So si o Thagarimos le Devlesco?

SO PHENEL I BIBLIA:

„O Del le cerurengo va vazdela iech thagarimos cai ci va avela distrugime.” (Daniel 2:44, Cornilescu, 1996, limba română)

„Iech Șiav sas amenghe dino hai o raimos va avela pe Lesco dumo.” (Isaia 9:6)

SAR AJUTIL-TU TE JIANES CADAIA:

• Va avela iech raimos cerisco ciacio cai va anela tuche miștimata. (Isaia 48:17, 18)

• Va avela-tu iech viața fericime hai iech sastimos perfecto ande iech lumea nevi cai va avela pa țâra timpo. (Apocalipsa 21:3, 4)

DAȘTIS TE PACHIAS ANDI BIBLIA?

Da, si but motivea, acana phenas dui:

• O Isus sicadea so va cherela o Thagarimos le Devlesco. O Isus sicadea pesche discipolen te rughin-pe caște avel o Thagarimos le Devlesco hai ca i voia le Devleschi te cărdiol-pe pi phuv (Matei 6:9, 10). O Isus sicadea sar va pherela-pe cadai rugăciunea.

  Cana sas pi phuv, o Isus dea te han le bochalen, cărdea mișto le nasfalen hai jiuvindisardea le mulen. (Matei 15:29-38; Ioan 11:38-44). O Isus, sar viitorii Rai le Thagarimasco le Devlesco, sicadea so va avela te cherel cado Thagarimos anda pesche supuși. (Apocalipsa 11:15).

• I situația anda i lumea sicavel claro că o Thagarimos le Devlesco va avela na pa but timpo. O Isus profețisardea că ji ca o Thagarimos te anel i pacea pi phuv, le manuș pa-i phuv va avena dine dab catar le războaia, catar i boch hai catar le izdraimata la phuveache. (Matei 24:3, 7).

  Cadal buchia întâmplon-pe aghies. Cadea că, daisaras te avas siguro că o Thagarimos le Devlesco va șiola șăro na pa but timpo sea-l duchenghe.