Difundish dia 14

Arund nend Nzamb alikining yom yiyimp

Satan ukat kuyipak antu chakwel asala yom yiyimp. Muntu usotila kwikal murund nend Nzamb ufanyidin kukis yom yikisinay Yehova. (Kuseng 97:10) Tal yom yimwing yiwapidilau kulik arund nend Nzamb:

Yitil ya kusotan. “Kangal wakasotan.” (Kubudik 20:14) Kusotan kurutu kwa uruu ni kwawiy kuyipin.—1 Korint 6:18.

Kukwachik. “In kukwachik maar . . . kakutwishap kuswan mu want wa Nzamb.”—1 Korint 6:10.

Winjipan, Kudiosh Madikaj. “Kangal wakajipan.”—Kubudik 20:13.

Wij. “Kangal wakiy.”— Kubudik 20:15.

Makasu. Yehova ukisin “rudim ra makasu.”—Jinswir 6:17.

Ubaj ni Ujim Upandakena. “[Yehova] ukisin chakin muntu mwawonsu ukatina ubaj.” (Kuseng 11:5, NW) “Yisalijok ya wuntu [yiwejidin] . . . ujim.”—Galatia 5:19, 20.

Kusengen Nfalang. “Kangal wovijanany nend muntu . . . anch ndiy . . . ukwet ris.”—1 Korint 5:11.

Rukis ra Ulombu wa Chikit ni Muchid. “Yikatany akankuny nen, yilembidilany akata kukuzengolany en.”—Mateu 5:43, 44.

Yom yitulejinay Nzamb yidi mulong wa kuwap kwetu. Chidingap chiswapela pichuku pichuku kulik kusal yom yiyimp. Nich ukwash wa Yehova ni wa Atuman end, ukutwish kulik kusal yom yikisinay Nzamb.—Isay 48:17, NW; Filip 4:13; Hebereu 10:24, 25.