Шэл бэрш палпалэ: 1923 бэрш

И СОБРАНИИ ПОМОЖЫСАРДЭ, КАЙ ТЭ АВЭЛ ЕДИНСТВО

Андэ кодэва бэрш сас дэсавэ изменении, савэ поможысардэ, кай и Библейски Иследователя тэ авэн, сар ек ери. Андэ «Сторожэво башня» линэ тэ пистрон каминтарии каринг и библейски стихоря, пала савэ дэнас дума пэ собрания кажно курко (пэр латэ ԥэнэнас собрания важ и молитва и хвала лэ Иеговасти). Кадяжэ, о библейско стихо по курко сас пистромэ андо календарё, андэ саво кадяжэ пистронас о номеро важ и хвалебни диля пэ кажно дес. Лэн можно сас тэ дилабэн пэ лично и семейно изучения.

Пэ пэстирэ собрании и Библейски Иследователя росԥэнэнас случаёря анда служэния, савэ дэнас зор. Вонэ росԥэнэнас, пала со блаӷодарни лэ Иеговасти. Варико моӷ тэ дилабэл дили и дажэ тэ мангэлпэ. И Э́ва Ба́рни, сави болделя андо 1923 бэрш в 15 лет, вспоминает: «Если ту камэсас варисо тэ росԥэнэс, ту ущесас и ԥэнэсас примерно кадя: „Мэ камав тэ поблаӷодарисарав лэ Ӷосподос важ вся о лашымос, саво во важ мандэ стердя“». Дэсавэ ԥралэнди фартэ чалёлас тэ выступают. И ԥэй Барни росԥэнэн: «Кала амаро кучутно ԥрал Го́дуино блаӷодарияс лэ Ӷосподос, нико лэс нэ моӷ тэ тердярэл. Но если лэстири хулаи диқэлас, кай о ԥрал, саво проандярэл и собрания, ужэ лэл тэ нервичий, вой полокорэс лэласпэ кай лэ хуласко пиджако, и кодэва бэшэлас».

Еқвар андо шон кажно круӷо (собрания) проандярэлас особено встреча. Акэ со ԥэнэнаспэ андэ «Сторожэво башня» важ о 1 апрелё 1923 бэрш: «Епаш анда время трэбуй тэ отдэн, кай тэ росԥэнэн и случаёря анда служэния и тэ подритярэн лэ работниконэн. [...] Амэ уверени, кай кадэла встречи инке май фартэ стидэна лэ ԥралэн и лэ ԥэян, сар ерес».

Андэ кадэла собрании сас бари польза важ о Чарлзо Ма́ртино. Во сас анда Ванкуверо (Канада), лэсти сас 19 бэрш и во сас сотруднико андо круӷо (вазвещятелё андэ собрания). Потом во росԥэнэнас: «Имено пэр лэндэ мэ уӷанглэм, сар и пала со тэ дав дума андэ служэния па цэра. Часто варико росԥэнэнас случаё анда служэния. Кадя мэ стидавас лашэ идеи, сар тэ росԥэнав важ о Дэл и тэ атвечаю лэ манушэнди, кала вонэ манца нэ соӷлашаюца».

И СЛУЖЭНИЯ ПОМОЖЫСАРДЯ, КАЙ ТЭ АВЭЛ ЕДИНСТВО

И «деса важ и служэния» кадяжэ поможысардэ, кай андэ арӷанизацыя тэ авэл единство. Андэ «Сторожэво башня» важ о 1 апрелё 1923 бэрш сас пистромэ: «Кай амэ инке май драго тэ диқас амаро единство, во вторник, 1 маё андо 1923 бэрш, важ всаворэ авэла дес важ и служэния. Посли када кацаво дес авэла кажно пэрво вторнико андо шон... Андэ кадэва дес всаворэ сотрудникоря андо круӷо трэбуй тэ отдэн пэ служэния хоть варисави время».

Андэ служэния ԥирэнас дажэ тэрнэ Библейски Иследователя. И Хе́йзел Бе́рфорд, савяти андэ кодэя время сас кати 16 бэрш, ԥэнэн: «Андо „Бюлетенё“a пистронас приподнисении [кадя адес ԥэнэн пэ планоря важ и дума андэ служэния], савэ амэ сытювасас. Амэ лэ папоса бут служысарасас». Но потом тердяпэ кода, со и ԥэй Берфорд совсем на аштярэлас. Вой росԥэнэн: «Ек ԥуро ԥрал сас против, кай мэ тэ ԥирав и тэ дав дума лэ манушэнца». Андэ кодэя время дэсавэ на полэнас, кай тэ хвалин амарэ Создателёс трэбуй всаворэ Библейски Иследователя, кадяжэ «шавэ и щея» (Пс. 148:12, 13). Но и ԥэй Берфорд всаек на парашэлас тэ росԥэнэн важ о Дэл. Потом вой сытёлас андо дуйто класо андэ Школа Галаадо и служыяс мисианероса андэ Панама. Через дэсави время и ԥрала полинэ, кай и тэрнэ мануша тожэ моӷут тэ росԥэнэн важ о Дэл.

И КАНӶРЭСОРЯ ПОМОЖЫСАРДЭ, КАЙ ТЭ АВЭЛ ЕДИНСТВО

И катутнэ, ай кадяжэ и региональни канӷрэсоря тожэ поможынас, кай машкар ԥрала тэ авэл единство. Андэ проӷрама важ бут андар лэндэ ужанас деса важ и служэния. Ек анда кацавэ канӷрэсоря сас андо Ви́ннипего (Канада). Всаворэн, ко сас пэ кадэва канӷрэсо, 31 марта ақардэ тэ росԥэнэн важ о Дэл андэ кодэва форо. Через кацавэ деса и лащи новость ашунэнас май бут и май бут мануша. По канӷрэсо, саво сас андо Виннипего 5 августа, сас варикай 7 000 мануша. Никала жы каринг кадэва канӷрэсо андэ Канада на стидэнаспэ кадя дэ бут мануша.

Само важно канӷрэсо важ лэ Иеговаско народо андо 1923 бэрш сас с 18 по 26 авӷусто андо Лос-Анджелесо (штато Калифорния, США). Важ дэсавэ курте жы каринг када пала кадэя события пистронас андэ ӷазеты. И Библейски Иследователя роздинэ май бут чем 500 000 приӷлашэнии пэ кадэва канӷрэсо. Пэ трамваёря и пэ машыны сас плакаторя, пэ савэ сас пистромэ пала кадэва канӷрэсо.

В субботу, 25 авӷусто, о ԥрал Рутерфордо росԥэндя речь «Бакрэ и бузнэ». Андэр латэ во драго росԥэндя, кай и «бакрэ» — када и праведни мануша, савэндэ оди цырдэлпэ каринг о чачимос. Вонэ лэна тэ жувэн андо раё пэ ԥув. Потом во заадиносардя ришэния, пэ сави ԥэнэнас «Предупреждения». Андэр латэ ԥэнэнаспэ, со най кадя терэн и христиански қандиря и кай и мануша, савэ анда вся оди любин лэ Дэвлэс, трэбуй тэ вижан анда «Вавилоно Велико» (Отк. 18:2, 4). Через дэсави время и Библейски Иследователя еқэҭанэ па вся и люма роздинэ милионоря копии па кадэя ришэния.

Андо послиднё лэ канӷрэсоско дес о ԥрал Рутерфордо росԥэндя речь «Всаворэ народоря жан каринг о Армагеддоно, но милионоря, савэ жувэн акана, никала на мэрэна». Ла виашундэ май бут чем 30 000 мануша. И Библейски Иследователя аштярэнас, кай авэна фартэ бут мануша, и важ када злинэ о стадионо «Колизеё Лос-Анджелеса», саво сас кати строисардо. Кай всаворэнди драго тэ ашундёл, и ԥрала использовали звукоусилительно система по стадионо. Пэ кодэва маменто када сас со май нэви техника. Кадяжэ бут мануша ашундэ и проӷрама па радио.

ВИЖАС ПО МЕЖДУНАРОДНО УРОВНЁ

Андо 1923 бэрш и проповедь ля тэ жал андэ Африка, Европа, Индия и андэ Южно Америка. Например, андэ Индия о Адавиманна́тху Джо́зефо диқэлас пала кода, кай амари литература тэ вижал пэ кацавэ шыба, сар малая́лам, тами́льско, те́лугу, урду́ и хи́нди. Андэ кадэя жэ время вонэ барярэнас шовэ бэятонэн.

Андэ Сье́рра-Лео́не и Библейски Иследователя о А́льфредо Джо́зефо и о Ле́нардо Бла́кмано пистросардэ андэ ӷлавно управления андо Бруклино и манглэ тэ бишалэн лэнди варикас, кай тэ поможын. 14 апреля андо 1923 бэрш вонэ получисардэ атвето. О А́льфредо вспоминает: «Еқвар в субботу поздно вэчэром манди позвонисардэ». Андо звонко ашунделя ӷромко ӷолосо, саво пушля: «Када тумэ пистросардэ андэ Арӷанизацыя Сторожэво Башня и манглэ, кай варикас тэ бишалэн?» — «Да», — ԥэндя о А́льфредо. Тоди о ԥрал ԥэндя: «Вонэ бишалдэ ман». Када сас о Уи́льямо Брауно. Во кати авеля па Карибски островоря вмести ла хулаяса, савя ақарэнас Анто́ния, и дуе щеёранца, Луи́з и Лу́си. И встреча лэ ереса Брауно на прижыляпэ тэ аштярэн долӷо.

О Альфредо росԥэнэн дальшэ: «Пэ авэр утро, кала амэ лэ Ленардоса проандярасас и изучения Библии, сави прожалас кажно курко, амэ додиқлям, кай по пороӷо тердёлас баро мурш. Када сас о Уильямо Брауно. Во кадя любияс тэ росԥэнэн о чачимос, кай сас ӷотово тэ росԥэнэн и библейско речь хоть тэся». На прожыля и шон, сар о ԥрал Брауно роздя вся и литература, сави во андя пэса. Ӥто лэсти динэ инке 5 000 книжки. Но и лэн во ӥто роздя. Но всаек кадэлэ ԥралэс ӷанэнас най сар кодэлэс, ко битинэнас и книжки. Во предано служыяс лэ Иеговасти бут бэрша и андэ пэстирэ речи во всегда ԥэнэнас кода, со пистромэ андэ Библия. Важ када пэр лэстэ линэ тэ ԥэнэн Библейско Брауно.

Андэ кадэя время и ԥрала анда Германия линэ тэ родэн нэво ҭан важ о филиало. Андэ здании андо Ба́рмено важ лэндэ ашэля тисно. Ай инке вонэ ашундэ, кай и Франция тидэлпэ тэ бишалэл халавдэн андэ кадэва форо. Андо Магдебу́рго виарақлэ ҭан, саво со май драго поджалас, кай котэ тэ авэл печатно цэхо. 19 июня стидэ послиднё, со ашэляпэ анда оборудования, и пэрэандярдэ андо нэво Вефилё. Андэ кодэва дес, кала и ԥрала ԥэндэ пала када андэ ӷлавно управления, андэ всаворэ ӷазеты сас пистромэ, кай и Франция захутилдя о Бармено. И ԥрала сас блаӷодарни лэ Иеговасти, кай вонэ кадя вовремя пэрэлаглэ андо безопасно ҭан.

Ай акэ со сас андэ Бразилия. Кордэ пэрэлагля о Джорджо Янго. Кадэва проповеднико облагля бут страны, кай тэ росԥэнэн и лащи новость. Во поможысардя тэ ԥэрнавэн нэво филиало андэ Бразилия и ля тэ вимэкэл и «Сторожэво башня» пэ португальско шыб. Кати важ дэсавэ шона о ԥрал Янго роздя май бут, чем 7 000 журналоря и буклеторя. И Сара Фе́ргусон сас особено радо, кай во авеля. Вой адинояс и «Сторожэво башня» инке анда 1899 бэрш и фартэ камэлас тэ болдёл. Ӥто вой и латирэ штар бэяцэ смоӷли тэ стерэн кадэва важно шаӷо.

«СЛУЖЫСАРАС ЛЭ ДЭВЛЭСТИ ЛОШАСА И АНДА ВСЯ ЗОР»

Сар всаворэ кадэла изменении андэ кода, сар прожанас и собрании, и канӷрэсоря и служэния повлияли пэ Библейски Иследователя? Акэ со ԥэнэнаспэ в концэ андо 1923 бэрш андэ «Сторожэво башня» важ о 15 декабрё: «Драго дицол, кай лэ ԥралэндэ и лэ ԥэяндэ... састи вера... [...] Давайте аваса ӷотови тэ терас инке май бут и служысараса лэ Дэвлэсти анда вся оди и лошаса андо 1924 бэрш!».

Авэр бэрш важ и Библейски Иследователя тожэ сас фартэ важно. По острово Ста́тено, паша бруклинско Вефилё, и ԥрала терэнас дила пэ ек строительно проекто, саво закончился в начале андо 1924 бэрш. Кода, со вонэ построисардэ, инке май фартэ поможысардя, кай машкар ԥрала тэ авэл единство и кай и лащи новость тэ росԥэнэн кадя бут, сар никала.