Psalmii

37 Încă țâra timpo hai codola nasul ci va mai avena, va avela te diches caring o than cai sas-le hai ci va mai avena. 2 Von va nachena sigo sar i ciar, va șuchiona sigo sar i ciar nevi hai zeleno. 3 Pachia-tu ando Iehova hai cher o miștimos, beș pi phuv hai phirav tut fidelo. 4 O Iehova te avel chi mai bari bucuria hai vo va dela-tu so manghel chio ilo. 5 Mech andel vasta le Iehovasche chi rig, pachia-tu ande leste, hai vo va cherela buchi ande chio miștimos. 6 Vo va cherela te strălucil chio ortomos sar i teharin hai chi cris, sar o cham ando mașcar le ghiesesco. 7 Na phen chanci angla o Iehova hai ajucăr-les pherdo răbdarea. Na astar tut holiatar anda o manuș savesche înclen sea le buchia nasul cai șiutea-len pesche andi goghi. 8 Mech i holi hai duriar-la tutar; na holiar-tu caște na arăsăs te cheres so si nasul. 9 Anda codoia că codola cai cheren nasul va avena nimicime, tha codola cai sperin ando Iehova va traina pi phuv. 10 Încă țâra timpo hai codola nasul ci va mai avena, va dicheia caring o than cai sas-le hai ci va mai avena. 11 Tha codola umili va traina pi phuv hai va bucurina-pe catar iech bari pacea. 22 I phuv va avela codolenghi cai sile binecuvântime lestar, tha codola cai sile dine armaia lestar va avena mudarde. 28 Anda codoia că o Iehova iubil o ortomos hai ci va mechela codolen loialo lesche. Von va avena sea o timpo ferime tha le șiave codolenghe nasul va avena mudarde. 29 Codola orta va moștenina i phuv hai va traina pe late anda sea o timpo. 34 Sperisar ando Iehova, încăr leschi rig hai vo va vazdela-tu caște les andi stăpânirea i phuv. Va dicheia cana le nasul va avena nimicime.