Chisend Chetu cha Kutung ni cha Kulam Nawamp Jindond ja Difukwil Diakin

Kutung tempel wa mu Isarel kwita mudimu ukash ni nfalang jivud. Pakwez, in Isarel apana ukwash ku mudimu winou nich mushiku. (1Jsng 29:2-9; 2Jsng 6:7, 8) kupwa kwa kutung tempel, kulam kwa tempel winou kudi in Isarel kwamekesha mwikadil wau wa muspiritu ap kuziy kwau. (2Ant 22:3-6; 2Jsng 28:24; 29:3) nlel unou, in Kristu asutishining yisu yivud ni asadining usu wau wawonsu mulong wa kutung, kukomb ni kulam nawamp Yot ya Want ni Yot ya Yitentam. Pakwez, kusal pamwing ni Yehova mu mutapu winou chiding chisend chijim nakash mu mudimu wetu utumbila.—Kus 127:1; Kuj 7:15.

TUKUTWISH KWIPAN KUSUTIN KU . . .

• 

  Kukombang kupwa kwa yikumangan. Anch ukwetap chisu cha kukomb, ukutwish kunon yishoshot yidia piswimp.

• 

  Kwipanang pakad kujing mu mudimu wa kukomb ni kulam Chot cha Want. Mudimu wa antu avud uswapeling ni usangareshining.—lv 92-93 par. 18.

• 

  Kupan nfalang. Ap ‘nfalang jaad ja utad usuz jikweta usey ukemp upandakena’ jipaninau nich muchim umwing jimusangareshining kamu Yehova.—Mar 12:41-44.

• 

  Ukutwish kwipan mulong wa kupan ukwash mu kutung ni kutenchik yikumbu yitunginau mulong wa mudimu wa Nzamb anch chiswapel kukwatijan nich mikadil yey. Kupan ukwash ku midimu yiney kitinap anch ching ukwet ukaliweny wa kwijik midimu ya kutung.