послиднё разо, кала и апосталоря споринаспэ, ко андар лэндэ ӷлавно (Мар. 9:34; Луки 22:24).

14. Машкар саво миро барелэ лэ Иисусостирэ апосталоря?

¹⁴ О Иисусо полэлас машкар саво миро барелэ и апосталоря (Иоан. 2:24, 25). Вонэ барелэ андэ кацави культура, андэ сави и барэдэра андэ вера фартэ шонас сама пэ бари положэния и кай тэ авэн ашунглэ (Матф. 23:6; шон сама пэ статья «Иисус и его ученики проповедовали в синагогах» андэ «Сторожэво башня» лэ 1 апрелёстар 2010 бэрш). Кадяжэ и барэ рашая андэ Иудея гиндонас, кай вонэ всегда терэн вся правильно (Луки 18:9—12)f. О Иисусо полэлас, кай кацаво миро моӷ тэ повлияет пэ апосталоря, пэ кода, сар вонэ диқэн пэр пэстэ и пэ авэр (Прит. 19:11). Во на аштярэлас лэндар совершэнство и на холявэлас пэр лэндэ, кала лэстирэ ученикоря терэнас ошыбки. Во ӷанэнас, кай лэндэ лашо ди, важ када андярэлас пэс терпеливо, кала поможыяс лэнди тэ улэн пэстар и ӷордость и тэ на гиндон кати пала пэстэ, ай тэ сытён тэ любин аврэн.

САР АМЭ МОЖЭМ ТЭ ТЕРАС, САР О ИИСУСО?

15. Сости амэ можэм тэ сытювас анда кода, со сас лэ Иаковоса и лэ Иоаноса?

¹⁵ Кода, со сас лэ Иаковоса и лэ Иоанноса, можэт бут сости амэн тэ сытярэл. Канешно, лэндиря ригатар сас нэправильно тэ мангэн пэсти бари положэния андэ лэ Дэвлэско Царство. Но и авэр апосталоря тожэ сас нэправи, кай домэклэ, кай машкар лэндэ тэ на авэл ладо. И всаек о Иисусо обжыляпэ всаворэ апосталонэнца драго и сыкадя, кай лэн любий. Сости амэ анда када можэм тэ сытювас? Дила най кати андэ кода, сар андярэн пэс всаворэ авэр, но и сар амэ андярас пэс, кала варико терэл ошыбки. Со поможыя амэнди тэ андярас пэс правильно? Кала амэн обижает о ԥрал или ԥэй, амэ можэм тэ задас пэсти кацавэ вопросоря: «Васо мэ кадя фартэ растроился? На сыкавэл када, кай манди трэбуй андэ варисо тэ парудював? Можэт кодэлэ манушэстэ, ко ман щяс обидел, бут ԥаримос андэ жызня? И дажэ если мэ право, и ман чаче обидели, моӷу мэ тэ сыкавав чачуни любовь и просто тэ простисарав кодэлэс, ко ман обидел?» Кала амэ любисарас аврэн, тоди када доԥэнэн, кай амэ чачунэ лэ Иисусостирэ ученикоря.

16. Сости амэ сытювас лэ Иисусостар?

¹⁶ Если амэ сытювас лэ Иисусостар, амэ старысавас тэ полас, кай и ԥрала и ԥэя нэсовершэни (Прит. 20:5). Понятно, кай о Иисус моӷ тэ диқэл, со кай о мануш андо ди. Ай амэ нэ можэм. Но амэ можэм тэ на грабисавас тэ холявас пэ ԥрала и пэ ԥэя, савэ амэн обидели (Эф. 4:1, 2; 1 Пет. 3:8). Амэнди авэла май вушэро кадя тэ терас, если амэ уӷанаса пала лэндэ май бут. Роздиқам примеро.

17. Саво лашымос получисардя ек раёно барэдэр ԥрал через кода, кай май драго уӷангля лэ ԥралэс?

¹⁷ Ек разъезно служытелё анда Восточно Африка росԥэнэн пала ек трудность. Лэсти здяпэ кай еқэ ԥралэстэ сас фартэ ԥаро характеро. Сар андярдя пэс кадэва раёно барэдэр ԥрал? Во росԥэнэн: «Вместо кода, кай тэ обнашав кадэлэ ԥралэс, мэ закамлэм май драго лэс тэ уӷанав». Блаӷодаря кадэлэсти, о раёно барэдэр ԥрал смог тэ уӷанэн, сави жызня сас кай кадэва ԥрал и сар када повлияло пэ лэско характеро. Во ԥэнэн: «Мэ полэм, кай кадэва ԥрал пристодя бут зор тэ парувэл пэско характеро. Пэр лэстэ повлияло кода, сар лэс барярдэ. Мэ додиқлэм, кай лэстэ ужэ вижыля бут со тэ парувэл, и тоди мэ лэс зауважал инке май фартэ. Амэ ашэлям лашэ друӷоря». Чаче, кала амэ старысавас тэ полас васо и ԥрала и ԥэя кадя пэс андярэн, амэнди ашэл май вушэро лэн тэ любисарас.

18. Савэ вопросоря трэбуй тэ задас пэсти, кала амэн обидели? (Притчи 26:20).

¹⁸ Дэкала амэ можэм тэ гиндосарас, кай фартэ трэбуй тэ подас дума лэ ԥралэса, саво амэн обидел. Но спэрва авелоп драго тэ пушас пэстар: «Полностью мэ полав вся и ситуацыя? [Прит. 18:13]. Можэт, во вобще ман на камля тэ холярэл? [Эккл. 7:20]. На терав мэ дэкала кацави жэ ошыбка? [Эккл. 7:21, 22]. Если мэ подава дума кадэлэ манушэса, на терава мэ инке май бари проблема?» (Проадинон Притчи 26:20.) Если амэ погиндосараса пала кадэла вопросоря, амэ, возможно, на шас сама пэ лэ ԥралэстири ошыбка, важ кода кай любисарас лэс.

19. Со тумэ закамлэ тэ терэн?

¹⁹ Лэ Иеговастирэ свидетеля любин ек еқэс, и када доԥэнэн, кай вонэ чаче лэ Иисусостирэ ученикоря. Сар кажно андар мэндэ можэт тэ сыкавэл, кай во па чачимастэ терэл кадя, сар о Христос? Кала сыкавэн, кай па чачимастэ любин лэ ԥралэн и лэ ԥэян и на шон сама, кай вонэ нэсовершэни. Кала амэ сыкавас кацави любовь, авэр тожэ моӷут тэ додиқэн, кай када чачуни вера. Када поможыя, кай вонэ тэ закамэн тэ тэлён амэнца лэ Иеговасти, лэ Дэвлэсти, саво любий. Давайте всегда ласа тэ сыкавас пэстири любовь, сави исин кай и чачунэ христианоря.