Shikol ya mudimu ya Uteokras ya 2001

¹ Kudi yiyingish yivud ya Baibel yimekeshina mulong tufanyidina etu awonsu kwinungin sens ku Shikol ya Mudimu ya Uteokras mud kamu chitwishikina.​—⁠ Jnsw. 15:23; Mat. 28:​19, 20; Mid. 15:32; 1 Tim. 4:​12, 13; 2 Tim. 2:2; 1 Pita 3:⁠15.

² Arijekin kal program wa kutang kwa Baibel kwa rubing ni rubing ku shikol. Program winou usendin piswimp paj umwing wa Baibel wa kutang dichuku ni dichuku. Kudiosh kamu muvu unou, atekin kand kutang kwa Baibel ku rubing ni rubing ra dichirikin dia kufund. Kutang Baibel kwa kuwejin, kwawejinau ku program mu mivu yisatu ya kwinyim, akupwishin kal. Pakwez anch usotin kutang nakash Baibel kupandakan yilejenau pa program, ukutwish kwisadil program wey amwiney.

³ Misamb No. 2 yikat kuyifundish akadivar “kutang kurutu kwa antu” Dizu dia Nzamb. (1 Tim. 4:13) Anch ukwet chikunku cha kutang, sutirikamu nich dizu dizambukina tupamp tuvud. Ukutwish kusadil maband kaset ma Baibel ma Sosait chakwel kurijek mutapu wey wa kutang mazu, kukandjik dizu ap kudikepish, ni mitapu yikwau ya kutang kumwing kuwamp.

⁴ Misamb No. 3 ni No. 4 yimanyidin mu buku Comment raisonner, buku urijekinau mulong wa kusadil mu mudimu wa chingand. Anch mutu wa mulong uletinau ukwet yom yivud yakad kufanyin kwambambin mu chisu chiletinau, tond ching kusu milong yikwikala ni ukwash ujim ku chikumangen cha teritwar wen. Ukutwish kusadil milong yin yawonsu yambatena ni teritwar wen.

⁵ Sal usu wawonsu wisikena chakwel kusal yikunku yey yawonsu yikwinkinau ku shikol ya mudimu. Itekina chisu cha kurijek nawamp, ni kulond kudiokila ku muchim wey. Ukwikal musul wa dikasikesh ku chikumangan, ni ukutambul ukwash amwiney mu kusadil pamwing ni muchim wawonsu ku Shikol ya Mudimu ya Uteokras mu muvu wa 2001.