Mitu ya Milong Yikwau Yidia mu Chinong cha Kalam

In kulejan avud akat kusadin JW Library^® mulong wa kurijek yikumangan ni akat kusanger mutapu uwamp umekeshinau mitu ya milong ya kwilej yidia mu Chinong cha Kalam, yikutwishay muntu kusadin mu dilejan diend dia pakampwil. Pakwez Chinong cha Kalam cha kwilej chikwet kand mitu ya milong yikwau yikweta yakudia ya mu spiritu. Mutapu ik ukutwisha kutan mitu ya milong yiney ni kutaninamu, mu kusutin kusadin JW Library?

• Kwinsudien kwa mutu wa mulong win wawonsu wa Chinong cha Kalam cha kwilej, kud mutu wa mulong ulondina anch: “Yom Yikwau ya Kutang.” Kwinshin kwa mutu wa mulong winou, shat pafundinau anch: “Mitu ya milong yikwau yidia mu nimero winou.” Shinshikin yom yidia mu nimero wa Chinong cha Kalam, ni man mutapu ulejenau ni uchindinau mitu ya milong ya kwilej. Shat mutu wa mulong ukwau ukatina kutang.

• Pa paj wa kusambish mu JW Library pa chikunku chilondina anch: “Yom Yisu,” pwit Chinong cha Kalam chin chawonsu chisu, anch chabudik. Fungul gazet mwawonsu wapwitina kal ni tal pa paj wansudien pafundinau anch yidiamu, mulong wa kwikal ni kashinsh anch utanidinamu mu mitu ya milong yawonsu.