Tusadilany matrakt chakwel kusambish misamb
1 Ov chidap chakin anch kulejan kwetu nawamp kwengamidin nakash kamu pa kukwat kwetu chiyul cha kusambish misamb? Chikasikena chidi kulond mazu kanang makutwisha kuvuvurish kusanger kwa muntu ni kumushikij ku kwisamb nend. Ov mutapu ik tukutwisha kuchisal?
2 In kulejan avud amen anch nich mazu mamwing matondinau nawamp, akutwish kusambish misamb nich kupan umwing wa matrakt metu misambidina Baibel. Mitu ya milong (ya matrakt) yisangarishin, ni yifwatul yau yikweta ulomb yisangarishining kuyital. Matrakt maletiningap kwau yitongijok ya kwel anch kudi jinsangu jivud ja kutang. Pakwez, chinech chikangeshinap anch mwikala uruu ufanyidina ni usangarishina nakash ni tukutwish kusambish nich dilejan dia Baibel.
3 Mwamu kamu mwatongay Kaman umwing anch: “Mu mangand minam makadikeshina yom, antu akata kwitekinaku chisu cha kutang kadap avud bwat, pakwez matrakt makwet kulep kumwing kufanyidina chakwel kupan uruu umwing wa usey, ni miswipin chakwel muntu kakutwishap kumalik kapamp kamu ka kusambish. Natanga matrakt mavud, ni winou wawiy mutapu nileja uyakin.” Tufanyidinap kudiwul ukash wa Dizu dia Nzamb dirumburilau mu uruu winou wiswimp.—Heb. 4:12.
4 Jinzau jinying jiswapela: Avud atwishin kusambish misamb nich kusadil mazu mamwing maswapela. (1) Tumuleja muntu matrakt makemp ni kumwipul trakt ik umusangarishina. (2) Anch wapwish kutondap umwing, tumwipula chipul chimwing chitwarijekanga nawamp chisambidina mulong ujim udia mu trakt. (3) Chakwel kwakul ku chipul, tutanga paragraf ufanyidina ap verse udia mu trakt. (4) Anch atwakul mutapu uwamp, tudandamena kwisambin yidia mu trakt ap kwisambin difundish kanang didia mu broshir Nzamb Witin ap shapitre kanang mu buku Connaissance ulejena jinsangu jikwau. Mu mutapu winou tukutwish kusambish kapamp kamwing dilejan dia Baibel. Yiyul yilondwila ey yikutukwash kurijek ya kulond pitusadidila matrakt manying minam.
5 Mutu wa mulong wa trakt “Qui domine vraiment le monde?” chidi chipul tukutwisha kwipul:
◼ Anch muntu twisambina nend wakul anch “Nzamb” ap anch “Nijap,” tutanga jintung jaad ja kusambish pa paj 2 ni paragraf wa kusambish pa paj 3. Rumburil 1 Yohan 5:19 ni Kujingunik 12:9. Anch muntu utadikin kwikalaku kwa Satan Djabul ap kwitiyin usu wend piur pa mangand, tukutwish kudandamen nich mutapu wa kutong udia mwishin mwa kamutu ka mulong “Chishin cha Mikadil ya Mangand” chakwel kudandamen nich misamb. Anch kwamekan kusanger, turumburila kwadiokalay Djabul, nich kusadil milong yidia pa paj 3 ni 4 wa trakt.
6 Trakt “Quel espoir y a-t-il pour nos chers disparus?” ukutwish kuvuvurish swa kusanger. Tukutwish kusambish misamb nich kwipul:
◼ “Ov utongin anch tukez kumanijan kand ni anamakwetu afa kal?” Anch muntu wakul, twisambina paragraf wa kaad pa paj 4 wa trakt ni kutang Yohan 5:28, 29. Kupwa turumburila anch chitukwashin kutesh mutu wa mulong ukemp wa kusambish udia mu trakt. Tumwita kwisambin chikunku chinech pamwing.
7 Trakt “Une vie de famille agréable” utadil majuku mawonsu mu mangand. Tukutwish kulond anch:
◼ “Umen niyey chakin anch dijuku nlel dikwet matat nakash. Ov yom ik utongina yikutwishau kusal chakwel kukasikesh kunungijan kwa mu dijuku?” Anch muntu wapwish kwakul, tupwitina yitongijok yend ku milong yidia mu paragraf wa kusambish pa paj 6. Tujimbula verse umwing pa maverse majimbwilau pa paj 4 ni 5 wa trakt, ni kumurumburil. Chad lel tumwita kusambish kwilej nend Baibel.
8 Ukutwish kusadil trakt “Pourquoi avoir confiance en la Bible” nich mutapu wa kupan winou:
◼ “Antu avud ateshap kal rusangu ra Abel ni Kain, rusangu ridia mu buku wa kusambish wa Baibel. Rusangu ridia mu Disambishil risambidin kand mband wa Kain. Ov wiyipulap kal kwisu kwakamanay Kain mband?” Tusadila paragraf wa nsudel pa paj 2 wa trakt mulong wa kupan chakul. Turumburila anch trakt winou wisambidin kand yijingunik yijim ya Baibel piur pa yituchingedina kurutu oku. Kusambishin pa paragraf wa kasatu pa paj 5, tudandamenany ni misamb, nich kusadil mifund yiletinau.
9 Kwangan matrakt misambidina Baibel udi mutapu umwing wa kulejan rusangu ruwamp wasongina mabuj. Chiyidia yom yiswapela kusend, yikalap nchik ndond yiuyila, ukutwish kuyisadil mutapu uwamp mu mujikit wey wa ku chis ni chis ni piupanina uman wa kukashimun. Matrakt masadining mudimu umwing ujim mu kusal kwa mujikit wetu. Tal nawamp anch wasendang matrakt kushalijan ni kumasadil kamu mulong wa kusambish misamb.—Kol. 4:17.