И читателя пушэн

Кала амэ парашаса тэ росԥэнас пала Дэл?

О Иисусо ԥэндя: «Па вся и ԥув авэла росԥэнди и лащи новость пала Царство, кай ла тэ ашунэн всаворэ народоря, и тоди поджала и время кадэла люмати» (Матф. 24:14). Андэ кадэва стихо и андэ стихоря 6 и 13 и дума жал пала кодэя время, кала лэ Сатанастири люма парашэла тэ авэл (Тайна 16:14, 16). Вижал, амэ ласа тэ росԥэнас и лащи новость почти жы каринг о Армагедоно. Када гиндо, саво амэ лям тэ полас май драго.

Май данглал амэ гиндосарасас, кай парашаса тэ росԥэнас и лащи новость, кала залэлапэ и бари бида, — када кала лэна тэ розмарэн о Ашунгло Вавилоно (Тайна 17:3, 5, 15, 16). Амэ гиндосарасас, кай кала залэлапэ и бари бида, кончияпэ о «бэрш, андэ саво о Иегова терэл лашимос» (Ис. 61:2). Инке амэ гиндосарасас, кай и бари бида пэрэжувэна кодэла, ко кандэлас лэ Иеговас инке англа кода, сар вой инке на заляпэ. Амэ сыстосарасас кода, со сас андо 607 бэрш жы кай а. э. Андэ кодэя время о Дэл витидя тэ спасый кати кодэлэ евреёнэн, савэ полэнас лэс и вэрыцынас о найлашымос инке англа кода, сар розмардэ о Иерусалимо (Иез. 5:11; 9:4). Но када на зжалпэ кодэлэса, со ԥэндя о Иисусо андо Матфеё 24:14. Па кадэла алава можно тэ полэс, кай и мануша смоӷут тэ приашундён каринг и лащи новость дажэ ворта англа кода, сар залэлапэ о Армагедоно.

Кала амэ полям, пала со жал и дума андо Матфеё 24:14, амэ лям май драго тэ полас инке и алава анда Свынто тайна 16:21 — котэ ԥэнэнпэ пала новость, сави сыстойпэ лэ барэ ӷрадоса. Амэ май драго розлям кадэла стихоря и полям, кай андэр лэндэ ԥэнэнпэ пала ек новость. Андэ када амэнди поможысардэ лэ Павлостирэ алава. Во пистросардя, кай важ кодэла, «ко трэбуй тэ спасыйпэ», и новость пала Царство авэла сар ла «жызняко запахо». Ай акэ важ лэ Дэвлэстири вороӷоря кадэя новость авэла сар ла «смэртяко запахо» (2 Кр. 2:15, 16). Кацавэ мануша вэрыцын и новость пала Царство, важ кода кай вой висыкавэл о чачимос пала кадэя люма, сави вонэ кадя любин, — пала кода, кай вой найлащи, находийпэ андэ лэ Сатанастирэ вас и ӥто ла на авэла (Иоан. 7:7; 1 Иоан. 2:17; 5:19). Вижал, кай андо Матфеё 24:14 и андэ Свынто тайна 16:21 ԥэнэнпэ, кай и мануша най еқэндар диқэн пэ ек новость.

Можэт, кала лэла тэ жала и бари бида, амэ ласа инке май ворта тэ росԥэнас лэ манушэнди важ о Иегова и андэ кодэя время важ лэстэ уӷанэна инке май бут мануша (Иез. 39:7). Амэндэ можэт тэ авэл кацаво вопросо: «Посли кода сар розмарэна о Ашунгло Вавилоно, авэна кацавэ мануша, савэнди чалёла тэ ашунэн и новость пала Царство и важ савэ вой авэла, сар ядин?» Наверно, да. Можэт, лэнди авэла по гиндо или вонэ пэрво разо уӷанэна, кай лэ Иеговастирэ свидетеля ужэ бут бэрша росԥэнэнас, кай и хохавнэ веры будэр на авэна.

Погиндосарам, со сас андо дэлмутно Египто. О Иегова бишалдя дэш биды пэ мануша, савэ котэ жувэнас. Кадя во стердя о «сындо пэ всаворэ дэвла андо Египто». Посли када лэ израильтянонэнца жылэ бут «мануша анда разни народоря» (Исх. 12:12, 37, 38). Можэт, вонэ прилинэ кацави решэния, важ кода кай диқлэ, кай вся ашэля кадя, сар ԥэндясас о Моисеё.

Наверно, варисо кацаво лэла тэ терэлпэ посли кода, сар розмарэна о Ашунгло Вавилоно, и англа кода, сар залэлапэ о Армагедоно. Англа кода сар тэ залэлпэ о Армагедоно, и помазаникоря, савэ ашэлэпэ пэ ԥув, жана по небо. Но пока вонэ авэна пэ ԥув, кай кодэла, ко андэ кадэя время тердёла пэ лэ Иеговастири риг, авэла возможность тэ стерэн важ и помазаникоря варисаво лашымос (Матф. 25:34—36, 40). Имено через када, кала лэла тэ жал о сындо, о Иисусо сможэт тэ ԥэнэн пэ кацавэ мануша «бакрорэ».

Кала амэ лям тэ полас кадэла гиндоря май драго, амэ инке еқвар полям, саво о Иегова дэ одяло и сар дэ фартэ во любий. Да, «во на камэл, кай варико тэ хасарэл и жызня, во камэл, кай всаворэ тэ каинпэ» (2 Пёт. 3:9).