Aburaham Muntu wa Rukat
Aburaham watwisha kwov ushon nakash. Mukajend mukatish Sara, wafil kal. Ipal winou uvurikin yom yivud nakash pakatay kulond mazu mend mansudiel. Pateshinay kuswan ku muchim, udandamedin kudil. (Disambishil 23:1, 2) Pa ndond pa kumuletin usany, kudil kwinoku didi diyingish dimwing dimekeshina mwikadil uwamp nakash wa Aburaham—rukat rend.
OV, RUKAT CHOM IK? Rukat chidi chovil cha kwipan nakash kudi muntu kanang. Muntu ukweta rukat ukat kurimekesh kusutil ku yisal yend pa mutapu wiyovilay piur antu akatinay, ap anch kusal mwamu kwitin kwipan amwinend.
MUTAPU IK WAMEKESHAY ABURAHAM RUKAT? Aburaham wamekesha anch ndiy wading ukatin dijuku diend. Chakin kamu, Aburaham wading ni yom yivud ya kusal. Pakwez, ndiy kalikap kuwanyish maswir ma muspiritu ni ma yovil ma dijuku diend. Chawiy lel, Yehova amwinend wamana anch Aburaham wading uletin chilakej chiwamp mu kwifukwil mudi mutu wa dijuku. (Disambishil 18:19) Chikwau kand, Yehova walejana patok rukat ra Aburaham. Palonday piur pa Aburaham, Ndiy wisambina piur pa Isak mudi “[mwan] ikundj kapokal ukatilay.”—Disambishil 22:2.
Tukutwish kand kutongin pa rukat ra Aburaham kusutil ku yasalay pafay mukajend mukatish, Sara. Aburaham wamudila. Ap anch ndiy wading ikundj mukash, ndiy kwovap wom wa kumekesh ushon wend. Aburaham wamekesha nawamp usu ni uwamp.
Aburaham wamekesha anch ndiy wamukata Nzamb wend. Mwom wend wawonsu wamekesha rukat riner. Mutapu ik? Tukutwish kuvurik chilondinay Bibil mu 1 Yohan 5:3: “Anch chakin, tumukatil Nzamb, tuziyidil kand ku yijil yend.” Pa mazu minam, Aburaham wapana chilakej chiwamp nakash cha rukat ra Nzamb.
Yisu yivud, Yehova pamwinkishay Aburaham chijil, Aburaham waziyila kapamp kamwing. (Disambishil 12:4; 17:22, 23; 21:12-14; 22:1-3) Chinech chirumburikinap anch chijil chading chiswapel kuziyil ap chading chikasiken; chidiap anch mulong Aburaham wijika mulong wak Yehova wamwita kusal chom kanang. Kudi Aburaham yom yiney yadingap ya usey. Anch Nzamb wend usotin anch ndiy asala chom kanang, ndiy witiyijanga kuchisal. Aburaham wamananga anch chijil ni chijil chadinga mutapu wa kumekesh rukat rend kudiay Yehova.
CHOM IK TWILEJINA PA MULONG WINOU? Tukutwish kumwimburij Aburaham mu kuyikat nakash antu akwau, pakampwil yidi ya dijuku dietu. Tukezap kulikidil yakamish ya mwom yitupwita chisu tukutwisha kusutish ni akatish netu.
Tufanyidin kusal usu wa kukudish rukat ra kashinsh kudiay Yehova. Rukat riner rikutwish kwikal usu ukash mu mwom wetu. Chilakej, rikutwish kutubachik ku kuswimp mikadil, mazu, ni yaku yetu chakwel tumusangaresha Nzamb.—1 Pita 1:14-16.
Chawiy lel, chiswapelingap kuziyil ku yijil ya Yehova yisu yawonsu. Pakwez tukutwish kwikal nich kashinsh anch Ndiy wamukwasha Aburaham—Ndiy wamutazuka anch “murund nam”—ukez kwikal tayad chakwel atukwasha niyetu. (Isay 41:8) Dizu diend Bibil, dikat kushilamu anch: “Ukez kukukasikeshany, ni kukwimikany daang.” (1 Pita 5:10) Kudi kushilamu kukasikeshina mud ik kudiokila kudi murund wa Aburaham wa kashinsh!
[Kamushet kadia pa paj wa 10]
Ov, Chiyipin Kudil?
Antu avud akutwish kwakul anch mwaning. Akutwish kukashimuk pamwing ap anch Aburaham wading ni ndiy pakach pa antu akash ashinshamena alejenau mu Bibil anch adila mu yisu ya mar. Pakach pa antu akwau kudi Josef, David, kambuy Pita, amakurump a chikumangen cha Efes, ni Yesu amwinend. (Disambishil 50:1; 2 Samwel 18:33; Luka 22:61, 62; Yohan 11:35; Midimu 20:36-38) Chimeken patok anch Bibil kafundishinap kudil kuyipin.