Tukudishany Ukaliweny Wetu Mu Mudimu Wa Kulejan

MULONG WAK CHIDI CHA USEY: Kupan uman kusutil telefon udi mulad umwing wa usey utukwashina “kurumburil rusangu ruwamp.” (Mid 20:24)a Mulad winou wa kulejan ukat kutukwash kupan uman kudi muntu anch tukwetap mutapu wa kumanijan nend.

MUTAPU WA KUSADIN:

• 

  Irijeka. Tond mutu wa mulong ukwatijadina ni mashakamin ma antu. Kupwa fund yom ukulonda. Kupwa, rijek mazu miswimp ukulonda mulong wa kumulej muntu yom umutazukidina anch wakwakul. Chidi cha usey kushakam ku tebur nich yom wafundang, ni yom yikwau kand ukwikala nich kuswir, mudi telefon wey ukweta JW Library^® ap jw.org^® wakufungul

• 

  Lond nich musangar. Lond mutapu ulondining machuku mawonsu. Sip ni sal majest mudi muntu wambambina nend ukumen. Ipuk kukaturok nakash. Kusal pamwing nau antu akwau kudi kwa ukwash. Anch muntu wisambina nend wakwipul chipul, chichirikina nich dizu dia piur, mwamu mwin kulejan udia nend ukutwish kukukwash kukimb chakul

• 

  Shang chipul cha kwisambin paukumuchirikina. Anch muntu wamekesh anch usangaredin yom yilejay kal, ukutwish kumushil chipul chiukwakula piukumutazuka kand. Ukutwish wamutumin mukand kusutil adres e-mail, ap kand adres mukwau. Ap ukutwish kumutumin video ap mikand yetu yikwau ku ma adres minam, ap kand yom yikwau yidia pa kapend ketu