Les Témoins de Jéhovah — la foi en action, 2e partie : que brille la lumière !

Kupwa kwa kumudiosh Mukadivar Rutherford ni arund nend mu rukan mu muvu wa 1919, in Kwilej a Bibil ading ni mudimu ujim wadinga uyichingedina kurutu. Mudi mulejenau mu video Les Témoins de Jéhovah — la foi en action, 2e partie : que brille la lumière ! in Kwilej a Bibil ela kwikal ni in rupompat avud, chovu chau cha Mifund chela kudandamen kujimb ni ritiy rau rela kukul. (Jinsw. 4:18; Mal. 3:1-3; Yoh. 15:20) Kupwa kwa kutal video winou, ov, ukutwish kwakul ku yipul yiney?

(1) Ov, milad ik yasadinau in Kwilej a Bibil chakwel apalangesha rusangu ruwamp? (2) Ov, chom ik chijikishau ku yitentam ya pakampwil ya mu mivu 1931 ni 1935? (3) Ov, rusangu ik ra usey risambinau mu nimero wa Chinong cha Kalam cha pa Kalang 1, 1939, mu Inglish? (4) Rumburil yom yashikena ku Madison Square Garden chisu chasalay Mukadivar Rutherford diskur diadinga ni mutu wa mulong ulondina anch: “Gouvernement et paix.” (5) Ov, mulong wak diskur diasalay Mukadivar Knorr diadinga ni mutu wa mulong ulondin anch: “La paix de demain—sera-t-elle de longue durée ?” diading nich musangar wa pakampwil? (6) Mu muvu wa 1942, ov, yitenchik ik yatenchikau kudi Atuman a Yehova mulong wa kutanduril mudimu wau wa kulejan? (7) Rumburil yijil yimwing yijim yashikena mu kurishish mu États-Unis, mu Canada, ni mu Grèce. (8) Ov, chibachikin ik cha usu chadinga nich Gilead mu kuya kurutu kwa mudimu wa kulejan? (9) Ov, mudimu ik wa usey wasambisha mu muvu wa 1946, ni mulong wak? (10) Ov, jinzau ik jasalau Atuman a Yehova chakwel ashinshikina kamu mwikadil wau wikala wambatana nich yany ya Bibil? (11) Rumburil pa yitenchik yimwing yatenchikau mu muvu wa 1970, mulong wa kushinshikin kamu anch dirijek dilondwil umutakel wa mu Bibil? (12) Ov, mutapu ik video winou ukukwashina kusanger anch Yehova ukat kutakel kamu mu dirijek ni dirijek dined didi diend? (13) Ov, mutapu ik video winou wakasikesha kal mupak wey wa kudandamen kulejan nich mushiku chikalap nchik yikokujol? (14) Ov, mutapu ik tukutwisha kusadin video winou chakwel tuyikwasha anamakwetu a kumujimbu, in Kwilej netu Bibil, ni antu akwau?

Dichuku din diawonsu disutininga kuding shapitre musu wa rusangu riwejidiningaku ku rusangu ra Atuman a Yehova. Ov, yom ik yafundau yisambina piur pa usu wetu wa mudimu wa kulejan? Mudi mwasalau akadivar netu a pasak, el amboku mushiku wetu udandamena “kumunyik”!—2 Kor. 4:6.