Program musu wa chikunguril cha sirkwit

Ov ukwash ik utambwila katat mu kwend ni Yehova? Ov mutapu ik ukutwisha kurish nich chipwichik cha kulik kulondul mijikit yakad kwikal ya uteokras yidiosha pa ndond ya kusambish yisakin ya Want mu mwom wey? (Mat. 6:33) Ov chikukasikedin kujingunin kuwap ni kuyip mu mangand mamwing mamekeshina kuyip mud kuwap? (Heb. 5:14) Milong yiney akuyisambin ku chikunguril cha sirkwit chikweta mutu wa mulong “Tumanany Ukwash wa Kwendil mu Jinjil ja Nzamb,” ni chikusambisha mu Mwinses 1999.​—⁠Kus. 128:⁠1.

Chikunku chisu chikwikala ku chikunguril chinech cha sirkwit Diampos, chikwikal kupan kwa chilikej cha Chikumangan cha Mudimu. Kalam wen wa sirkwit ukwijikish yikumangen yitonginau kusal chakwel awonsu atwisha kushik irijekina nawamp mulong wa kwisakin program sens.

Chikunku chikweta mutu wa mulong “Ayibol​—⁠Babalany Mutapu Ukata Kwendangany” chikutulej mutapu wa kusadil manangu ni kwisikan mulong wa kulam chisu chifanyidina mulong wa kusal mudimu wa uchibol. (Efe. 5:​15-17) Mutu wa mulong “Babal nich Jinjil Jimekena Mudi Jitentamin” ukutufundish mutapu wa kwijik nich kashinsh yom yitiyikina kurutu kwa Nzamb mu mitambu yawonsu ya mwom. Diskur “Mutapu Ututadina Mauprofet Mashikedina” dikutukwash kwizwish manangu metu ni michim yetu nich rukat ra Dizu dia Nzamb. Diskur dia pibur “Jinjil ja Nzamb​—⁠Jidi ja Ukwash!” dikukasikeshin yisakin ya kashinsh yitutambwidina katat ku kwend kwambatan ni yom yitentamina yitinay Nzamb.

Ov usotin kumekesh kurutu kwa antu awonsu kusutin dibabatish anch usotin kwendil mu jinjil ja Nzamb mud kashalapol wend? Chad lel isamba ni kalam-ntakel chakwel akwata yitenchik yifanyidina.

Ikwatina chiyul cha kulik kuburen chikunguril cha sirkwit chinech cha pa chisu chifanyidina. Kangal waburen ap pakemp machuku maad minam ma chikunguril, chakwel “wayuk muntu mwawonsu ukata kumwovil Chinawej [Yehova, NW] wom ni kwendil mu jinjil jend.” ​—⁠Kus. 128:⁠1.