Гиндосар годявэрнэс, кала найвушэро тэ ашэспэ предано

1. Со сыкавэн и алава, кай трэбуй тэ гиндосарас годявэрнэс? (2 Тимофею 4:5).

КАЛА амэндэ исин трудности, можэт тэ авэл найвушэро тэ ашаспэ предани лэ Иеговасти и лэстиря арӷанизацыяти. Сар тэ виритярас кадэла трудности? Трэбуй тэ гиндосарас годявэрнэс, тэ ашаспэ састэ андэ вера и тэ авас осторожни. (Проадинон 2 Тимофею 4:5.) Со сыкавэн и алава, кай трэбуй тэ гиндосарас годявэрнэс? Када тэ ашаспэ спокойни, тэ контролируем пэстирэ эмоцыи и тэ диқас пэ вся кадя, сар диқэл о Иегова. Аврэ алавэнца, када тэ на домэкас, кай амарэ эмоцыи тэ влияют пэ амари годи.

2. Пала со амэ подаса дума андэ кадэя статья?

² Андэ кодэя статья амэ уӷанглям пала трин трудности, савэ моӷут тэ авэн амэндэ андэ жызня. Ай андэ кадэя статья амэ роздиқаса трин трудности, савэ моӷут тэ авэн андэ собрания и через савэ можэт тэ авэл найвушэро тэ ашаспэ предани лэ Иеговасти. Амэ подаса дума пала кацавэ ситуацыи: 1) кала амэнди здэлпэ, кай варико анда христианоря обжыляпэ амэнца нэсправедливо, 2) кала амэн сытярэн и 3) кала найвушэро тэ прилас кода, со парудёл андэ арӷанизацыя. Сар андэ кадэла ситуацыи тэ на парашас тэ гиндосарас годявэрнэс и тэ подритярас лэ Иеговас и лэстири арӷанизацыя?

КАЛА АМЭНДИ ЗДЭЛПЭ, КАЙ АМЭНЦА ОБЖЫЛЭПЭ НЭСПРАВЕДЛИВО

3. Сар амэ можэм тэ андярас пэс, если амэнди здэлпэ, кай о ԥрал или ԥэй обжылэпэ амэнца нэсправедливо?

³ Сас тутэ кацаво, кай туса обжылэпэ нэсправедливо? Можэт, када сас варико анда назначени ԥрала. Наверно, кадэва ԥрал на камля, кай тэ авэл кадя (Рим. 3:23; Иак. 3:2). Но тути всаек сас фартэ ԥарэс. Можэт, ту на совэсас рятянца через када. И тутэ сас кацаво гиндо: «Если кадэва ԥрал кадя пэс андярдя, чаче када лэ Иеговастири арӷанизацыя?» О Сатана камэл, кай ту тэ гиндос имено кадя (2 Кор. 2:11). Через кацавэ гиндоря во камэл тэ одындярэл тут лэ Иеговастар и лэстиря арӷанизацыятар. Но со, если када на ужал тутар анда ди? Со поможыя тути тэ гиндос годявэрнэс и тэ на подэспэ кодэлэ гиндонэнди, савэ камэл тэ зашол тути о Сатана?

4. Сар дицолас, кай о Иосифо гиндояс годявэрнэс, кала лэса обжанаспэ нэсправедливо, и сости амэ можэм тэ сытювас? (Бытие 50:19—21).

⁴ На холявэн. Андэ тэрнэ бэрша лэ Иосифости сас ԥарэс, лэстирэ ԥрала обжанаспэ лэса нэсправедливо. Вонэ нэнавидели лэс, и дэсавэ андар лэндэ дажэ камэнас лэс тэ умарэн (Быт. 37:4, 18—22). Потом вонэ лэс битиндэ андо рабство. Лэстэ сас баро ԥаримос 13 бэрш. Во моӷ тэ пушэл пэстар: «Чаче, о Иегова ман любий? Зашолапэ во пала мандэ варикала?» Но о Иосифо на ритярэлас и холи андо ди. Наоборот, во гиндояс годявэрнэс. Сар када дицолас? Во ашэласпэ спокойно. Кала лэстэ сас возможность тэ рий пэстирэ ԥралэнди, во на ля када тэ терэл. Во сыкадя пэстири любовь каринг лэндэ и простисардя лэн (Быт. 45:4, 5). О Иосифо кадя пэс андярдя, важ кода кай контролировал пэстирэ эмоцыи. Вместо кода, кай тэ шол сама пэ проблема, во старыияспэ пэ вся тэ диқэл кадя, сар о Иегова. (Проадинон Бытие 50:19—21.) Сости амэ можэм тэ сытювас? Если варико обжыляпэ туса нэсправедливо, на грабисав тэ холявэс по Иегова и пэ кодэва, ко тут холярдя. Старысав тэ розмышляеш пала кода, сар о Иегова поможый тути тэ виритярэс кадэва ԥаримос. Кала авэр обжанпэ туса найдраго, сыкав пэстири любовь и на шов сама пэ лэндирэ нэдостаткоря (1 Пет. 4:8).

5. Сар о Мигелё сыкадя, кай гиндой годявэрнэс, кала лэсти здэласпэ, кай лэса нэсправедливо обжылэпэ?

⁵ Акана подам дума пала барэдэр ԥрал Мигелёb анда Южно Америка. Сас время, кала лэсти сас фартэ ԥарэс. Лэсти здэласпэ, кай дэсавэ назначени ԥрала обжылэпэ лэса нэсправедливо. Во росԥэнэн: «Манди никала на сас кадя дэ ԥарэс. Мэ умэклэм и вас. Мэ на совавас рятянца и ровавас, кай нисо нэ моӷу тэ стерав кадэлэса». Но всаек о Мигелё гиндояс годявэрнэс и старыияспэ тэ контролирует пэстирэ эмоцыи. Во часто мангэлас лэ Иеговастар о свынто духо и о зор, кай вся тэ виритярэл. Кадяжэ во родэлас инфармацыя андэ амарэ публикацыи, сави моӷла тэ подритярэл лэс. Сости амэ можэм тэ сытювас? Кала тути здэлпэ, кай варико анда ԥрала и ԥэя обжыляпэ туса нэсправедливо, ашпэ спокойно и старысав тэ контролируеш пэстирэ эмоцыи. Ту можэш тэ на ӷанэс, васо о ԥрал или ԥэй кадя пэс андярдя туса. Важ када мангпэ лэ Иеговасти, кай во тэ поможый тути тэ диқэс пэ вся кадя, сар во. Блаӷодаря кадэлэсти тутэ вижала тэ на гиндос, кай о ԥрал или ԥэй спецыально кадя пэс андярдэ, и анда ди тэ простис (Прит. 19:11). На бистэр: о Иегова драго ӷанэн вся и ситуацыя и дэла тути зор, кай ту вся тэ виритярэс (2 Лет. 16:9; Эккл. 5:8).

КАЛА АМЭН СЫТЯРЭН

6. Васо важно тэ полэс, кай кала о Иегова сытярэл, кадя во сыкавэл пэстири любовь? (Евреям 12:5, 6, 11).

⁶ Кала амэн сытярэн, дэкала можэт тэ авэл найвушэро кадэлэстар. Но если амэ ласа фартэ тэ шас сама пэ пэстирэ чуства, то можэм тэ лас тэ гиндосарас, кай амэнца обжылэпэ фартэ нэсправедливо и строӷо. Тоди амэ бистраса само важно — о Иегова амэн строӷо сытярэл, важ кода кай любий. (Проадинон Евреям 12:5, 6, 11.) Кадяжэ, если амэ на ласа тэ контролируем пэстирэ эмоцыи, амэ домэкаса , кай о Сатана тэ воспользуеца кадэлэса. Во камэл, кай амэ тэ терас вся, кай тэ обжас и наказания и, со инке май хужэ, тэ парашас тэ служысарас лэ Иеговасти и тэ ашавас и собрания. Если тути ԥэндэ, кай ту стердян варисо най кадя, сар тэ на парашэс тэ гиндос годявэрнэс?

7. а) Диқэн пэ картинка. Сави дила о Иегова дя лэ Петрости посли кода, сар во приля, кала лэс сытярэнас? б) Сости тумэ можэте тэ сытён лэ Петростар?

⁷ Прилэн, кала тумэн сытярэн, и парудён. О Иисусо най еқвар сытярэлас лэ Петрос англа всаворэ апостолоря (Мар. 8:33; Луки 22:31—34). Наверно, лэ Петрости сас лажаво кадэлэстар. Но о Пётро ашэласпэ предано лэ Иисусости. Во прилэлас, кала о Иисусо лэс сытярэлас, и сытёлас пэ пэстирэ ошыбки. Важ када о Иегова лэс блаӷословисардя и дя лэсти тэ терэл бари дила андэ собрания (Иоан. 21:15—17; Деян. 10:24—33; 1 Пет. 1:1). Сости амэ можэм тэ сытювас лэ Петростар? Если амэ на шас сама пэ пэстирэ чуства, прилас, кала амэн сытярэн, и парудювас, када анэна лашымос и амэнди, и аврэнди. Тоди амэ сможэм тэ стерас май бут важ о Иегова и важ и ԥрала.

8, 9. Со сас по ди кай о Альберто посли кода, сар лэс строӷо сытярдэ, и со поможысардя лэсти тэ парудёл?

⁸ Акэ со сас андэ жызня кай о ԥрал Альберто анда Мозамбико. Пар лэстэ злинэ, кай во тэ авэл барэдэр ԥрал. Со сас лэстэ андо ди? О Альберто росԥэнэн: «Манди када фартэ на чалеля, и важ када мэ холяйлэм». Во пэрэжывал пала кода, сар и ԥрала и ԥэя акана лэна тэ диқэн пэр лэстэ. Во ԥэнэн: «Прожыля най ек шон англа кода, сар мэ лэм правильно тэ диқав пэ кадэя ситуацыя и упалэ тэ доверяю лэ Иеговасти и лэстиря арӷанизацыяти». Со поможысардя амарэ ԥралэсти тэ парувэл пэско гиндо?

⁹ Диқам, со росԥэнэн о ԥрал Альберто: «Кала мэ служысаравас сар барэдэр ԥрал, мэ дэм дума аврэнца пала стихо анда Евреям 12:7, кай тэ поможысарав лэнди правильно тэ диқэн пэ наказания лэ Иеговастар. Ай акана мэ пушлэм корко пэстар: „Касти трэбуй тэ прилэн кадэва стихо?“ Всаворэ лэ Иеговастирэ служытелёнэнди, и манди тожэ». Тоди о Альберто дэсо парудя, кай упалэ тэ доверяет лэ Иеговасти и лэстиря арӷанизацыяти. Во ля май бут тэ адиной и Библия и май драго тэ розмышляет пала кода, со проадиносардя. И хоть во инке пэрэжывал, сар и ԥрала и ԥэя диқэн пэр лэстэ, во служыяс лэнца и участвовал андэ собрания. Сар прожыля дэсави время, лэ ԥралэс упалэ назначили, кай во тэ авэл барэдэр ԥрал. Если тут кадя жэ, сар кадэлэ ԥралэс, строӷо сытярдэ, старысав тэ на холявэс, прилэ о совето и парудюв (Прит. 8:33; 22:4)c. Если ту кадя пэс андярэса, ту можэш тэ авэс уверено: о Иегова тут блаӷословия важ тири преданость лэсти и лэстиря арӷанизацыяти.

КАЛА НАЙВУШЭРО КОДЭЛЭСТАР, КАЙ ВАРИСО ПАРУДЁЛ АНДЭ АРӶАНИЗАЦЫЯ

10. Со паруделя андэ жызня кай и израильтяноря и васо лэнди моӷло тэ авэл ԥарэс тэ ашэнпэ предани лэ Дэвлэсти?

¹⁰ Кала варисо парудёл андэ арӷанизацыя, можэт тэ авэл найвушэро тэ ашаспэ предани лэ Дэвлэсти. Если тэ на авас осторожни, када можэт тэ дурярэл амэн лэ Иеговастар. Например, роздиқам, со паруделя андэ жызня кай и израильтяноря, кала о Иегова дя лэнди лэ Моисеёско законо. Англа кода, сар о Иегова тэ стерэл када, и хула́я андо ери терэнас дила, сави терэнас рашая. Вонэ строинас жэртвеникоря и анэнас жэртвы лэ Иеговасти пала пэстирэ еря (Быт. 8:20, 21; 12:7; 26:25; 35:1, 6, 7; Иов 1:5). Но кала о Иегова дя лэнди о законо, вонэ будэр на терэнас кадэя почотно дила. О Иегова назначил лэ муршэн анда лэ Аароноско ери тэ авэн рашанца. Акана вонэ трэбуй сас тэ анэн жэртвы. Кала када паруделя, если лэ ереско хулай, саво на сас лэ Аароноско потомко, лэлас тэ терэл кадэя дила, лэс моӷли тэ умарэн (Лев. 17:3—6, 8, 9)d. Сас када ек анда причины, васо о Кореё, о Дафано, о Авирамо и 250 барэдэра анда народо жылэ против о Моисеё и о Аароно? (Чис. 16:1—3). Амэ на ӷанас точно. Но со бы тэ на авэл, о Кореё и кодэла, ко лэс подритярдэ, парашэлэ тэ авэн предани лэ Иеговасти. Если и тути ԥарэс тэ ашэспэ предано лэ Дэвлэсти, кала варисо парудёл андэ арӷанизацыя, со ту можэш тэ стерэс?

11. Сости амэ сытювас кай дэсавэ левиторя анда лэ Каафоско ери?

¹¹ Анда вся оди подритярэн, кала варисо парудёл андэ арӷанизацыя. Кала и израильтяноря сас андэ пустыня, и левиторя анда лэ Каафоско ери терэнас фартэ почотно дила. Кажно разо, кала о народо сас андо дром, дэсавэ каафитяноря жанас англал и андярэнас о ковчеӷо важ о доӷоворо (Чис. 3:29, 31; 10:33; Иис. Н. 3:2—4). Када сас бари честь! Но вся паруделя, кала вонэ авелэ пэ Обетовано ԥув. О ковчеӷо будэр на трэбуй сас вся и время тэ пэрэандярэн. Во тердёлас пэ ек ҭан. Важ када и каафитяноря линэ тэ терэн авэр дила. Кала правияс о Соломоно, дэсавэ андар лэндэ дилабэнас, авэр сас сторожоря, ай варико заботияспэ пала хранилища (1 Лет. 6:31—33; 26:1, 24). Никай най пистромэ, кай и каафитяноря ровэнаспэ и мангэнас, кай лэнди тэ дэн авэр бути, важ кода кай раньшэ терэнас почотно дила. Сости амэ можэм тэ сытювас лэндар? Анда вся оди подритяр, кала варисо парудёл андэ лэ Иеговастири арӷанизацыя, дажэ если тути лично прижалапэ варисо тэ парувэс. Радосав, кала терэс любо дила. На бистэр: ту фартэ куч важ о Иегова, сави бы назначения тутэ тэ на авэл. Важ лэстэ май важно, кай ту лэс тэ кандэс (1 Сам. 15:22).

12. Со сас по ди кай и Амина, кала лати прижыляпэ тэ ашавэл о Вефилё?

¹² Подам дума пала ԥэй Амина па Ближнё Востоко. Лати фартэ чалёлас вефильско служэния. Но кала вой прослужысардя андо Вефилё май бут чем 23 ӷода, ла назначили тэ служый сар спецыально пианеро. И Амина росԥэнэн: «Мэ сымас в шоке, манди здэласпэ, кай мандар нинай нисаво толко. Мэ вся и время пушавас пэстар: “Со мэ стердэм най кадя?”». Но дэсавэ ԥрала и ԥэя ԥэнэнас кацавэ алава, савэндар лати сас инке май ԥарэс: «Тэ тердоп ту бути драго, тут на рисардоп анда Вефилё». Дэсави время амаря ԥьяти сас кадя ԥарэс, кай вой ровэлас кажно рят. И Амина ԥэнэн: «Мэ никала на домэкавас, кай мандэ тэ авэн сомнении андэ арӷанизацыя и андэ лэ Иеговастири любовь». Со поможысардя лати тэ на парашэл тэ гиндой годявэрнэс?

13. Со поможысардя ла Аминати тэ улэл о ԥаримос па ди?

¹³ Кай и Амина вижыля тэ улэл о ԥаримос па ди. Со лати поможысардя? Вой адинояс и статьи анда амари литература пэ кадэя тема. Особено лати поможысардя и статья «Побеждай уныние!» анда Сторожэво башня пала 1 февралё 2001 бэрш. Андэр латэ росԥэнэнаспэ пала евангелисто Марко, савэстэ моӷло тэ авэл кацаво жэ по ди, кала парудёлас лэстири назначения. И Амина росԥэнэн: «Лэ Маркоско примеро фартэ придя манди зор». Кадяжэ амари ԥэй на дурёлас лэ друӷонэндар. Вой на жалуияс корко пэс и на парашэлас тэ общяеца и тэ служый лэ ԥралэнца и лэ ԥэянца. И Амина ӷанэнас, кай через пэско свынто духо о Иегова диқэл пала пэстири арӷанизацыя и кай и назначени ԥрала ла фартэ любин. Инке вой поля, кай само важно важ лэ Иеговастири арӷанизацыя — тэ терэн кода, со во камэл.

14. Савэ изменении сас найвушэро тэ прилэл лэ Митясти и со лэсти поможысардя?

¹⁴ Уӷанам пала барэдэр прал Митя анда Словения, савэсти 73 ӷода. Лэсти сас найвушэро кодэлэстар, кай лэстири собрания стидэ вмести авря собранияса, ай лэнго Зало Царства ԥандадэ. Во росԥэнэн: «Мэ нащи полавас, состэ ԥандадэ кацаво шукарно Зало Царства. Манди сас больно, важ кода кай амэ кати найдэлмут лэс отремонтировали. Мэ плотнико и пэстирэ вастэнца теравас важ лэстэ мебель. Кадяжэ прижыляпэ тэ присытював каринг бут изменении, ай када лэ ԥурэ вазвещятелёнэнди найвушэро дэлпэ». Со поможысардя лэ Митясти тэ кандэл? Во ԥэнэн: «Кала прилэс кода, со парудёл андэ лэ Иеговастири арӷанизацыя, када всегда анэн лашымос. Кадя амэ ӷотовимся каринг и барэ изменении, савэ авэна англэ». Если и тири собрания стидэ вмести авря собранияса или паруделя тири назначения, и тути найвушэро кадэлэстар, патя: о Иегова полэл, со тутэ по ди. Если ту подритярэс кацавэ изменении и на парашэс тэ ашэспэ предано лэ Иеговасти и лэстиря арӷанизацыяти, во тут обязательно блаӷословия. (Пс. 18:25).

ВСЯ И ВРЕМЯ ГИНДОН ГОДЯВЭРНЭС

15. Сар амэ можэм годявэрнэс тэ гиндосарас, кала исин трудности андэ собрания?

¹⁵ Со май пашэ о Армагеддоно, со май бут трудности амэндэ моӷут тэ авэн андэ собрания. Через кадэла трудности можэт тэ ашэл найвушэро тэ ашаспэ предани лэ Иеговасти. Важ када амэ трэбуй годявэрнэс тэ гиндосарас. Если тути здэлпэ, кай варико анда ԥрала и ԥэя обжыляпэ туса нэсправедливо, на холяв. Если тут сытярэн, на шов сама пэ пэстирэ чуства, прилэ о совето и парудюв. Ай кала варисо парудёл андэ лэ Иеговастири арӷанизацыя, и када влияет пэр тутэ, всаворэ одеса прилэ кадэла изменении и кандэ.

16. Со поможыя тути тэ доверяеш лэ Иеговасти и лэстиря арӷанизацыяти?

¹⁶ Кала тути найвушэро тэ ашэспэ предано лэ Иеговасти, тутэ вижала тэ на парашас тэ довереяш лэсти и лэстиря арӷанизацыяти. Но важ када трэбуй годявэрнэс тэ гиндос. Аврэ алавэнца тэ ашэспэ спокойно, тэ контролируеш пэстирэ эмоцыи и тэ диқэс пэ вся кадя, сар о Иегова. Уӷан май бут пала мануша анда Библия, савэндэ сас кацавэ жэ трудности, и розмышляй пала лэнго примеро. Мангпэ, кай о Иегова тэ поможый тути. Никала на дурюв лэ ԥралэндар и лэ ԥэяндар. Тоди, со бы тэ на авэл, о Сатана нэ сможэт тэ дурярэл тут лэ Иеговастар и лэстиря арӷанизацыятар (Иак. 4:7).