Va șiola-pe șăro vroiechdata la suferințache?

SO PHENEL I BIBLIA:

„O Del . . . va chosela sea asfa anda lenghe iacha hai o merimos ci va mai avela. Ci va mai avela ci roimos, ci țâpimos, nici duch.” (Apocalipsa 21:3, 4, Cornilescu, 1996, limba română)

SAR AJUTIL-TU TE JIANES CADAIA:

Jianas siguro că na o Del anel amenghe le necazuri. (Iacov 1:13)

Anel amenghe mangâierea te jianas că o Del hachiarel so si ande amaro ilo cana sam duchade. (Zaharia 2:8)

Same i speranța că va șiola-pe șăro la suferințache. (Psalmo 37:9-11)

DAȘTIS TE PACHIAS ANDI BIBLIA?

Da, si but motivea, acana phenas dui:

• O Del urâl i suferința hai o neciacimos. Gândisar-tu so simțosardea o Iehova Del cana lesche poporoia andal timpuri biblico aver phirade-pe nasulimaia. Andi Biblia phenel-pe că o Del sas duchado datorime codolenghe cai cărde phari i viața lesche poporosche. (Judecători 2:18).

  O Del silo holiardo but datorime colenghe cai cheren nasul averenghe. Sar exemplo, i Biblia phenel că lesche iacha ci suportin „le vasta cai șioren rat nedoșalo”. (Proverbe 6:16, 17).

• O Del interesil-pe fiesavestar anda amende. Na numai fiesavo manuș „jianel peschi rana hai duch”, tha vi o Iehova jiane-le! (2 Cronici 6:29, 30)

  Pa țâra timpo prin pesco Thagarimos, o Iehova va șiola șăro la suferințache fiesave manușeschi. (Matei 6:9, 10). Ji atunci, vo de-le iubireaia mângâierea codolen cai roden-les ciace ileia. (Fapte 17:27; 2 Corinteni 1:3, 4).