Молодёж, на парашэн тэ барён духовно и посли крещения

1. Со ужэ вижыля тэ стерэн кай бут тэрнэ ԥрала и ԥэя?

АДЕС болдён фартэ бут тэрнэ ԥрала и ԥэя. Ай ту ужэ прилян кадэя ришэния? Если да, тоди амэ фартэ ради важ тутэ, ай о Иегова анда вся оди абурой туса! (Прит. 27:11). Погиндосар, со тутэ ужэ вижыля тэ стерэс. Ту драго изучал и Библия, возможно, дажэ най ек бэрш. И блаӷодаря кадэлэсти ту полян, кай вой лэ Дэвлэстар. Ту драго уӷанглян и полюбисардян амарэ небеснонэ Дадэс, лэ Иеговас. И через кадэя любовь ту закамлян тэ дэс алав тэ жувэс важ лэстэ и тэ болдёс. Када роздраго!

2. Со амэ роздиқаса андэ кадэя статья?

² Канешно, инке англа крещения тутэ сас дэсавэ трудности. Но кала ту ашэса май взросло, тутэ авэла авэр ԥаримос. О Сатана старыийпэ тэ змарэл тут па правильно дром, кай ту тэ парашэс тэ дружыс лэ Иеговаса и тэ служыс лэсти (Эф. 4:14). На домэк, кай кацаво тэ авэл! Со поможыя тути тэ ашэспэ предано лэ Иеговасти и тэ зритярэс пэско алав? На параш тэ барёс духовно (Евр. 6:1). Но со андэ када поможыя?

СО ТРЭБУЙ, КАЙ ТЭ БАРЁС ДУХОВНО?

3. Со трэбуй тэ терэн всаворэ христианоря посли кода, сар болделэ?

³ Всаворэ, ко ужэ болделя, трэбуй тэ приашундён каринг лэ Павлоско совето. Во ԥэндя лэ христианонэнди андо Эфесо, кай вонэ тэ ашэн сар «взросли мануша» (Эф. 4:13). Аврэ алавэнца, вонэ трэбуй сас тэ пристон зор, кай тэ барён духовно. Када можно тэ сыстос кодэлэса, сар барёл о бэято. О цынёнё бэято анэн бари радость лэ родителёнэнди. Но во нэ можэт тэ ашэлпэ кацаво пэ вся и жызня. Сар прожал и время, во трэбуй тэ парашэл тэ андярэл пэс, сар бэято (1 Кор. 13:11). Кадяжэ и христианоря посли кода, сар болдён, трэбуй тэ на тердён пэ ек ҭан, ай тэ барён духовно. Давайте роздиқаса дэсавэ советоря, савэ андэ када поможына.

4. Со поможыя тути тэ барёс духовно? (Филиппийцам 1:9). Росԥэнэн.

⁴ Май фартэ любисар лэ Иеговас. Канешно тутэ ужэ исин любовь каринг о Иегова, но ту можэш тэ стерэс, кай вой тэ ашэл инке май бари. Сар? О апостоло Павло ԥэндя пала када андэ Филиппийцам 1:9 (проадинон). Во мангэласпэ, кай и христианоря анда Филиппы «инке май фартэ и май фартэ тэ любин». Дицол, кай амэ можэм инке май фартэ тэ любисарас лэ Иеговас. Важ када лэ христианонэнди трэбуй «май бут тэ уӷанэн и май драго тэ полэн, со камэл о Дэл». Со май бут амэ уӷанас пала Иегова, со май фартэ амэ лэс любисарас, цэнисарас лэстирэ качестворя и кода, сар во обжалпэ амэнца. Тоди амэндэ появийпэ инке май бари жэлания тэ радосарас лэс, и амэ на ласа тэ терас нисо, со на чалелоп лэ Иеговасти. Амэ пристас вся о зор, кай тэ полас, со о Иегова аштярэл амэндар, и старысавас тэ терас кадя, кай во тэ авэл амэнца довольно.

5, 6. Сар амари любовь каринг о Иегова можэт тэ ашэл инке май бари? Росԥэнэн.

⁵ Амари любовь каринг о Иегова барёл, кала амэ уӷанас пала лэско Шаво, саво андэ вся андярэлас пэс кадя жэ, сар лэско Дад (Евр. 1:3). Сар амэ можэм тэ уӷанас пала Иисусо? Например, если ласа тэ розмышляем пала лэстири жызня, пала сави росԥэнэнпэ андэ штар Евангелии. Если тутэ инке нинай привычка тэ адинос и Библия кажно дес, васо бы ужэ адес тэ на лэс када тэ терэс? Кала ту лэса тэ адинос пала Иисусо, шув сама пэ лэстирэ качестворя. Каринг лэстэ сас вушэро тэ обратиспэ. Во облэлас лэ бэятонэн и лэлас лэн пэ вас (Мар. 10:13—16). Лэстирэ ученикоря моӷли свободно тэ росԥэнэн лэсти пэско гиндо (Матф. 16:22). Андэ када о Иисусо шолпэ пэ пэско небесно Дад. Каринг о Иегова кадяжэ вушэро тэ обратиспэ: во внимательно ашунэн амарэ молитвы. Амэ можэм пала вся тэ росԥэнас лэсти и ӷанас, кай во амэн на сындоя, важ кода кай фартэ любий амэн и заботийпэ пала амэндэ (1 Пет. 5:7).

⁶ О Иисусо анда вся оди жалуияс лэ манушэн. О апостоло Матфеё пистросардя: «Кала во диқэлас бутэ манушэн, лэстэ росшындёлас оди, важ кода кай вонэ сас помардэ и росшутэ, сар бакрорэ би лэ пастухоско» (Матф. 9:36). Ай со по ди кай о Иегова? О Иисусо ԥэндя: «Мэрно небесно Дад на камэл, кай тэ хындёл хоть ек анда кадэла прости мануша» (Матф. 18:14). Кадэла алава фартэ придэн зор! Со май драго амэ уӷанас лэ Иисусос, со май фартэ амэ любисарас лэ Иеговас.

7. Сости амэ можэм тэ сытювас кай и ԥрала и ԥэя, кастэ лащи дружба лэ Иеговаса?

⁷ Со инке тути поможыя май фартэ тэ любис лэ Иеговас и тэ барёс духовно? Проандяр время лэ ԥралэнца и лэ ԥэянца, кастэ лащи дружба лэ Иеговаса. Шув сама, савэ вонэ дэ радосни. Вонэ на жалуин пала кода, состар отԥэнделэ, кай тэ служын лэ Дэвлэсти. Манг, кай вонэ тэ росԥэнэн пала пэстири служэния лэ Иеговасти. Если тути трэбуй тэ прилэс важно ришэния, пуш лэндар совето, и на бистэр: «кай исин бут советникоря, авэла вся драго тэ вижал» (Прит. 11:14).

8. Со тэ терэс, если тутэ появинапэ сомнении пала кода, со пистромэ андэ Библия?

⁸ Улэ пэстар и сомнении. Сар амэ ужэ дям дума андо 2 абзацо, о Сатана пристол вся пэско зор, кай тэ на дэл тути тэ барёс духовно. Во камэл, кай ту тэ на допатяс ла Библияти. Со во терэл важ када? Например, тути моӷут тэ росԥэнэн пала эволюцыя. Раньшэ ту, можэт, пала када и на ашунэсас. Ай акана тут сытярэн кадэлэсти андэ школа. Кода, со ԥэнэн и учителёря, можэт здэлапэ годявэрнэс. Но вонэ, возможно, никала драго на роздиқэнас и доказательства, кай о Дэл исин. На бистэр и алава анда Притчи 18:17: «Ко залэл и дила андо сындо пэрво, кодэва и найдошало. Пока на авэл лэско противнико и на лэл тэ задэл лэсти вопросоря». На грабисав тэ патяс всаворэсти, со ԥэнэн андэ школа, май драго розуӷан, со пистромэ андэ Библия. Андэ када тути поможына амарэ публикацыи. Подэ дума лэ ԥралэнца и лэ ԥэянца, ко раньшэ патялас андэ эволюцыя. Пуш лэндар, васо вонэ патяе кодэлэсти, кай исин любящё Создателё. Када поможыя тути тэ додиқэс инке май бут доказательства, кай о Дэл исин.

9. Сости амэ сытювас анда кода, со росԥэндя и Мелисса?

⁹ Ла ԥьяти, савя ақарэн Мелиссаb, андя бут лашымос, кай вой драго розуӷангля пала сотворения. Вой росԥэнэн: «Андэ школа и учителёря кадя росԥэнэнас пала эволюцыя, кай камэласпэ тэ патяв, кай када чачимос. Спэрва мэ на камавас тэ розлавпэ андэ кадэва вопросо, важ кода кай даравас, кай тожэ лава тэ патяв кадэлэсти. Но потом мэ погиндосардэм, кай о Иегова камэл, кай амэ тэ полас, васо служысарас лэсти. Тоди мэ лэм тэ уӷанав пала када май драго. Мэ проадиносардэм и книӷа „Существует ли заботливый Творец?“ и брашуры „Была ли жизнь создана?“ и „У истоков жизни. Пять вопросов, которые требуют ответа“. Мэ радо, кай стердэм кадя! Трэбуй сас тэ стерав када май раньшэ».

10, 11. Со поможыя лэ тэрнэ манушэнди тэ ашэнпэ вужэ андэ лэ Дэвлэстирэ яқа? (1 Фессалоникийцам 4:3, 4).

¹⁰ Дурюв лэ бэзэхэстар. Андэ тэрнэ бэрша лэ манушэн можэт фартэ тэ цырдэл каринг о билажавардимос. Тут моӷут тэ подмарэн тэ стерэс кода, со можэт тэ авэл кати машкар хулай и хулаи. О Сатана фартэ камэл, кай ту тэ подэспэ кадэлэсти. Со поможыя тэ ашэспэ вужо андэ лэ Дэвлэстирэ яқа? (Проадинон 1 Фессалоникийцам 4:3, 4.) Росԥэн лэ Иеговасти вся, со по ди, и манг, кай во тэ дэл тути зор (Матф. 6:13). На бистэр, кай о Иегова фартэ камэл тэ поможый, ай най тэ сындой тут (Пс. 103:13, 14). Инке ту можэш тэ родэс помощь андэ Библия. И Мелисса, пала сави амэ ужэ дям дума, кадяжэ борияспэ лэ найлашэ гиндонэнца. Вой росԥэнэн: «Кала мэ адиносаравас и Библия кажно дес, када придэлас манди зор. Блаӷодаря кадэлэсти мэ на бистравас, кай отдэм пэстири жызня лэ Иеговасти и фартэ камав лэсти тэ служысарав» (Пс. 119:9).

¹¹ На старысав екжэно тэ ришыс пэстирэ проблемы. Подэ дума пэстирэ родителёнэнца пала тирэ трудности. Хоть можэт тэ авэл лажаво тэ дэс дума лэнца пэ кацавэ темы, но када фартэ важно. И Мелисса росԥэнэн: «Мэ манглэмпэ, кай о Иегова тэ дэл манди смилость, и подэм дума лэ дадэса пала мэрни проблема. Посли када мандэ по ди, ԥэнэса, бар спэля. Мэ ӷанавас, кай о Иегова абурой манца».

12. Со поможыя тути тэ прилэс правильни ришэнии?

¹² Прилэ и библейски принцыпоря андэ пэстири жызня. Кала ту ашэса май взросло, ту сможэш май бут ришэнии тэ прилэс екжэно. Но пока о мануш тэрноро, во инке бут со на ӷанэн. Со поможыя тути тэ на шылиспэ и тэ на римос пэстири дружба лэ Иеговаса? (Прит. 22:3). И ԥэй Жанна росԥэндя, со поможыяс лати тэ прилэл лашэ ришэнии. Вой поля, кай важ о христианино, савэстэ лащи дружба лэ Иеговаса, на трэбуй правила важ кажно ситуацыя. Вой ԥэнэн: «Важно тэ полэс, сар гиндой о Иегова, ай най кай тэ авэн бут правила». Кала ту адинос библейско отрывко, пуш пэстар: «Со мэ уӷанглэм пала кода, сар гиндой о Иегова? Исин катэ варисавэ библейски принцыпоря, савэ поможына манди тэ андярав пэс правильно? Саво авэла лашымос, если мэ прилава лэн андэ пэстири жызня?» (Пс. 19:7; Ис. 48:17, 18). Если ту лэса тэ адинос и Библия и тэ розмышляеш пала принцыпоря, савэ котэ пистромэ, тути авэла май вушэро тэ прилэс кацавэ ришэнии, савэ радуина лэ Дэвлэс. Кала тири дружба лэ Иеговаса лэла тэ барёл, ту полэса, кай тути на трэбуй бут правила пэ кажно ситуацыя, важ кода кай ту лэса тэ ӷанэс, сар гиндой о Иегова.

13. Сар тути моӷут тэ поможын лашэ друӷоря? (Притчи 13:20).

¹³ Дружысар кодэлэнца, ко любий лэ Иеговас. Сар амэ ужэ дям дума, и лашэ друӷоря моӷут тэ поможын тути тэ барёс духовно. (Проадинон Притчи 13:20.) И ԥэй, савя ақарэн Сара, ля тэ хасарэл и радость. Но акэ со поможысардя лати тэ парувэл пэско гиндо. Вой росԥэнэн: «Мэ виарақлэм лашэ друӷонэн имено тоди, кала када сас трэбуй. Амэ еқа ԥьяса лям вмести ӷотовица каринг и “Сторожэво башня”. Ай авэр ԥэй поможысардя манди тэ дав каминтарии пэ собрании. Лэнго лашо настроё придя манди зор май драго тэ проандярав и лично изучения и май часто тэ дав дума пэстирэ небеснонэ Дадэса. Мэрни дружба лэ Иеговаса ашэля май лащи, и мэ лэм упалэ тэ радосавав».

14. Сар о Руслано виарақля лашэ друӷонэн?

¹⁴ Со поможыя тэ виарақэс кацавэ друӷонэн, савэ лэна драго пэр тутэ тэ влияют? О старейшына Руслано росԥэнэн пала пэстирэ тэрнэ бэрша: «Через и служэния лэ Иеговасти мэ виарақлэм лашэ друӷонэн. Вонэ анда вся оди терэнас лэ Дэвлэстири дила, и када поможысардя манди тэ диқав, сави дэ бари радость можэт тэ анэн и служэния. Мэ закамлэм тэ служысарав полновремено. Мэ полэм, кай если лава тэ дружысарав кати мэрнэ ровэсниконэнца, мэ бут со умэкава. Потом мэ лэм тэ служысарав андо Вефилё, и катэ мандэ тожэ появисайлэ лашэ друӷоря. Лэнго примеро поможысардя манди май драго тэ витидав, савэ развличении мандэ тэ авэн. Блаӷодаря кадэлэсти, мэ ашэлэм май пашэ каринг о Иегова».

15. Саво совето о апостоло Павло дя лэ Тимофеёсти? (2 Тимофею 2:20—22).

¹⁵ Со тэ терэс, если ту полян, кай варико анда собрания найдраго пэр тутэ влияет? Андо пэрво вико най всаворэ́ христианонэндэ сас лащи дружба лэ Иеговаса. О апостоло Павло ӷанэнас пала када, и важ када во ԥэндя лэ Тимофеёсти тэ ритярдёл май дур лэндар. (Проадинон 2 Тимофею 2:20—22.) Важ амэндэ фартэ куч амари дружба лэ Иеговаса. Амэ пристодям бут зор, кай тэ ашас май пашэ каринг о Дэл. Важ када на домэк, кай варико тэ римой кадэя дружба (Пс. 26:4).

САР И ЛАШЭ ЦЭЛИ ПОМОЖЫН ТЭ БАРЁС ДУХОВНО?

16. Савэ цэли ту можэш тэ стос англа пэстэ?

¹⁶ Стов цэли, савэ анэна тути лашымос. Витидэ кацавэ цэли, савэ поможына, кай тири вера тэ ашэл май састи, ай и дружба лэ Иеговаса май лащи (Эф. 3:16). Например, ту можэш май часто тэ адинос и Библия и тэ проандярэс и лично изучения (Пс. 1:2, 3). Или май долӷо и анда вся оди тэ дэс дума лэ Иеговаса. Ай можэт, тути трэбуй тэ авэс май внимательно андэ кода, савэ развличении тэ витидэс и сар тэ проандярэс пэстири время (Эф. 5:15, 16). Кала о Иегова диқэл, кай ту пристос вся пэско зор, кай тэ барёс духовно, лэско ди фартэ радуийпэ.

17. Васо важно тэ поможыс аврэнди?

¹⁷ Ту можэш тэ барёс духовно, если лэса тэ поможыс аврэнди. О Иисусо ԥэндя: «Май бари бах, кала дас, чем кала лас» (Деян. 20:35). Тути анэна бут лашымос, если ту на лэса тэ жалуис пэстири время и о зор важ авэр. Например, ту можэш тэ дэс зор лэ ԥурэ манушэнди андэ собрания и кодэлэнди, касти трэбуй помощь. Вонэ авэна фартэ блаӷодарни, если ту тинэса важ лэндэ кода, со лэнди трэбуй, или поможыса тэ пользуюца лэ телефоноса или лэ планшэтоса. Ай если ту ԥрал, васо бы тэ на стос англа пэстэ цэль тэ служыс сар помошнико важ и собрания, кай инке май фартэ тэ заботиспэ пала ԥрала и ԥэя? (Флп. 2:4). Кадяжэ ту можэш тэ поможыс кодэлэнди, ко инке на служый лэ Иеговасти, если анда вся оди лэса тэ росԥэнэс лэнди пала Иегова (Матф. 9:36, 37). Ай если тутэ исин возможность, погиндосар пала кода, кай тэ служыс полновремено.

18. Сар тути поможыя тэ барёс духовно, если ту лэса тэ служыс полновремено?

¹⁸ Если ту лэса тэ служыс полновремено, када поможыя тути май ӥто тэ барёс духовно. Кати погиндосар, савэ возможности авэна англа тутэ андэ служэния лэ Иеговасти! Например, ту можэш тэ сытёс андэ Школа блаӷовесников Царства, тэ служыс андо Вефилё или тэ терэс пэ стройка. Ек тэрни пианерка, савя ақарэн Рузана, росԥэнэн: «Кала мэ проандяравас и время лэ ԥралэнца и лэ ԥэянца, кастэ лащи дружба лэ Иеговаса, мэ ашэлэм инке май пашэ каринг о Иегова. Лэнго примеро поможысардя манди май драго тэ изучаю и Библия и тэ авав май лашо проповеднико».

19. Сар о Иегова тут блаӷословия, если ту на парашэса тэ барёс духовно?

¹⁹ Пристов вся пэско зор, кай тэ на парашэс тэ барёс духовно, и о Иегова тут фартэ блаӷословия. Тоди тирэ тэрнэ бэрша на прожана евья (1 Иоан. 2:17). Тутэ на авэла тэ дуқал оди, кай ту прилян найгодявэрнэ ришэнии. Тири жызня авэла фартэ бахтали, и кода, со ту загиндосардян, тутэ получияпэ (Прит. 16:3). Тиро примеро придэла зор аврэ ԥралэнди и ԥэянди, сар лэ тэрнэнди, кадя и лэ ԥурэнди (1 Тим. 4:12). Но само ӷлавно: о Иегова авэла тиро пашутно друӷо, и кадэлэстар тутэ авэла бари радость андо ди (Прит. 23:15, 16).