Ov, Ufanyidin Kwimik?

Pipaniningau mu mudimu wa chingand, in kulejan amwing akwetining chaku cha kwimikaku pa chisu chimwing, pamwing ap pa saa wa midi. Chakin kamu, mashakamin ma in kulejan amwing mitining anch imika mudimu wau wa chingand pa chisu kanang. Ov, wimikining mudimu wey wa kulejan mulong kusu in kulejan akwau adia mu chisak asadin mwamu ap mulong chiding chaku cha mu mwab wen cha kwimikang pa chisu kanang? Ov, ukutwish kutanduril mudimu wey wa kulejan mu kachisu kakemp ni kwipan mu mitapu yimwing ya kupan uman wa patok, mudi uman wa mu mikombil? Ov, ukutwishap kuyichirikin antu kwol kwau ap tupamp twaad? Tongin bil pa yom yiwamp mud ik yiukeza kuwanyish anch watan kand kusu muntu umwing ku chikumbu usangaredina ap anch wapanin umwing kusu wa magazet kudi antu asutina mu balibal! Anch tukutwishap kwimik, kudandamen kachisu kakemp udi mutapu uwamp wa kujimbish ‘yakupesh yetu ya kushiman.’​—Heb. 13:15.