Yitukutwisha Kulond Piur pa Magazet

LA TOUR DE GARDE wa Ndol 15

“Antu avud amen anch kud kuwa kwa usey wa yom ya muspiritu mu mivu yiney ya katat. Ov wawiy mutapu umena niyey? [Mulika muntu akula. Kupwa tang Kuseng 119:105.] Yom ya usey ya muspiritu yikutwish kuyikwash antu kwiyep kuwil mu mipit yivud mu mwom. Gazet winou ulejen kwi ndond kukutwishau kutan yom ya usey ya muspiritu.”

Réveillez-vous ! wa Ndol 22

“Mu mangand minam mayila mau nakash, antu avud akat kwiyipul anch an niyawiy apamin mau-mau. Ov mulong winou ukutadil niyey? [Mulika muntu akula. Kupwa tang Mulej 3:​1, 4.] Wanikanch ufanyidinap kwikal chisu cha anikanch kusendang yisend yilimina ya amakurump. Nimero winou wa Réveillez-vous! wisambidin mutapu ukutwishau anvaj kuyilam anau pa chirung cha wanikanch.”

LA TOUR DE GARDE wa Ndol-M. 1

“Yipul yimwing yipandiken ukaliweny wa antu chakwel anch atwisha kuyakul. Shinshikin chilikej chinech. [Tang Job 21:⁠7.] Ov kand kal wikalap nich chipul chimwing usotila kumwipul Nzamb? [Mulika muntu akula.] Gazet winou urumburil mutapu washikenau antu mu mitambu yawonsu ya divu ku kutan yakul yisangareshina ku yipul yiney yisatu ya usey nakash mu mwom.”

Réveillez-vous ! wa Ndol-M. 8

“Antu avud pakach petu ij muntu kampand uyedina musong wa china-mem (diabète). Ov wij jinsangu jivud piur pa musong winou? [Lejan chibur cha gazet, ni mulika muntu akula.] Gazet winou urumburil misul ni mutapu wa kwok musong wa china-mem. Wisambidin kand kushilamu kwa Baibel piur pa kwok kwa rawonsu kwa mayej mawonsu.” Pwish nich kutang Isay 33:24, NW.