Program Wa Yikumangan Ya Mudimu

Rubing ra Ndol 8

Muminy 39

Min 13: Yijikish. Yijikish yifanyidina ya Mudimu Wetu wa Want. Nich kusadil yiyul yidia pa paj 8, salany yakumenaku yaad yiswimp piur pa mutapu wa kupan magazet, chimwing chisadidilau Tour de Garde wa Ndol 15 ni chikwau chisadidilau Réveillez-vous! wa Ndol 22. Mu chimwing ni chimwing, lejanany mutapu kushalijan wa kupandikan chikangesh misamb “Nikwet relijon wam.”​—⁠Tal buku Comment raisonner, paj 18-19.

Min 12: Maswir ma chikumangen.

Min 20: “Tuyisadilany Antu Awonsu Nawamp.”* Kupwa kwa misamb ya yipul ni yakul, mwipula mwin kulejan umwing ap aad kulejan mutapu ukatau kujimbish mudimu wau.

Muminy 157 ni dilembil dia nsudiel.

Rubing ra Ndol 15

Muminy 101

Min 10: Yijikish. Rapor wa chipau.

Min 15: Ayibol Adandamedin Kuyikwash Akwau. Kalam’a mudimu utakedil misamb pamwing ni ntakel wa Dilejan dia Buku dia Chikumangen, chibol umwing, ni mwin kulejan umwing. Kalam’a mudimu uchirikidin program wa Ayibol Ayikwashin Akwau mud kamu mudiay mu Mudimu Wetu wa Want wa Mwinses 1998, paj 4. Kupwa ukwisambin pamwing ni muntu ni muntu piur pa mudimu wend mu program winou ni mutapu ukata kukwash kushiken kwa rutong ra ditenchik dined. Ov chom ik twasadila chakwel program winou ikala utwishikina? Kalam’a mudimu uyitin in kulejan awonsu kumwijikish anch asotin kutambul ukwash mu mudimu. Antu atambwila kal ukwash winou akutwish kwiwejinaku kand anch asotin kutambul ukwash mu mulad ukwau wa mudimu.

Min 20: “Misangar ya Mudimu wa Chisu Chawonsu.”* Yikasikeshany ansand kusal mudimu wa uchibol nkwash mu chirung chikwetau konje.

Muminy 199 ni dilembil dia nsudiel.

Rubing ra Ndol 22

Muminy 90

Min 10: Yijikish. Nich kusadil yiyul yidia pa paj 8, nkwash’a midimu umwing amekesha mutapu wa kupan Tour de Garde wa Ndol-Mem 1 ni nambaz umwing alejena mutapu wa kupan Réveillez-vous! wa Ndol-Mem 8. Kupwa kwa chakumenaku chimwing ni chimwing, chirikin rutung rimwing ap jaad ja kusambish chakwel kuvuvurish kusanger kwa mwin chikumbu.

Min 15: Tushikany Kurutu kwa Chisu! Diskur. Mijikit yambatena nich difukwil dietu ni mudimu wetu yidi yom ya usey ukash, yitining ‘chisu chifanyina.’ (Mul. 3:⁠1) Tusotin kutaninamu ukwash ufanyidina udiokila ku yitenchik ya mudimu tumusadidina Nzamb. Yikumangan ya chikumangen ni yikumangan ya mudimu yifanyidin kusambish kamu pa yisu yitondinau. Yehova kakatap kulab mu kuwanyish mijikit yend. (Aba. 2:​3, NW) Ov tuswiridin kurijek ku mutambu winou? Yisu yimwing, chitwishikin anch antu achelewa. Pakwez nich kwirijek kumwing kuwamp, tufanyidinap kwikal ni chaku cha kwezang chisu chin chawonsu kwinyim, kushik kupwa kwa muminy wa kwinsambishil ni dilembil dia chikumangan ap kwisudiel kwa chikumangan cha mudimu wa chingand. Isambina mitapu yifanyidina kukudish chaku chiwamp chikeza kututwishish kushik kurutu kwa chisu ku mijikit yetu yawonsu ya muspiritu.​—⁠Tal Tour de Garde wa Kalol 15, 1990, paj 29.

Min 20: “Ov Ukat Kwiyijidish Amwiney Kutang ni Kufund?”* Akuchipan kud mukurump. Kupwa kwa misamb ya yipul ni yakul, mwipula mwin kulejan umwing ap aad atambula ukwash wa kwilej kutang ni kufund kusutin ku tulas twa kutang ni kufund kulejan musangar ni kujikitish kwau mulong wa yitenchik yiney. Mukadivar utakedila chikunku chinech ukez kusadil manans mamwing madia mu mukand ku chisak cha amakurump wa Kasan 1, 2002. Lejan yitenchik yisadilau mu chikumangen mulong wa tulas twa kutang ni kufund. Anch kwikil kuswir kwa kalas ka kwilej kutang ni kufund, rumburil kuswir kwa kurijek nawamp rudim risadidinau mulong wa yikumangan chakwel kutambul ukwash wa mafundish kusutil ku kutang mikand yitukweta: ‘Ipana Amwiney ku Kutang pakach pa Antu’​—⁠1 Tim. 4:13. Tal sg p. 29.

Muminy 191 ni dilembil dia nsudiel.

Rubing ra Ndol 29

Muminy 162

Min 10: Yijikish. Yivurisha in kulejan kutul rapor wau wa mudimu wa Ndol.

Min 15: “Kulejan kwa Want Kukwashin Kupandish Miom!”* Yita in kukumangan kurumburil mutapu wambatena mifund yipaninau ni mutu wa mulong.

Min 20: Mutapu wa Kusal Yikimbijol Nich Ukwash wa Buku Comment raisonner. Misamb ni in kutesh. Akat kutwipulang yisu yivud mu mudimu wa kulejan yipul piur pa mitu ya mulong kanang yakad kwikal mwishin mwa “Mitu ya Milong Yijim” (paj 5) yidia mu buku Comment raisonner. “Index” (paj 439-445) udi wa ukwash uvud chakwel kutan Mifund yikwashina kuchidij yitiyij yetu. Yita in kutesh kukimb pamwing yakul ku yipul yilondwilaku nich kukimbijol mu index mwishin mwa dizu ni dizu dikweta mamuny malalela: Ov yisu yitongijok ya Ukristu pantaliken nich miminy ya ngand ni nvel? Ov mulong wak ulikidinay Nzamb mar? Ov mutapu ik ukutwisha kurumburil chitongijok cha Baibel piur pa kujip kwa uruu? Ov mulong wak ni chisu ik chifanyidinau anambaz kudjal chitambal? Ov wisu musul wa Musambu wa Amaku? Ov mutapu ik twija anch 144 000 udi uvud wa kuchind kwa kashinsh mu Baibel? Ov chishimu cha mpich ni Lazar chirumburikin ik? Yikasikesha antu awonsu kusadil buku Comment raisonner mu mudimu wa kulejan.

Muminy 28 ni dilembil dia nsudiel.

Rubing ra Ndol-Mem 6

Muminy 141

Min 10: Yijikish. Isambina mutu wa mulong “Tudandamenany Kutambul Ukwash Udiokila ku Tour de Garde ni Réveillez-vous!”

Min 10: Twitenchikany Kurutu kwa Chirung cha Konje. Diskur ni misamb pamwing ni in kutesh. Lejan mijikit yikatau kutenchik chisu ni chisu mulong wa chirung cha konje: kukumangan ku chikunguril chawonsu cha distrik, kusal mudimu wa uchibol nkwash ngond umwing ap angond avud, kusal midimu ku chikumbu, ni pamwing ap kusanger mutapu kanang wa kwiswedish. Yita in kulejan amwing kurumburil yitongidinau kusal ni mutapu ukusalau chakwel kangal adiburil dilejan diau dia dijuku, yikumangan ya chikumangen, ni mudimu wa chingand, ap anch ayil ndond yindjing. Anch chikumangen chikwet teritwar mukatau kusadinau pa chipatu, ijikish yitenchik yakwatinau chakwel kumwendil mwawonsu. Yivurisha in kulejan awonsu kushinshikin nawamp kupan rapor wau wa mudimu wa chingand kud ntakel wa Dilejan dia Buku dia Chikumangen, ikalap ap anch adi mu mweny.

Min 25: “Majuku Makweta Ukash wa Muspiritu​—⁠Ov Mutapu Ik?”* Kupwa kwa kwambambin mutu wa mulong winou, shimunin uman kanang ufanyidina udia mu Tour de Garde wa Kasan 15, 1999, paj 10-12.

Muminy 17 ni dilembil dia nsudiel.

* Mazu mey ma kusambish kangal masut minit umwing ni kupwa shinshikin misamb ni yipul ni yakul.