Mudimu wa Usey Nakash
1. Ma usu ik makeza kutuletin musangar ujim chakwel tuya kurutu mu mudimu wa kulejan?
1 Mulong wak atukasikeshining chisu chawonsu chakwel tupana chisu chetu, usu wetu, ni mapit metu mu mudimu wa kulejan? Kwikil mudimu ukweta usey ujim mudi winou! Kutongijokin pa yom ya usey ujim kukutwish kukasikesh maswir metu chakwel twipana mu mudimu winou pakad kuchirik kwinyim.—Mid. 20:24.
2. Ov, mutapu ik malejan metu makwashina chakwel tutumbisha dijin dijim dia Yehova?
2 Utumbishin Dijin dia Yehova: Mudimu wa kulejan ukasikeshin anch Want wa Yehova kusutil kudiay Kristu Yesu ukez kuswingakan maguvernema mawonsu ma antu ni kupwish yikokujol yawonsu ya mu mangand. (Mat. 6:9, 10) Amutumbishin Yehova mudi muntu umwing kusu ukupwisha mayej ni rufu. (Isay 25:8; 33:24) Chawiy pitukata kulejan dijin diend, antu akwau akat kutal mwikadil wetu uwamp ni mushiku wetu yikutwisha kumutumbish. (1 Pita 2:12) Musangar mudi ik tukweta chakwel twijikish pa divu diawonsu dijin dia Nsalejetu Mujim Yehova!—Kus. 83:18.
3. Yiyukish ik yitambwilinga antu itiyijininga ni musangar rusangu ra Want?
3 Upandishin Mwom: Yehova “kasotilap muntu ap umwing kusheshik, pakwez usotil antu awonsu kukarumuk kudiokal ku yitil yau.” (2 Pita 3:9, Manswik Masu) Chikwau kand, kwikil muntu windjing ukutwisha kuyifundish, ov, mutapu ik antu ukutwishau kwilej mutapu Yehova ushinshikidiningay chakwel twikal ni mwikadil uwamp ap uyimp? (Yohanan 4:11; Rom 10:13-15) Pa chisu chikata antu kwitiyij rusangu ruwamp, mwikadil wa mwom yau uyikwashining chakwel alika ni chirungil yisal yau yiyimp. (Mike 4:1-4) Chikwau kand, atanining musangar uvud wa richingej ra mwom wa chikupu. Mudimu wetu wa kufundish ni kulejan ukupandish antu atuteshininga. (1 Tim. 4:16) Mudimu upandakena kalimish mudi ik mu mudimu winou upandakena usey!
4. Mulong wak tufanyidina kwipan mu mudimu wa kulejan Want ni mu mudimu wa kwikadish in kwilej?
4 Piswimp ap mar majim makez kulet nsudiel mu mangand minam makad kutentam. Antu akata kumwifukwil Yehova akez kupand. Chawiy, kulejan ni kwikadish in kwilej kudi maswir majim, ma usey, ni kutaninamu mu mudimu ukweta ndond nlel winou. El tumwinkishany ndond yijim ya usey mu mwom wetu!—Mat. 6:33.