Sar diches o viitorii?

SO PHENEL I BIBLIA

„O Del . . . va chosela sea asfa anda lenghe iacha hai o merimos ci va mai avela. Nici roimos, nici necazo hai nici duch ci va mai avena. Sea-l buchia cai sas mai anglal nachle”. (Revelația 21:3, 4, Traducerea lumii noi)

SAR AJUTIL-TU TE JIANES CADAIA:

Va avela amenghe drago te cheras buchi hai va avela amen sea so trebul amen (Isaia 65:21–23)

Ci va mai avena nasfalimata hai ducha (Isaia 25:8; 33:24)

Viața veșnico hai fericime, pașa chi familia hai che amala (Psalmo 37:11, 29)

DAȘTIS TE PACHIAS ANDI BIBLIA?

Da, si but motivea, acana phenas dui:

• O Del daștil te cherel so phendea. I Biblia phenel că numai O Iehova Del si „Atotputernico”, pentru că vo si o mai zuralo (Revelația 15:3). Anda codoia vo daștil te cherel so phendea, te paruvel i situația nasul andai lumea. Pala sar phenel i Biblia „le Devlesche sea si posibilo”. (Matei 19:26).

• O Del camel te cherel sea so phendea. I Biblia phenel că le Iehovasche ‘si lesche doro’ te jiuvindil le manușen cai mule. (Iov 14:14, 15).

  O Cuvânto le Devlesco mai phenel că o Isus, le Devlesco șiavo, cărdea mișto le nasfalen. Sostar cărdea mișto le nasfalen? Pentru că vo camlea. (Marcu 1:40, 41). Ajutindo-i le manușen hai cherindo-i miștimata vo sicadea că ameal perfecto pesche Dadesa (Ioan 14:9).

  Anda codoia, sam siguro că o Iehova hai o Isus camen te ajutin amen te avel amen iech viitorii fericime! (Psalmii 72:12–14; 145:16; 2 Petru 3:9)