MASHAKAMIN MA MWIN KRISTU

Mwikadil Uwamp ni Kalimish Kakurikina Yikat Kupukun Michim

Amband akata kwikal Atuman, yisu yivud akat kuyipwit anfumwau ku uyakin kusutil mwikadil wau wa win Kristu. Pakwez, kusal mwamu kwitin mudimu ujim ni wa mivu yivud. (1Pi 2:21-23; 3:1, 2) Anch umen mar mulong wa kuburen kutentam, dandamen kupandakan uyimp nich uwamp. (Ro 12:21) Pamwing ap nfumwey kakuteshap yom umulejina piur pa Yehova, pakwez anch waman chilakej chey chiwamp, ukutwish kuswimp mutapu umenay uyakin.

Sal usu wa kuman yom mudi muyimenay mbay ney wa uruw. (Fl 2:3, 4) Ikal mwin riy ni ranaken ni sal usu wa kuwanyish yisend yey mudi mband wa kalimish. Ikal mwin kutesh muwamp. (Jk 1:19) Shimpish muchim ni muleja nfumwey anch umukatin. Ap anch nfumwey kakumekeshidinap uwamp ni kalimish, ukutwish kwikal nich musangar pa kwijik anch Yehova usangaredin nakash kushinshaman kwey.—1Pi 2:19, 20.

TAL VIDEO ULONDINA ANCH JÉHOVAH NOUS DONNE LA FORCE DE PORTER NOTRE CHARGE, NI KUPWA AKUL KU YIPUL YILONDWILAKU EY:

Mashakamin ma nambaz Grace Li mading mutapu ik kwinsambishin kwa uruw wend?
Chom ik chamupwita ku uyakin wa Bibil?
Mutapu ik wajijamenay nambaz Li yom yikash kupwa kwa dibatish diend?
Nambaz Li walembilang yom ik mulong wa nfumwend?
Yiyukish ik yasangeray nambaz Li mulong wa mwikadil wend uwamp ni kalimish kend kakurikina?

Kubombakesh: Yom yilejenau mu video ‘Jéhovah Nous Donne la Force de Porter Notre Charge,’ umekeshina kuya kurutu kwa Grace Li. 1 . Grace udidin mwi njil. 2. Nambaz wilejin ni Grace. 3. Grace ni anend adiokil ku restoran wau mulong wa kuya ku yikumangan. 4. Grace udi nau antu akwau chinan a mu dijuku diend ku Chot cha Want — Mwikadil uwamp ni kalimish kakurikina yikwet usu nakash!