Sar te așias zurale cana nachas prin iech neortomos?

Citisar Geneza 37:23-28; 39:17-23 caște diches sar așilea zuralo o Iosif cana nachlea prin iech neortomos.

Dich so întâmplosardea-pe angla hai pala codoia. Sostar phirade-pe le coaver neorta le Iosifosa? (Gen. 37:3-11; 39:1, 6-10) Chichi timpo trebuisardea vo te nachel prin o neortomos? (Gen. 37:2; 41:46) Ande sa cado timpo, so cărdea hai so ci cărdea o Iehova anda o Iosif? (Gen. 39:2, 21; w23.01 17 ¶13)

Rode te prinjianes mai but. I Biblia ci phenel că o Iosif vazdea-pe te sicavel că nai-lo doșalo cana așundea le hohaimata cai phendea-len i rromni le Potifaroschi. Sar daștin le versetea cai aven te ajutin amen te hachiaras sostar daștil-pe că o Iosif încărdea pesco mui hai sostar ci trebul te ajucăras amen ca i Biblia te sicavel sea le buchia anda cadai relatarea? (Prov. 20:2; Ioan 21:25; Fap. 21:37) So calități daștil-pe că ajutisarde le Iosifos te așel zuralo cana nachlea prin o neortomos? (Mica 7:7; Luca 14:11; Iac. 1:2, 3)

Arach le sicaimata. Șiu tuche le pușimata:

• „Ca so phiraimos neorta daștiv te ajucărav man le manușendar anda codoia că som discipolo le Isusosco?” (Luca 21:12, 16, 17; Evr. 10:33, 34)

• „So daștiv te cherav acana caște ajutil man te așiav zuralo cana nachav prin o neortomos?” (Ps. 62:7, 8; 105:17-19; w19.07 2-7)