Tukudishany Ukaliweny Wetu mu Mudimu wa Kulejan—Kusutil ku Kupan Uman ku Telefon wa mu Chikumbu

Chidia cha Usey: Kupan uman ku telefon wa mu chikumbu kukutwish kwikal kwakamishina. Ov, mutapu ik tukutwisha kwipuk kulikidil chikangesh chinech chakwel chiziyisha mushiku wetu wa kusal yom yiwamp? Ijik anch kupan uman kusutil ku telefon wa mu chikumbu kukutwish kwikal mulad umwing kusu wa kuyilej antu amwing rusangu ruwamp. (Rom 10:14) Yom yamanau yimekeshin anch chitwishikin kupan uman usongina mabuj mwi njil yiney. (Tal Annuaire 2011, p. 65-66 ni Annuaire wa 2000, p. 54, par. 3.) Tushinshikinany yiyul ya kusadil yilondwilaku ey.

Mutapu wa Kusal:

Irijeka mu wiswimp mutapu ukulond ni fund mazu minam chakwel ukutwish kumutanginam mwin chikumbu kapamp kamwing kusutil ku telefon wa mu chikumbu. Kusal mwamu kukutwish kwakukwash ulonda nich kashinsh. Kwisambishin kwa mambamb, lejan rutong rey ra kumuchirikin muntu. Mujimbula mwin chikumbu pa dijin diend anch adimekeshin pa list wa majin ma antu. Pwish kusutil ku kupan trakt ap gazet ulejena jinsangu jivud.
Lam chitongijok chiwamp. Mwemwetaku ni lond nend mes ni mes.
Itudisha ni sambish minsamb. Lond yom patok nich dizu diovikena. Ipuk kupim kwa chamwamu ap kangal kulond mau-mau.
Sadil chitongijok chiwamp. Mu jindond jikweta yikumbu ya piur, mukutwish kwikal ma telefon mavud ma mu chikumbu. Pamwing ap ukutwish kubul kusu rumpwambu tupamp tusatu, ikala nich kashinsh anch wafungin telefon kurutu uya. In chikumbu akutwish kwov wom anch twashala chisu chilemp mu kutazuk ku telefon.

Pakish Kusal Mwamu pa Ngond:

Pa chisu cha urel wa difukwil dia mu dijuku ijidishany umwing ni mukwau mu kusadil yikunku yiney.