Mulong wak Tukatina Ukadivar Wetu Wawonsu

Mutapu ik tukutwisha kudandamen kumekesh rukat mulong wa akadivar netu a muspiritu, mu mangand m’ilel makad rukat? (1 Pi. 2:17) Mutapu ik tukutwisha kumekesh kud antu akwau anch, chakin kamu ukadivar wetu wa kashinsh wa pa mangand mawonsu udiaku? (Mat. 23:⁠8) Chidi kusutin ku band video Toute la Communauté de nos frères (Ukadivar Wetu Wawonsu.) Band winou ulejen mayingish ma kukatijan kwetu muntu ni mukwau. Talany bil anch ukutwishany kwakul ku yipul yiney:

(1) Mijikit ik yisatu tukata kusal pamwing nau akadivar netu pa mangand mawonsu? (2) Mutapu ik ukatau kumekesh akadivar netu kudandamen kwau mu kulejan (a) mwi mpay ya mu Alaska, (b) mu yau yijim ya mwi Mputu, ni (c) mu matikit makash kwandam ma mu Peru? (3) Chom ik cha mudimu cha pakampwil chidiaku cha kupan nich uman usongishina mabuj? (4) Mulong wak tufanyidinap kutong anch mudimu wa kulejan udi kwau chilik chimwing ni midimu yikwau? (5) Letany yilikej ya mutapu ukatau Atuman’a Yehova kongojijan ni kukwashijan umwing ni mukwau mu yisu ya yinship ya mar​—⁠kuzal kwa divu, rikind mukash, ni jinjit pakach pa yisak kushalijan. (Talany yirumburil piur pa Takao pa paj 23 mu Réveillez-vous! wa Kafumpul-Mashind 22, 1995, ni piur pa Kotoyo pa paj 20 mu Réveillez-vous! wa Mwinkind 22, 1996) (6) Mu mutapu ik ufanyidina tukutwisha etu awonsu kumekesh chijingidij chijim cha ukadivar wetu wa Ukristu? (Yohan 13:35) (7) Mu chilik ik tufanyidina kuman nich usey yikumangan yetu ya chikumangen? (8) Kwikal nich Chot cha Want mwa kukumangen kukwet nchik usu padi antu adinga achiburedina pa kusambish? (9) Mutapu ik wapandau muspiritu akadivar netu mwi Mputu wa Kwingangel ni mu Russie chisu chadingau mu kujidik kwa mudimu? (10) Katat, usu ik wa pakampwil usadilau Atuman avud chakwel kukumangan ku yikunguril, ni mulong wak? Mutapu ik chakukasikeshina chinech? (11) Mulong wak udandamedina kwifukwil pamwing mu uumwing, kuyikwash akwau mu yisu ya mar, ni kulejan nich kushinshaman chisu chin chawonsu ni ndond yin yawonsu pichitwishikina? (12) Mulong wak chidia cha manangu kwikal nich kopi wey wa band winou ni kuyilejay kand antu avud amekeshina kusanger?