О Иегова бутэсти сытярэл и терэл сюрпризоря

Кала жалас и Дуйто мирово война, мэрнэ родителя пэрэлаглэ анда Эстония андэ Германия, котэ мэ и арақаделэмпэ. Потом вонэ ришыли тэ пэрэладэн андэ Канада. Андэ Канада амэ жувасас найдур лэ форостар Отта́ва. Пэрво амаро цэр — када сас побилимэ вуӷло андо сараё, кай сас и каӷня. Амэ жувасас фартэ чорорэс, но тэсараса, кай тэ хас амэндэ вся и время сас парнорэ.

Еқвар лэ Иеговастирэ свидетеля заадиносардэ мэрня дати Откровение 21:3, 4. Кадэла алава кадя линэ ла лэ одестар, кай вой розровьяпэ. И истина барёлас андо ди, и мэрнэ дад и дэй ӥто болделэ.

И родителя почти на дэнас дума пэ английско шыб, но вонэ фартэ цэнинас и истина. О дад терэлас бути андо Са́дбери (краё Онта́рио) по заводо, кай плавинас о састри (никелё). Но почти кажно субота, дажэ посли кода, сар тердя бути и рят, во лэлас амэн ла ԥьяса, савя ақарэнас Сильвия, андэ служэния. Кажно курко амэ всаворэ́ ереса изучали и «Сторожэво башня». О дад и дэй стердэ вся, кай мэ тэ полюбисарав лэ Дэвлэс. Через када мэ закамлэм тэ болдював андо 1956 бэрш. Манди тоди сас 10 лет. Лэндири бари любовь каринг о Дэл придэлас манди зор вся и жызня.

Посли кода, сар мэ закончил и школа, мэрни любовь андэ служэния набут шудреля. Мэ гиндосаравас, кай если лава тэ служысарав пианероса, мэ никала на затерава ловэ пэ пэстири мечта — тэ обладав вся и люма. Мэ лэм тэ терав бути, сар ведущё по местно радио. И бути манди чалёлас, но манди прижаласпэ тэ терав бути вэчэронэнца. Важ када мэ постояно промэкавас и собрании и бут общялся кодэлэнца, ко на любияс лэ Дэвлэс. Но потом мэрни совесть подԥэндя манди, кай мэ трэбуй варисо тэ парував.

Мэ пэрэлаглэм андэ О́шава (краё Онтарио). Котэ мэ познакомился лэ ԥралэса, савэс ақарэн Рэё Но́рмано, лэстиря ԥьяса, ла Лесля́са и аврэ пианеронэнца. Вонэ прилинэ ман всаворэ одеса. Мэ диқавас, савэ вонэ сас дэ бахталэ, и закамлэм тэ пэрэдиқав пэстирэ цэли. Вонэ побудисардэ ман тэ лав тэ служысарав пианероса и мэ стердэм када андо сентябрё андо 1966 бэрш. Манди чалёлас мэрни бахтали жызня. Но англэ ман аштярэнас дэсавэ сюрпризоря, савэ фартэ парудэ мэрни жызня.

КАЛА О ИЕГОВА ДЭЛ ДИЛА, ПОПРОБУЙ ТЭ СТЕРЭС ЛА

Инке, кала мэ сытювавас андэ школа, мэ подэмас заявления андэ канадско Вефилё андо форо Торо́нто. Прожыля время и кала мэ ужэ служысаравас пианероса, манди авеля приӷлашэния тэ послужысарав андо Вефилё 4 бэрш. Но манди фартэ чалёлас и Лесли. Мэ даравас, кай если мэ прилава и приӷлашэния, мэ ла будэр никала на диқава. Мэ бут мангаваспэ и ришыл тэ прилав и приӷлашэния тэ ладав андо Вефилё. Манди сас фартэ ԥарэс тэ попращяюсь ла Лесляса.

Андо Вефилё мэ теравас бути андэ прачечно, ай тоди ман назначили сар секретарё. Андэ кодэя время ла Лесля назначили спецыальным пианером андо Гатино́ (краё Квебеко). Мэ часто гиндосаравас: «Интересно, со вой щяс терэл? Правильно мэ ришэния прилэм?» Ай тоди ман аштярэлас само лашо сюрпризо андэ мэрни жызня. Лэ Рэёс, ла Леслятирэ ԥралэс, ақардэ тэ служый андо Вефилё. Во ашэля мэрно сосидо андэ комната, и амэ упалэ лям тэ общяемся ла Лесляса. Андо 27 февралё андо 1971 бэрш амэ по жэнисайлям. Када сас послиднё дес андэ мэрни служэния, сави мэ проандярдэм андо Вефилё.

Амэн ла Лесляса назначили андэ французко собрания андо Квебеко. Через дэсавэ бэрша амэндэ сас инке ек сюрпризо. Ман поманглэ тэ служысарав сар раёно барэдэр ԥрал, ай манди андэ кодэя время сас кати 28 бэрш. Мэ полавас, кай мэ сымас тэрно и най опытно. Но манди фартэ поможысардэ и алава анда Иеремия 1:7, 8. Мандэ сас и авэр пэрэжывания. И Лесли най еқвар попэрэлас андэ аварии, и латэ сас проблема кодэлэса, кай вой и рят нэ моӷла тэ засовэл. Вижала амэндэ тэ авас андэ раёно служэния? Мэрни кучутни хулаи ԥэндя: «Если о Иегова дэл амэнди дила, хэба на трэбуй амэ тэ попробуем када тэ стерас?» Амэ соӷласисайлям и проандярдям андэ кадэя служэния 17 бэрш.

Мэ фартэ бут время отдавас андэ раёно служэния. И мандэ на хутилэлас время важ и Лесли. Но потом тердяпэ кода, состар мэ бутэсти сытелэм. Еқвар в понедельник утром позвонисардэ андэ двэри. Пэ вулица никас на сас, сас кати корзинка важ о пикнико, андэ сави пашлёлас скатерть, тирала, марно, вино, бокалоря и записка, но на сас подпистромэ, кастар вой. Сас кати пистромэ: «Андяр ла хулая́ по пикнико». Сас розлашо қамэско дес. Но мэ объяснисардэм ла Лесляти, кай ӷотовлю и речь и тэ жав ласа мэ нэ моӷу. Вой вся поля, но набут ростроилась. Мэ бэшлэм тэ ӷотовлюсь и ман набут ля тэ хал и совесть. Мэ вспомнил и алава анда Эфесянам 5:25, 28. Кабута екжэно о Иегова манди ԥэндя: «Рэйно, жа, шув сама пэстиря хулая́». Мэ манглэмпэ и ԥэндэм ла Лесляти: «Ладам!» Вой фартэ зарадосайля. Амэ виарақлям райкано ҭаноро паша бэрэӷо и росшутям и скатерть. Када сас розлашо дес, саво амэ проандярдям вмести. И кстати, и речь мэ тожэ успел подӷотовить.

Манди чалёлас и розъезно служэния. Амэ облаглям вся и Канада. Анда Британско Колумбия жы каринг Ньюфа́ундлендо. Вся сас кадя, сар мэ мечтал. Мэ гиндосаравас пала школа Галаад, но мэ на камавас тэ авав мисианеро. Мэ гиндосаравас, кай и мисианероря — када варисавэ особи мануша и када най мэрно. Ай инке мэ даравас, кай ман бишалэна андэ варисави африканско страна, кай фартэ бут эпидемии и жал война. Мэ сымас фартэ бахтало, кай служысарав андэ Канада.

ИНКЕ ЕК СЮРПРИЗО: ПРИӶЛАШЭНИЯ АНДЭ ЭСТОНИЯ И СТРАНЫ БАЛТИИ

Андо 1992 бэрш лэ Иеговастирэ свидетеля упалэ линэ свободно тэ росԥэнэн важ о Дэл андэ дэсавэ страны, савэ раньшэ ужанас андо Совецко Союзо. Важ када и ԥрала пушлэ амэндар, на камас амэ тэ послужысарас, сар мисианероря андэ Эстония. Важ амэндэ када сас нэожыдано. Амэ ришыли тэ помангаспэ пала када и погиндосардям: «Если о Иегова варисо дэл, васо бы када тэ на попробуем?» И амэ соӷласисайлям. Мэ сԥурдэм па ди: «Ни мишто! Драго, кай най андэ Африка».

Амэ сразу лям тэ сытювас эстонско шыб. Через дэсавэ шона посли кода, сар амэ авелям, амэн поманглэ тэ участвуем андэ розъезно бути. Амэнди трэбуй сас тэ посещяем 46 собрании и дэсавэ ӷрупы андэ трин балтийски страни и андо Калининградо. И трэбуй сас хоть варисарта тэ дас дума пэ латышско, литовско и русько шыб. Када сас найвушэро. Но и ԥрала и ԥэя цэнинас амаро трудо и вся и время сас ӷотови амэнди тэ поможын. Андо 1999 бэрш андэ Эстония появисайля филиало, и мэ лэм тэ служысарав котэ андо камитето. Манца служынас и ԥрала о То́масо Э́дуро, Ле́мбито Ра́йлё и То́мми Ка́уко.

Амэ уӷанглям бутэн лэ Иеговастирэ свидетелёнэн, савэн варикала бишалдэсас андэ Сибирь. Хоть лэнца обжанаспэ найдраго и лэн залинэ лэ чачендар, вонэ на ашэлэ холинатирэ, ай радостяса росԥэнэнас о чачимос пала Дэл. Лэнго примеро драго сыкадя, кай амэ можэм тэ виритярас о ԥаримос и тэ ашаспэ радосни.

Пала кадэла бэрша андэ служэния лэ Иеговасти амэндэ сас бут дила, и амэндэ фартэ на сас возможность тэ отцыювас. Андэ ек маменто и Лесли поля, кай вой фартэ вицыёл. Амэнди най сразу дожыля, кай када насвалимос, савэстар о мануш цыёл и саво называеца фибромиалгия. Амэ лям тэ гиндосарас, кай тэ рисавас андэ Канада. Кала амэн ақардэ пэ школа андо филиало андо Па́терсоно, мэ дажэ на ӷанавас, сможэм амэ тэ ладас интя чи най. Амэ анда вся оди мангасаспэ и потом прилям ришэния тэ ладас. О Иегова подритярдя амэн. Пока мэ сытювавас, и Лесли прожыля и личения, сави лати фартэ трэбуй сас. Прожыля время, и амэ смоӷли упалэ тэ рисавас каринг пэстири обычно жызня.

ИНКЕ ЕК СЮРПРИЗО: ДУРУТНИ НАЗНАЧЕНИЯ

Еқвар вэчэром андо 2008 бэрш, кала амэ самас андэ Эстония, манди позвонисардэ анда ӷлавно управления и пушлэ, готови амэ тэ пэрэладас андо Конго. Мэ лэмпэ шэрэстар, особено через кода, кай атвето трэбуй сас тэ дав ужэ пэ авэр дес. Мэ ришыл тэ на ԥэнав пала када ла Лесляти андэ кодэва жэ вэчэро, важ кода кай ӷанавас, кай вой вся и рят на засовэла. И вижыля кадя, кай вся и рят на совавас мэ. Мэ мангаваспэ и росԥэнавас лэ Иеговасти, васо манди кадя страшно тэ ладав андэ Африка.

Пэ авэр дес мэ росԥэндэм пала вся ла Лесляти. Амэ погиндосардям: «О Иегова амэн ақардя андэ Африка. Катар амэ ӷанас, кай амэндэ нисо на вижала тэ стерас, если амэ инке нэ попробовали?» И акэ, посли кода, сар ужэ прослужысардям андэ Эстония 16 бэрш, амэ лаглям андо Кинша́со. О филиало сас росшукарно. Котэ вся цвитияс и сас мирно и спокойно. И Лесли сразу жэ стодя андэ комната и открытка, сави латэ сас инке андэ Канада. Пэр латэ сас пистромэ кацавэ алава: «Цвитисар котэ, кай тут посадисардэ». Андэ Конго амэ подружысайлям лэ катутнэ ԥралэнца и ԥэянца, и амэндэ появисайлэ бут изучении Библии. И тоди амари мисианерско служэния ля тэ анэн амэнди бари радость. Амэнди ԥэндэ тэ посещяем авэр филиалоря. Блаӷодаря кадэлэсти амэ самас варикай андэ 13 страны андэ Африка. Амэ уӷанглям манушэн анда разни народоря и додиқлям лэнго шукаримос. Мэ полэм, кай вся, состар мэ даравас, сас евья. Амэ самас фартэ блаӷодарни лэ Иеговасти, кай во бишалдя амэн андэ Африка.

Андэ Конго амэнди дэнас тэ зумавас разно хамос, кадяжэ предлаӷали тэ хас и насекоми. Раньшэ мэ дажэ нэ моӷ прецтавить пэсти, кай хава кацаво. Но мэ шутэм сама, кай и ԥрала и ԥэя ханас лэн, и дицолас, кай лэнди сас вкусно. Амэ тожэ ришыли тэ зумавас и амэнди чалеля.

По востоко андэ страна и халавдэ дэнас пэ гава. Амэ лаглям интя, кай тэ подритярас лэ ԥралэн и тэ пэрэдас лэнди вся, со трэбуй. Бут свидетеля жувэнас фартэ чорорэс, но вонэ састэс патянас, кай о Дэл рия лэ манушэн каринг и жызня, фартэ любинас лэ Иеговас и сас предани лэстиря арӷанизацыяти. Амаро ди фартэ лошавэлас, кала амэ диқасас када. Лэнго примеро побудисардя амэн инке еқвар тэ погиндосарас, васо амэ служысарас лэ Иеговасти. Када поможысардя амэнди инке май фартэ тэ патяс. Дэсавэ ԥрала хасардэ и цэра и вся пэско уражаё. Мэ драго диқлэм, сар дэ ӥто о мануш можэт тэ хасарэл вся пэско мищимос и пэскати дэ куч и дружба лэ Иеговаса. Хоть кай и ԥрала сас баро ԥаримос, вонэ ридко жалуинаспэ. Лэнго настроё фартэ придэлас амэнди зор. Амэ полям, сар дэ важно тэ на хасарас и смилость, кала появинпэ трудности лэ зорэса или авэр ԥаримос.

НЭВИ НАЗНАЧЕНИЯ АНДЭ АЗИЯ

Пэ када и сюрпризоря нэ закончились. Амэн поманглэ тэ пэрэладас андо филиало андо Гонконго. Амэ дажэ и прецтавить пэсти нэ моӷли, кай ласа тэ жувас пэ авэр краё ԥув! Но амэ соӷласисайлям, важ кода кай андэ кадэла бэрша най еқвар диқлям лэ Иеговаско састо вас. Андо 2013 бэрш амэ ясвэнца прощялись амарэ кучутнэ друӷонэнца и лэ шукаримаса андэ Африка. Амэ на ӷанасас, со амэн аштярэл май англэ.

Посли Африка о Гонконго здэласпэ, сар авэр планета. Андэ кадэва шумно форо сас бут мануша. И Кантонско шыб сас фартэ найвушэро, но рядом сас любящи ԥрала. Амэнди чалеля о катутно хамос. И бути андо Вефилё ашэля май бут, но и цэмин пэ недвижимость ашэлас май бари. Важ када о Руководящё совето приля и ришэния тэ битинэн бут здании андо филиало. Андо 2015 бэрш амэн бишалдэ андэ Южно Корея, кай амэ идоси служысарас. И корейско шыб тожэ найвушэро. И хоть амэнди инке тэ сытювас и тэ сытювас, и ԥрала и ԥэя хвалин амэн важ и люби успехоря. Амэ лэнди важ када фартэ блаӷодарни.

СОСТИ АМЭ СЫТЕЛЯМ

Тэ виарақэс нэвэ друӷонэн най вся и время вушэро. Но амэ шутям сама, кай если пэрви тэ сыкавас о ӷостеприимство, можно ӥто всаворэнца познакомица. Амэ полям: дажэ кай и совсем разни ԥрала исин бут со общё. О Иегова создал амэн всаворэн удивительно, кай амэ можэм тэ ԥэрнавас пэско ди и тэ полюбисарас бутэ друӷонэн (2 Кор. 6:11).

Амэ полям важ пэстэ, кай лэ манушэнца трэбуй тэ обжаспэ, сар о Иегова, и тэ шас сама пэ лэстири любовь и лэско састо вас андэ пэстири жызня. Кала амэнди сас ԥарэс или кала амэнди здэласпэ, кай авэр най фартэ шон сама амэн, амэ упалэ адиносарасас открытки и письморя амарэ друӷонэндар. Пар пэстэ амэ диқлям, сар о Иегова отвечает пэ амарэ молитвы. Во всегда сыкавэлас амэнди, кай подритярэл амэн и дэлас зор.

Пала кадэла бэрша амэ ла Лесляса полям, кай скати бы дила амэндэ тэ на авелоп, фартэ важно тэ витидас время, кай тэ проандярас ла вмести. Амэ кадяжэ полям, кай фартэ важно тэ поасас корко пэстар, особено, кала сытёс авэр шыб. И кажно вэчэро амэ пристас зор, кай тэ вспомним, пала со амэ можэм тэ ԥэнас лэ Иеговасти наис.

Чаче тэ ԥэнав, мэ и на гиндосаравас, кай варикала лава тэ служысарав сар мисианеро и лава тэ жував андэ авэр страны. Но мэ драго полэм, кай лэ Иеговаса вся возможно. По гиндо авэн и алава, савэ ԥэндя о пророко Иеремия: «Ту хохадян ман, о Иегова» (Иер. 20:7). Чаче, о Иегова стердя важ амэндэ кадя бут лашэ сюрпризоря, подарисардя амэнди кадя бут удивительни подаркоря и дажэ стердя кода, пала со мэ мечтал, тэ путешэствую по самолёто. Кала амэ посещали и филиалоря, амэ облаглям панч континенторя. В децтве мэ дажэ нэ моӷ тэ мечтаю пала када. Савэ бы задании амэнди тэ на диноп, и Лесли всеӷда сас ӷотово тэ подритярэл ман и важ када вой важ мандэ фартэ куч.

Амэ всегда напоминаем пэсти, важ кастэ амэ терас дила и васо амэ када терас. Амари райкани жызня адес када лиш набут, ай англэ амэн аштярэл фартэ бут, кала амэ ласа тэ жувас вечно. Важ кода кай о Иегова полностью ԥэрнавэла пэско вас и исполнит всаворэ жылании амарэ одестири! (Пс. 145:16).