Yakul ku yipul yen

◼ Ov chiwapidil kubul nkash chisu chijikishinau kuchirik kwa muntu wopatau?

Mu kuwap kwend kwa muchim, Yehova Nzamb ulejen mu Baibel mutapu ukutwishau akayitil akarumukina kwitapil kand kwitiyik kwend ni kuchirik mu chikumangen cha Ukristu. (Kus. 51:​12, 17) Anch chinech chashiken, atukasikeshin kumekesh rukat retu kud antu mud inay akarumukina nich muchim utok.​—⁠2 Kor. 2:​6-8.

Chikalap nchik mwamu, tukweting musangar anch mwanamakwetu ap muntu utwija wopatau wachirik, pakwez papaninau chijikish cha kuchirik kwa muntu wopatau chifanyidin kwikal ni mwikadil wa kalimish pa chisu chinech. Pa chinech, Tour de Garde wa Mwinkind 1, 1998, paj 17, ulondil anch: “Tuvurikany anch avud mu chikumangen kijap kwau yashikijina ku kumwopat muntu ap ku kumuchirish. Chikwau kand, kukutwish kwikal antu amwing asalay nayimp ap kusulish michim​—⁠chitwishikin mu chirung chimwing chilemp​—⁠ nich chitil chasalay muntu ukarumukina. Chawiy lel, pa kuman yom mud yiney, anch ijikish kuchirik kwa muntu, chiwapidil kulam ulong wetu wa kumujikitish pa chisu tukutwisha kuyisal kwa ayinetu.”

Ap anch tukwet musangar nakash wa kuman anch muntu wachirikin kal ku uyakin, kubul nkash pa chisu chijikishinau kuchirik kwend mu chikumangen chikwikalap chiwapidila.