Unis grâce à l’enseignement divin —Kushinshikin kwa Uumwing Wakin wa Ukadivar
Kalam wa munyimuku umwing waya kwa mband umwing wadinga ni kwilej Baibel, pakwez wadinga kand kal asambisha kukumangan ku yikumangan ya chikumangen. Wamutazuka kwez ni kutal band video Unis grâce à l’enseignement divin. Ndiy weza ni kukumangan ku chikumangan rubing rinira ni walonda anch wadinga ni musangar ujim wa kwikalaku. Ov mulong wak band video winou wabudisha swa yibudikin mud yiney? Washimoka pa kuman ngikadil yiwamp ya uumwing wa ukadivar usadila mukach mwa mangand mamwing ma chisum, mizwila sens nich rukis.—Yohan 13:35.
Tal band video winou umana ni kov chisambu ni rukat yikwetau Atuman’a Yehova pa mangand mawonsu. Kupwa tongijokin pa yipul yiney:
(1) Ov mulong wak mutu wa mulong “Mafundish ma Winzamb” wadinga ufanyidina kamu nakash mulong wa yikunguril ya 1993-1994?—Mike 4:2.
(2) Ov uyakin wa Baibel warumburika chom ik kud majuku kanang? Ov wading urumburikin ik kud en?
(3) Ov mulong wak chidia cha usey kwikal afundishinau kud Yehova?—Kus. 143:10.
(4) Ov milong ik yikash yifanyidina kupandakan mulong wa kurijek yikunguril yijim ya mangand mawonsu?
(5) Ov mutapu ik wamena kuwanyin kwakin kwa Kuseng 133:1 ni Mateu 5:3 ku yikunguril ya in Kristu akin kuwakumangana?
(6) Ov uman ik wa kashinsh udiaku umekeshina usu wa mafundish ma winzamb?—Kuj. 7:9.
(7) Ov uvud ik upandakena wa antu atambwila dibatish dia in Kristu akin wadingaku?
(8) Ov mazu ik ma Mike, Pita, ni Yesu mashikedina pakach pa Atuman’a Yehova?
(9) Ov chom ik chikwitiyishina anch chisak chimwing cha antu akweta musangar, ni adia mu uumwing, chidiap kwau chilat?
(10) Ov nany ukutal nend band video winou, ni mulong wak? Kupwa kwa kutal band video winou, nambaz umwing wamurumburila kamu nawamp mu wiswimp anch: “Band video ukez kwinkwash kuvurik anch akadivar nau anambaz avud in Kristu adia mu mangand mawonsu akat kumusadil Yehova pa chisu chinech nich kushinshaman. . . . Uumwing wetu wa ukadivar udi wa usey mud ik!”—Efe. 4:3.