Kupan Mikand mu Teritwar Mulondilau Jindim Kushalijan
1. Ov mulong wak yikumangen yivud yiswiridin mikand mu jindim ja wingendj?
1 Mu jindond jivud, teritwar wasambish kal kwiwejin antu adiokila mwi ngand jikwau ap mu ma provens makwau. Avud pakach pau akat kwilej uyakin swa ni kutesh nawamp nakash anch akat kuyilej mu rudim rau ra chivadik. Ov yirijek ik yidiaku chakwel kuyikwash antu asangaredina nich mikand ya pa dishin dia Baibel ya mu rudim riteshinau nawamp nakash?
2. Ov kwovijan ik kuswiridikina anch chikumangen chimwing ap yaad yilondina jindim kushalijan yisadidil mu teritwar umwing?
2 Chisu cha Kupan Mikand: Anch chikumangen chimwing ap yivud mukatau kulond jindim kushalijan yisadidil mu teritwar umwing, yisak ya amakurump a yikumangen yiney yikez kusadil pamwing ni atulam’a mudimu mu kutek yitenchik yitiyikina ku chikumangen ni chikumangen chakwel chisak cha rudim ni rudim chipana uman mu mutapu ujim. Chisu chilejenau ku chikumbu ni chikumbu, in kulejan kawapidilap kupan mikand mu rudim ra yikumangen yikwau. Pakwez chisu, chipaninau in kulejan uman wa kukashimwish ap mu jindond ja antu awonsu, akutwish kupan mikand mu jindim ja antu awonsu.
3. Chisu ik chiswiridina chikumangen kulam mwinkil mikand ya mu jindim ja wingendj?
3 Chisu cha Kwikal Nich Mikand Mwin Nkil: Ov chom ik chitwishikina kusal anch kudi uvud ufanyidina wa antu alondila rudim ra wingendj mu teritwar pakwez mwakad chikumangen chilondina rudim riner? Mwishin mwa mikadil yiney, yikumangen yikutwish kulam mwi nkil mikand yikemp yidiaku mu rudim riner, mud matrakt, mabroshir Nzamb Witin ni mabroshir Ukutwish Kwikal Murund Nend Nzamb, ni buku Ronganyin. In kulejan akutwish kupan mikand yiney ndond yin yawonsu yisankenau antu akutwisha kulond rudim riner.
4. Ov mutapu ik utwishikina kutambul mikand mu rudim kanang yakad kwikal mwin nkil ya chikumangen?
4 Mutapu wa Kwit Mikand: Anch chikumangen chikwetap mwi nkil mikand mu rudim rikatau kutang kud muntu usangaredina, ov mutapu ik ukutwishau kutambul mikand mu rudim riner? Mwin kulejan ufanyidin kushinshikin pamwing nend nkwash’a mudimu ulamining mikand chakwel kwijik mikand yidiaku mu rudim riner chakwel kutwish kwit mikand yiswiridikina pamwing nich komand wa chikumangen ukweza.
5. Ov chom ik chitwishikina kusal anch kudi kuswir kwa mikand kurutu kwa kutambul komand wa mikand wa kurutu?
5 Anch chitin kuswapesh, mwin kulejan ukutwish kwit kud chid cha Komite wa Mudimu wa Chikumangen anch akutwish kwizwish komand kurutu kwa program wa komand wa mikand wa kurutu wa chikumangen. Anch itiy chinech, mwin kutakel mikand wa yikumangen ap muntu umwing utondinay amwinend ukutwish kusal komand kusutil kufundin biro wa mutiy. Mikand akuyipan mu adres wa chikumangen chikatau kupanin chisu ni chisu ap mu adres upaninau mulong kusu wa chisu chikemp, anch chiswiridikin.
6. Ov risu rutong retu mu kwikal nich mikand ya Ukristu?
6 Tusadilany amboku nawamp mikand ya Ukristu chakwel kuyikwash “antu amitapu yawonsu,” chikalap nchik rudim rau, ‘kwijik uyakin ni kupand.’—1 Tim. 2:3, 4.
[Caption on page 1]
[Study Questions]