Sadin mu Mudimu wa Kulejan Yom Yisadikina Katat

Mu mudimu wa kulejan, Yesu wasadinang yom yading yijau antu mulong wa kufundish malejan ma usey. (Lk 13:1-5) Niyey ukutwish kusadin yom yijau antu mulong wa kuyikwash kusanger uruu wa Want. Kupwa kwa kujimbul mutapu ukasikena mashakamin, mar kanang masadikang, kanvundangesh kasadikang, mutapu wikadinau kal antu aswik a madrog, ap yom yikwau, ipul chipul cha kumutongish muntu. Chilakej, ukutwish kumwipul anch: “Ov, utongin anch . . . ukez (yikez) kapwa?” ap “Ey utongin anch yom ik yikupwisha . . . ?” Kupwa, tang ni isambina verse wa Bibil wisambidina chom chinech. Anch muntu wasanger, mutadisha video ap isamba nend mu mukand kanang udia mu Mushet wa Yom ya Kufundish nich. Pitudandamedina kusal usu wa kupukun michim ya antu a mu teritwar wetu, el tusalany yom “yawonsu mulong wa rusangu ruwamp.”​—1Ko 9:22, 23.

Yom ik yikutwishau kusanger nakash antu a mu teritwar wey?