Sadin Buku Sanger Mwom Chikupu! Mulong wa Kukasikesh Ritiy Mudiay Yehova ni Yesu

Mulong wa kumusangaresh Nzamb, in kwilej a Bibil afanyidin kukudish ritiy rikash. (Heb 11:6) Tukutwish kupukun michim yau kusutil buku Sanger Mwom chikupu!. Buku winou ukwet maverse ma dishin, yitongijok yovikena nawamp, yipul yiwamp, mavideo makutwisha kumupukun muntu, ni yipich yiwamp. Anch twayikwash in kwilej kukudish mikadil ya win Kristu ni kuta urund ni Nzamb, tukumekesh anch tutungin nich yom yakad kutwish kusheshik ku kasu.​—1Ko 3:12-15.

Antu amwing atongining anch chikasiken kwikal arund a Nzamb wakadiau kuman ni mes. Chawiy, tufanyidin kuyikwash kumwijik Yehova ni kumuchingejin.

TAL VIDEO KASIKESH RITIY MUDIAY YEHOVA KUSUTIL BUKU “SANGER MWOM CHIKUPU!”, KUPWA AKUL KU YIPUL YILONDWILAKU EY:

• Yom ik yimekeshina anch nambaz warijekang nawamp dilejan?

• Mutapu ik wasadinangay nawamp tuyipul tukemp tukemp mulong wa kumukwash mwin kwilej kulet yitongijok ni yovil yend piur pa mukand wa Isay 41:10, 13?

• Video ni maverse yikalang ni usu ik pad mwin kwilej?

Antu avud kwovilingap kurumburik kwa difut, ap kakatap kudiman mud chipan chiyinkishinau kamu awiy kud Yehova. (Gal 2:20) Chawiy, tufanyidin kuyikwash kukasikesh ritiy rau mu chakupesh cha difut dia Yesu.

TAL VIDEO KASIKESH RITIY MUDIAY YESU KUSUTIL BUKU “SANGER MWOM CHIKUPU!”, KUPWA AKUL KU YIPUL EY:

• Yom ik yimekeshina anch mukadivar warijekang nawamp dilejan?

• Mutapu ik wasadinangay nawamp yom yidia mu chikunku “Jingunin Kand” mulong wa kumukwash mwin kwilej?

• Mulong wak malembil mad ma usey nakash kud mwin kwilej?