“Nikutwishap Kumutan Kand ku Chikumbu!”

Ov, kandikal wisambinap piur pa muntu kanang wamekesha musangar? Ap anch wasala usu wey wawonsu wa kumuchirikin yisu yivud muntu winou, pakwez, utwishinap kwichil mem pa jimbut ja uyakin jiwakuna. (1 Kor. 3:6) Yisu yimwing in kulejan ayifuvu akat kumufundin muntu mukand umekeshina anch chiyikasikedining kumutan ku chikumbu chend, ap akumushil kamukand kwishin kwa chis chend. In kulejan amwing ij mutapu wa kupandakana chikokujol chinech cha kutan kand muntu ku chikumbu chend ni kumwit nimero wa telefon wend, pamwing ap kusutil ku kumwipul anch: “Ov, usotining ku kufundin?” Tukutwish kuchind uvud wa kuyichirikin antu anch twamuchirikin muntu ap twamulej uman kusutil ku kumufundin mukand, ku kutum e-mail, ku kumufundin rusangu pa kapend, ku kumushil kamukand ku chis ap kumutazuk ku telefon. Anch kadingap ku chikumbu chend, chikwikal chitwishin kudi kukudish musangar wend.