Program Musu wa Chikumangan cha Pakampwil cha Dichuku Dimwing
Kudi jinsangu jivud mu machuku minam piur pa kulam muchim wetu mu mutapu uwamp chakwel kwikal nich mwom usangareshina ni ulemp. Cha usey nakash udi mwikadil wa muchim wetu wa chifanikesh. Mutu wa mulong wa program wa Chikumangan cha Pakampwil cha Dichuku Dimwing chikusambisha pa Mwinses 2003 ufanyidin mud ik: “Musadilany Yehova Nich Muchim Umwing.” (1 Jins. 28:9, NW) Ov chom ik tuchingejina kwilej kurutu oku?
Kalam’a munyimuku ukez kwisambin mutu wa mulong “Tuyikwashany Antu Akwau Kumusadil Yehova Nich Mupim Usangera.” Ma- interview makez kukasikeshin musangar udiokila ku kukudish kusanger ni kutakel malejan ma Baibel nau antu asotina kumusadil Yehova. Pakad kwidjidjek, in kukumangan awonsu akez kutan rongoj ni dikasikesh ku diskur dia kusambish dia mwin kulond ngez, “Tulamany Michim Yetu mu Mangand Mavundangena.” Chikunku cha pamanch chikez kupwa nich diskur dia dibatish.
Urel, chikunku “Tuzozany Chikas cha Ukwash” chikez kushinshikin mutapu tukutwisha kuyikwash antu akwau. Chom ik chikutwishau anvaj kusal chakwel kuchidij michim ya anau ku yipwichik yiyimp ni kuyikwash kusejin piswimp nend Yehova? Chikunku “Yikwashany Anen Kusanger Mudiay Yehova” chikez kupan yiyul yiwamp ni chikez kulejan mutapu wa kutwish kuchisal.
Ov tukat kwisakin sens yitenchik yin yawonsu yitenchikinay Yehova chakwel kulam ukash wa muchim wetu wa chifanikesh ni chakwel wikala nich usu? Diskur dia nsudiel dia mwin kulond ngez, “Tulamany Muchim Umwing mu Kumusadil Yehova,” dikez kwisambin yom yinying ya usey mulong wa kulam program wetu wa muspiritu. Asaa inch ni usu ik tukata kusutish mu malembil ma kashinsh, mu kwilej Dizu dia Nzamb, mu kulejan nich mushiku, ni mu kwinung pamwing nau ambay netu in Kristu? Ov kudi chom tufanyidina kurijek mu chimwing cha yom yiney?
Yehova utazukin kamu anch: “Tek muchim wey ku malejan, ni kuta matu mey ku mazu ma ronganyin.” (Jinsw. 23:12) Itenchika kusambish kamu katat mulong wa kukumangan ku dichuku dined dia kutambul ukwash wa malejan ma Baibel. Kusal mwamu kukez kukukasikesh kudandamen kumusadil Yehova nich muchim umwing ni mupim usangera.