Sostar si vi mai dur războio hai marimata
I Biblia sicavel sostar si războaia hai marimata hai sostar încăren cadea de but cadal buchia nasul.
O PĂCATO
O Del cărdea amare anglune daden, o Adam hai i Eva, pala pesco chipo. (Geneza 1:27) Cadea că von daștinas te sicaven cadea sar o Del, calități sar avelas i pacea hai i iubirea. (1 Corinteni 14:33; 1 Ioan 4:8) Cu sea cadala, o Adam hai i Eva ci așunde le Devlestar hai păcătuisarde. Cadea că, von dine mai dur savorenghe mașcar amende o păcato hai o merimos. (Romani 5:12) O păcato cai si ande amende daștil te cherel te aven ande amari goghi gânduri nasul cai îngăren co marimos.(Geneza 6:5; Marcu 7:21, 22)
LE GUVERNEA LE MANUȘENGHE
O Del ci cărdea amen caște daisaras te conducisaras amen corcore. I Biblia phenel: „Ci daștil o manuș cai phirel ci barem te ortol pesche pași.” (Ieremia 10:23) Anda codoia le guvernea le manușenghe ci daștin te chosen cu sea o războio hai le marimata.
O SATAN HAI LESCHE BENGA
I Biblia phenel că „sea i lumea pașiol ando zuralimos le nasulesco”. (1 Ioan 5:19) Codo „nasul” si o Beng hai vo camel te mudarel savoren. (Ioan 8:44) Vo ande iech than pesche benghența nasul si codola cai cheren le manușen te astaren o războio hai le marimata.(Revelația 12:9, 12)
Amen ci daisaras te duriaras le buchia cai astaren o războio hai o marimos, tha o Del daștil.