“Najijamana! Najijamana! Najijamana!”
1 Mazu minam ma Mwin Kristu umwing ushinshamena wakolika ku Holokost (wa anazi) mamekeshin kujijaman kwa tunan ni tunan twa Atuman—adia aom ni afila kal—antu adandamena mu yitiyij yau kwikalap nchik chisum cha Anazi. (Efe. 6:11, 13) Rusangu risangareshina ra kujijaman kwau ni kupandakan kwau arisambidin mu band video ushikina yovil kamu ya muchim La Fermeté des Témoins de Jéhovah face à la persécution nazie. Antu awonsu mu chikumangen ayikasikeshin kutal band winou ni kulejan yitongijok yau ni yovil ku muntu ni mukwau.
2 Likany amboku yipul yiney yilangwisha yitongijok yen: (1) Ov mulong wak wajijamanau Atuman’a Yehova pantaliken ni Anazi? (2a) Ov yitongijok ik yiyimp yadingaku piur pa kulangwishijan, ni mulong wak? (2b) Ov chinech cheza kukwat nchik majuku ma Atuman? (3) Atuman inch atumau mu makompony ma antu a rukan, ov mutapu ik wadingau ni kuyijik mu makompony, ni mutapu ik wadingau ni kuyisadil kud Ampurish (Gestapo)? (4) Ov usey wa chom ik walikau akadivar netu kufut mulong wa kuman want ipau? (5a) Ov mutapu ik ni chisu ik chalondau Atuman’a Yehova patok ya wintany ukash wa guvernema wa Hitler? (5b) Ov mutapu ik wakulay Hitler? (6) Ov kukwashijan kwa antu a Yehova kwimekesha nchik kwa dipandish kud awiy ni antu akwau, ku mujimbu ni muspiritu? (7) Ov muminy ik wa Want wafundau mu kompony wa antu a rukan? (8) Ov yilikej ik ya amakundj, amband, ni ansand ashinshamena yikukasikeshina kulam kushinshaman kwey kud Yehova, kwikalap nchik yikutwisha kubudikin? (Tal kand Annuaire wa 1999, paj 144-147.) (9) Chiudia Kaman wa Yehova, ov band video winou ukwinkin yitongijok ik piur pa kulik kwikalang ku mutambu wa mangand?
3 Chilikej chiwamp cha kujijaman ni kukankaman cha Atuman’a Yehova chisambidinau mu band video Fermeté chikutwish kuyikwash ansand, ap akad kwikal Atuman, kurish nich milong ya usey mud kuburen ranaken, yipwichik ya antu akwau, ni kom. Anch udi nsand ukata kuya ku shikol ya sekonder ap shikol ya piur, ov ukutwish kuyit alej ey chisu cha kusadil yom yiney mu shikol? Pamwing ap ukutwish kupan band video umwing ni kushimunin mudiay mud rusangu rikemp ra chishimu ap mud rusangu rikweta difundish dia ngikadil.
4 Band video Fermeté udi chom cha mudimu chiwamp nakash chakwel kumekesh mutapu mafundish ma Nzamb makata kutwinkish ukash wa muspiritu mulong wa kumusangaresh Nzamb nich kujijaman mu yitentamina. (1 Kor. 16:13) Talany pamwing video nau antu awonsu amekeshina kusanger mu uyakin.