Yesu “Wileja Kuziyin”

Yesu umuziyidining Yehova chisu chawonsu. (Yoh. 8:29) Chad mulong wak Bibil ulondin anch: “Wileja kuziyin kusutin mar mamanay”?​—Heb. 5:8.

Padingay pa divu, Yesu warisha ni yikokujol yakad kwikalang mwiur. Chilakej, amulila kud anvaj amukatina Yehova pakwez ading antu akad kuwanyin. (Luk. 2:51) Wajijamena yisal yiyimp ya antakel a marelijon ni antakel ayimp a maguvernema. (Mat. 26:59; Mar. 15:15) Chikwau kand, “wikepisha amwinend ni waziyina kushik ni ku rufu,” rufu risansena.​—Flp. 2:8.

Yom yiney yawonsu yamufundisha Yesu kuziyin mu mutapu wading wakadingayap kal kwilej padingay mwiur. Chawiy wafanyina chad kwikal Mwant uwanyidina ni Mwin Kupesh Mujim ukweta mutapu wa kutwanaken. (Heb. 4:15; 5:9) Yesu wikala muntu wa usey nakash kud Yehova kupwa kwa kwilej kuziyin kusutin mar mamanay. Niyetu tukutwish kwikal antu a usey nakash kud Yehova ni ukutukwash kuwanyish yisend yivud anch twadandamen kumuziyin mu yishiken yawonsu.​—Yak. 1:4.